• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមបញ្ជាក់ជំហរខ្ជាប់ខ្ជួនរបស់ខ្លួនក្នុងការដោះស្រាយជម្លោះអន្តរជាតិដោយសន្តិវិធី

នាថ្ងៃទី១ ខែមីនា ឆ្នាំ២០២២ ជាថ្ងៃទី ២ នៃសម័យប្រជុំពិសេស ដោយមហាសន្និបាតអង្គការសហប្រជាជាតិប្រារព្ធធ្វើឡើង ស្តីពីស្ថានភាពនៅអ៊ុយក្រែន វៀតណាមរួមជាមួយប្រទេសនិងអង្គការជាង ១០០ បានអំពាវនាវឱ្យភាគីពាក់ព័ន្ធអនុវត្តន៍កិច្ចសន្ទនានិងការពារប្រជាជនរបស់ខ្លួន។
  លោកឯកអគ្គរដ្ឋទូត Dang Hoang Giang (រូបថត៖ TTXVN)  

លោកឯកអគ្គរដ្ឋទូត Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិបានស្វាគមន៍ការសន្ទនាថ្ងៃទី ២៨ ខែកុម្ភៈរវាងគណៈប្រតិភូអ៊ុយក្រែននិងរុស្ស៊ី ហើយសង្ឃឹមថា ភាគីពាក់ព័ន្ធនឹងបន្តរក្សាការសន្ទនាឆ្ពោះទៅរកដំណោះស្រាយដែលបានលើកឡើងខាងលើ។ ទន្ទឹមជាមួយគ្នានោះ លោកឯកអគ្គរដ្ឋទូតបានសង្កត់ធ្ងន់លើភាពចាំបាច់ក្នុងការធានាសន្តិសុខនិងសុវត្ថិភាពរបស់ប្រជាពលរដ្ឋ ការពារហេដ្ឋារចនាសម្ព័ន្ធសំខាន់ៗ ស្របតាមច្បាប់មនុស្សធម៌អន្តរជាតិ និងបានស្នើឱ្យសហគមន៍អន្តរជាតិជម្រុញជំនួយមនុស្សធម៌សម្រាប់ប្រជាពលរដ្ឋ។

លោកឯកអគ្គរដ្ឋទូតស្នើភាគីពាក់ព័ន្ធធានាសន្តិសុខ និងសុវត្ថិភាពសម្រាប់សហគមន៍ជនបរទេសដែលកំពុងរស់នៅអ៊ុយក្រែន រួមទាំងសហគមន៍ជនវៀតណាម ព្រមទាំងបង្កើតលក្ខខណ្ឌអំណោយផលសម្រាប់ការជម្លៀសពលរដ្ឋវៀតណាមទៅកាន់ទីកន្លែងសុវត្ថិភាព។

ក៏នៅក្នុងជំនួបនេះដែរ លោកឯកអគ្គរដ្ឋទូត Dang Hoang Giang បានអះអាងនូវគោលជំហរដ៏ខ្ជាប់ខ្ជួនរបស់វៀតណាមលើការដោះស្រាយជម្លោះអន្តរជាតិដោយសន្តិវិធី ឈរលើមូលដ្ឋានគោរពច្បាប់អន្តរជាតិ និងធម្មនុញ្ញអង្គការសហប្រជាជាតិ ជាពិសេស គោរពគោលការណ៍ឯករាជ្យ អធិបតេយ្យភាពនិងបូរណភាពទឹកដីរបស់បណ្តាប្រទេស មិនជ្រៀតជ្រែកក្នុងកិច្ចការផ្ទៃក្នុង និងមិនប្រើប្រាស់កម្លាំងក្នុងទំនាក់ទំនងអន្តរជាតិ៕ 

តាម VOV5 - វិទ្យុសំឡេង​វៀតណាម​

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

បន្ទាប់ពីបានបញ្ចប់ដោយជោគជ័យនូវសកម្មភាពក្នុងក្របខ័ណ្ឌនៃដំណើរទស្សនកិច្ចផ្លូវការនៅសហព័ន្ធរុស្ស៊ី និងចូលរួមអបអរសាទរខួបលើកទី ៨០ នៃទិវាជ័យជំនះការពារជាតិដ៏មហិមា ចាប់ពីថ្ងៃទី ៨-១១ ឧសភា រសៀលថ្ងៃទី ១១ ឧសភា (ម៉ោងក្នុងស្រុក) អគ្គលេខាបក្ស លោកតូ ឡឹម និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីអាកាសយានដ្ឋាន Vnukovo ២ នៃរដ្ឋធានីម៉ូស្គូ សហព័ន្ធរុស្ស៊ី ដោយបំពេញដំណើរទស្សនកិច្ចថ្នាក់រដ្ឋទៅកាន់សាធារណរដ្ឋបេឡារុស តបតាមការអញ្ជើញរបស់ប្រធានាធិបតីនៃសាធារណរដ្ឋបេឡារុស Aleksandr Lukashenko។

Top