03/10/2011 16:33 GMT+7 Email Print Like 0  
 

ຫວຽດນາມຊະນະເລີດ!

ເຄິ່ງສະຕະວັດແຫ່ງຄວາມຄອງຄອຍ, ກິລາບານເຕະຫວຽດນາມ ຈຶ່ງຍາດໄດ້ຕຳແໜ່ງຊະນະເລີດອາຊີອາຄະເນ. ນັ້ນແມ່ນລາງວັນອັນປະເສີດເລີດລ້ຳ ຊຶ່ງຄູເຝິກ ກາຣິດໂຕຼ ແລະ ລູກສິດຂອງເພິ່ນມອບໃຫ້ ແຟນໆລູກໜັງ ປຽບເໝືອນການຕອບແທນບຸນຄຸນນ້ຳໃຈ ທີ່ເຂົາເຈົ້າໄດ້ໃຫ້ກຳລັງໃຈແກ່ທິມຊາດຕະຫຼອດມາ…

ໃນຄືນອັນເປັນປະຫວັດສາດ 28 ທັນວາ 2008, ບານເຕະທິມຊາດຫວຽດນາມຄອງຕຳແໜ່ງ ຊະນະເລີດ, ສຳນັກຂ່າວ Reuter ໄດ້ອອກຂ່າວວ່າ: “ບັນຍາກາດອັນຄຶກຄື້ນ ແລະ ຟົດສະໜັ່ນໄດ້ແຜ່ລາມໄປທົ່ວທຸກ ແຫ່ງຫົນໃນນະຄອນຫຼວງ ຮ່າໂນ້ຍ, ນະຄອນໂຮ່ຈີມິນ, ດານັງ… ພາບດັ່ງກ່າວຈະເຫັນໄດ້ກໍຕໍ່ເມື່ອຊາວອາ ເມລິກາ ໄປເລືອກຕັ້ງປະທານາທິບໍດີເທົ່ານັ້ນ”.

ເຊຍພ້ອມກັບທຸກສີແດງອອກສູ່ຖະໜົນສ້າງເປັນ “ທະເລສີແດງ” ຢູ່ຮ່າໂນ້ຍ

ສ່ວນຄູເຝິກທິມຊາດໄທ Peter Reid ຊາວອັງກິດໃນຈົດໝາຍຝາກມາຍັງໜັງສືພິມ Daily Mail ໄດ້ຂຽນວ່າ: “ຂ້າພະເຈົ້າຮູ້ສຶກຕື້ນຕັນໃຈຫຼາຍຕໍ່ນ້ຳໃຈນັກກິລາທີ່ແຟນຫວຽດນາມສະຫງວນມັກ ແລະ ອຸທິດໃຫ້ແກ່ທິມ ຊາດຂອງເຂົາເຈົ້າ, ຫວຽດນາມຊະນະເລີດ AFF Cup ບໍ່ຕ່າງຫຍັງ ກັບ ອັງກິດຊະນະເລີດ World Cup”.
ສຳລັບຊາວຫວຽດນາມ, ບໍ່ມີປະເພດກິລາໃດຈະສາມາດດຶງດູດ ແລະ ມີລັກສະນະວົງຄະນາຍາດສູງຄືບານ ເຕະ. ມັນໄດ້ກາຍເປັນຄວາມຊິນເຄີຍ ຄືແຕ່ລະເທື່ອເມື່ອທິມຊາດຫວຽດນາມຍາດໄດ້ຊະນະໃນການແຂ່ງຂັນ ນັດສຳຄັນ, ແຟນຫວຽດນາມ ພັດພາກັນອອກສູ່ຖະໜົນ ດ້ວຍອາລົມຄຶກຄື້ນຢ່າງບໍ່ອາດພັນລະນາໄດ້… ນັບ ແຕ່ບານເຕະຫວຽດນາມ ເຊື່ອມໂຍງກັບພາກພື້ນ, ຮ່າໂນ້ຍ, ໂຮ່ຈີມິນ ແລະ ແຂວງຕ່າງໆ ໃນທົ່ວປະເທດບໍ່ ຈັກວ່າເທົ່າໃດຄໍ່າຄືນທີ່ເຈືອຈານໄປດ້ວຍສີສັນຂອງທຸງຊາດ,ເສື້ອຜ້າ,ຄຳຂວັນ. ຈາກບໍ່ຮູ້ຈັກກັນ ກັບກາຍເປັນ ເພື່ອນມິດ, ຊາວຕ່າງປະເທດກໍເໝືອນດັ່ງພີ່ນ້ອງຮ່ວມຊາດ. ທັງໝົດລ້ວນແຕ່ຕົກຢູ່ໃນຄວາມຫຼົງໄຫຼເມົາມົວ ກັບບານເຕະ ແລະ ຄວາມທະນົງໃຈໃນບັນຍາກາດລວມ.ຈາກ SEA Games 1995 ຈົນຮອດກ່ອນ AFF Cup, ທິມຊາດຫວຽດນາມ ມີ 2 ຄັ້ງໄດ້ເຂົ້າຮອບຊີງຊະນະເລີດ SEA Games, ຄັ້ງທີໜຶ່ງ ແມ່ນຊີງຊະນະ ເລີດ Tiger Cup (ເປັນຕົ້ນກຳເນີດຂອງ AFF Cup) ຜູ້ຊົມ ຫວຽດນາມ ໄດ້ກະກຽມ ໃຫ້ແກ່ການສະຫຼອງ ໄຊຊະນະຢ່າງໃຫຍ່ຫຼວງແຕ່ແລ້ວພັດຜິດຫວັງ. ຄັ້ງທີສອງແມ່ນໃນປີ 1998 ຂະນະຝົນກະໜໍ່າລົງມາ, ທິມ ຊາດຫວຽດນາມເສຍ 0-1 ຕໍ່ສິງກະໂປ. ຕຳແໜ່ງຊະນະເລີດ Tiger Cup ຖືກຫຼຸດອອກຈາກກຳມືຄູເຝິກ Afred Riedl ແລະ ລູກສິດຂອງລາວເຖິງກັບຕ້ອງເກັບຕົວ ໃນຄວາມມິດງຽບ. ປີ 2003 ໃນ SEA Games ຄັ້ງທີ 22, ທິມຊາດ U23 ຂອງຫວຽດນາມ ຖືກທິມຊາດໄທເອົາຊະນະຢູ່ກັບເດີ່ນບ້ານ, ສະໜາມກິລາໝີ້ດິ່ງ ຕົກຢູ່ໃນຄວາມມິດງຽບ. ຈາກນັ້ນອີກ 2 ປີ, ການພົບປະຄືນໃໝ່ກັບ ໄທ ທີ່ SEA Games ຄັ້ງທີ 23 ກໍບໍ່ມີ ຫຍັງຄືບໜ້າ. ການເສຍປະຕູ 0-3 ແມ່ນໜັກໜ່ວງທີ່ສຸດແຕ່ພັດບໍ່ທັນແມ່ນບາດຄ້ອນໜັກຕໍ່ແຟນໆ ຖ້າທຽບ ກັບການຊອັກຍ້ອນຄະດີລົ້ມ ບານຂອງນັກກິລາບາງຄົນຊຶ່ງໄດ້ສືບສວນໃນເວລາຕໍ່ມາ.      ເຖິງຢ່າງນັ້ນກໍຕາມ, ແຟນກິລາຫວຽດນາມ ກໍບໍ່ຫັນຫຼັງ ກັບບານເຕະຂອງທິມຊາດ, ຄວາມຫຼົງໄຫຼ ໃນກິລາ ບານເຕະບໍ່ມີຍາມໝົດໄປ ຈາກທ່ານຜູ້ຊົມ. ຖະໜົນຫົນທາງທຸກແຫ່ງຫົນຂອງຫວຽດນາມອີກຄັ້ງໜຶ່ງຢູ່ໃນທະ ເລກະແສຄື້ນສີແດງເມື່ອທິມຊາດກ້າວເຂົ້າສູ່ຮອບຄັດເລືອກທີ່ ASIAN Cup 2007. 
Ảnh đẹp - Báo ẢnhẢnh đẹp - Báo Ảnh
Ảnh đẹp - Báo Ảnh
ຄວາມຟົດຟື້ນຢ່າງແຮງກ້າຂອງແຟນກິລາໄດ້ກາຍເປັນແຫຼ່ງກຳລັງແຮງໃຫ້ແກ່ທິມຊາດ

AFF Cup 2008 ແມ່ນຂະບວນວິວັດທີ່ເຕັມໄປດ້ວຍອຸປະສັກ. ຖ້າບໍ່ມີການສະໜັບສະໜູນຂອງແຟນໆ, ທິມ ຊາດຫວຽດນາມ ຍາກທີ່ຈະໄປເຖິງຫຼັກໄຊ. ຜູ້ເຊຍຊາວຫວຽດນາມຈຳນວນໜຶ່ງຢູ່ພູເກດໄດ້ເຂົ້າວັດເພື່ອອະທິ ຖານຂໍໂຊກໄຊໃຫ້ແກ່ທິມຊາດ. ຜົນໄດ້ຮັບແມ່ນການຊະນະມາເລເຊຍຢ່າງສວຍງາມ. ບັນດານັກສຶກສາຫວຽດ ນາມຢູ່ສິງກະໂປ ໄດ້ສະຫຼະອາທິດທວນເສັງເພື່ອເດີນທາງມາໃຫ້ກຳລັງໃຈແກ່ທິມຊາດໃນຮອບຮອງຊະນະ ເລີດ. ຜູ້ເຊຍຊາວຫວຽດນາມ ພຽງເປັນກຸ່ມນ້ອຍໆ ບໍ່ສັງເກດເຫັນໄດ້ຢູ່ໃນສະໜາມກິລາ Rajamangala ບັນຈຸ 6 ໝື່ນທີ່ນັ່ງແຕ່ຍັງສາມາດເປັນການກະຕຸ້ນໃຈໃຫ້ນັກກິລາຫວຽດນາມ. ຜົນໄດ້ຮັບແມ່ນສາມາດເອົາ ຊະນະທິມໄທທີ່ກຸງເທບໃນບັ້ນຊິງຊະນະຂາໄປ…ພາຍຫຼັງໄຊຊະນະແຕ່ລະຄັ້ງ, ຄູເຝິກ Calisto ແລະ ນັກກິ ລາຕ່າງໆ ກໍຈັບມືກັນແລ່ນເຂົ້າມາຄຳນັບແຟນໆແທນຄຳຂອບໃຈ. ມັນບໍ່ແມ່ນເລື່ອງບັນເອີນທີ່ທ່ານ Calisto ໄດ້ເຕືອນນັກກິລາບານເຕະຫວຽດນາມ ຕ້ອງຖືທຸງຊາດຢູ່ໃນຕົວເປັນປະຈຳ ແລະ ກໍບໍ່ແມ່ນບັງເອີນ ທີ່ທ່ານ ເຄີຍອອກປາກຂອບໃຈຕໍ່ແຟນໆຜູ້ທີ່ເປັນກຳລັງແຮງອັນມະຫາສານ ໄດ້ຊ່ວຍຊູທ່ານໃນສູ່ມື້ຫຍຸ້ງຍາກກວ່າໝູ່ ໝົດບົນເສັ້ນທາງກ້າວເດີນເຖິງຫຼັກໄຊ.

Ảnh đẹp - Báo Ảnh
“ຄອງຫຼຽນຄຳທີ່ AFF Cup ແມ່ນເຫດການທີ່ຍິ່ງໃຫຍ່ເພາະວ່າ ດົນມາແລ້ວ, ຫວຽດນາມບໍ່ທັນຍາດໄດ້ ນາມມະຍົດສາກົນໃດໝົດ. ແຕ່ຄວາມຍິ່ງໃຫຍ່ນັ້ນບໍ່ອາດນຳມາທຽບກັບຄວາມເຫຼື້ອມໃສທີ່ແຟນໆໄດ້ອຸທິດ ໃຫ້ແກ່ທິມຊາດ ບໍ່ພຽງແຕ່ຢູ່ໃນການແຂ່ງຂັນເທົ່ານັ້ນ ຫາກແມ່ນຕະຫຼອດຫຼາຍສີບປີຜ່ານມາ”. ຄູເຝິກ Calisto ໄດ້ດຳລົງຊີວິດ ແລະ ເຮັດວຽກຢູ່ຫວຽດນາມ ເປັນເວລາ 8 ປີ, ທ່ານເຂົ້າໃຈດີ ເຖິງຄວາມຫຼົງໄຫຼ ເມົາມົວບານເຕະກໍຄືຄວາມຄອງຄອຍປາດຖະໜາໄຊຊະນະຂອງຊາວ ຫວຽດນາມ. ໝີ້ດິ່ງບໍ່ກວ້າງບໍ່ໃຫຍ່ຄື Rajamangala ຢູ່ກຸງເທບ ຫຼື National ຢູ່ສິງກະໂປ, ແຕ່ແຟນກິລາ ຫວຽດນາມ ຍາມໃດກໍເປັນຜູ້ເຊຍ ຢ່າງສຸດອົກສຸດໃຈກວ່າໝູ່ໝົດ. ທິມຊາດຫວຽດນາມ ກໍແມ່ນໜຶ່ງໃນທິມຢູ່ອາຊີອາຄະເນໄປຮອດໃສ ກໍມີຜູ້ ເຊຍຕິດຕາມໄປນຳ. ໃນຄືນວັນທີ 28 ທັນວາ 2008 ກິລາບານເຕະຫວຽດນາມ ໄດ້ຄອງຊະນະເລີດ ແລະ ແຟນໆຫວຽດນາມ ສົມແລ້ວທີ່ໄດ້ຮັບຄວາມສຸກໃນບັນຍາກາດດັ່ງກ່າວ.
                                                                                ບົດ: ດຶກແອງ - ພາບ: ເລມິງ, ແທງຢາງ
Email Print 0