ព័ត៌មាន
ការធ្វើវិសោធនកម្មរដ្ឋធម្មនុញ្ញឆ្នាំ ២០១៣ បំពេញតម្រូវការនៃសម័យកាលថ្មីនិងការងាររៀបចំអង្គភាពរដ្ឋបាល
សមាជិកសភាពិភាក្សានៅសាលប្រជុំ។ (រូបថត៖ VNA)
“ការធ្វើវិសោធនកម្មរដ្ឋធម្មនុញ្ញឆ្នាំ ២០១៣ ត្រូវបានរដ្ឋសភាអនុវត្តន៍ដោយប្រុង ប្រយ័ត្ន សត្យានុម័ត ប្រជាធិបតេយ្យ វិទ្យាសាស្រ្ត អនុវត្តន៍យ៉ាងគ្រប់គ្រាន់នូវនីតិវិធី ដែលបានកំណត់ដោយច្បាប់ រៀបចំ និងអនុវត្តន៍យ៉ាងហ្មត់ចត់ក្នុងប្រព័ន្ធនយោបាយ ទាំងមូល និងពិគ្រោះយោបល់យ៉ាងទូលំទូលាយពីប្រជាជនផងដែរ។ ជាពិសេស ការ ចលនាប្រជាជនឲ្យផ្ដល់មតិយោបល់តាមរយៈប្រព័ន្ធ VneID មិនត្រឹមតែជាការបោះ ជំហានដ៏ខ្លាំងក្លាក្នុងកំណែទម្រង់បែបបទរដ្ឋបាលប៉ុណ្ណោះទេ ថែមទាំងបង្ហាញពីការ ប្តេជ្ញាចិត្តក្នុងការកសាងរដ្ឋាភិបាលអេឡិចត្រូនិកដែលបម្រើប្រជាជនប្រកបដោយប្រសិទ្ធភាព ជាក់ស្ដែង ដោយស្មារតីប្រជាជនដឹង ប្រជាជនពិភាក្សា ប្រជាជនធ្វើ ប្រជាជន ត្រួតពិនិត្យ ប្រជាជនឃ្លាំមើល និងប្រជាជនទទួលបានផលប្រយោជន៍ទៀតផង”។
ទាក់ទងនឹងច្បាប់ស្តីពីការរៀបចំអាជ្ញាធរមូលដ្ឋាន (ធ្វើវិសោធនកម្ម) អង្គប្រជុំបាន ឯកភាពជាមួយការធ្វើវិសោធនកម្មខ្លឹមសារទាក់ទងនឹងការរៀបចំអង្គភាពរដ្ឋបាល និង គំរូនៃការរៀបចំអាជ្ញាធរមូលដ្ឋាន ២ កម្រិត។ លោក To Van Tam សមាជិកសភានៃ ខេត្ត Kon Tum បានឲ្យដឹងថា៖
“គោលជំហរនេះមិនកាត់បន្ថយតួនាទីនៃការគ្រប់គ្រងរដ្ឋ និងអភិបាលកិច្ចសង្គម នោះទេ ប៉ុន្តែបង្កើតមូលដ្ឋានសម្រាប់បង្រួមអង្គភាព បង្កើនប្រសិទ្ធភាពធនធាន លុប បំបាត់កម្រិតអន្តរការី កសាងអាជ្ញាធរដ៏ជិតស្និទ្ធជាមួយប្រជាជន និងដោះស្រាយការ ទាមទារស្របច្បាប់របស់ប្រជាជនឲ្យទាន់ពេលវេលា។ ការធ្វើស្ថាប័នភាវូបនីយកម្ម នូវគោលជំហរនេះរបស់បក្ស ក្នុងរដ្ឋធម្មនុញ្ញមានអត្ថន័យដ៏ធំធេងទាំងខាងទ្រឹស្តី និងការអនុវត្តជាក់ស្តែង”៕
