ក្បួនរថយន្តបានអមដំណើរប្រធានាធិបតីស្វីសលោក Guy Parmelin និងភរិយា ចូលទៅក្នុងអគាររដ្ឋសភា។ ក្មេងៗនៃរដ្ឋធានីហាណូយបានគ្រវីទង់ជាតិនៃប្រទេសទាំងពីរដោយរីករាយ ដើម្បីទទួលស្វាគមន៍លោកប្រធានាធិបតី និងលោកជំទាវភរិយា ហើយបានប្រគល់បាច់ផ្កាស្រស់ស្អាតជូនលោកប្រធានាធិបតី និងលោកជំទាវភរិយា។

ក្រោមសំឡេងតន្ត្រីស្វាគមន៍ អគ្គលេខាបក្ស ប្រធានរដ្ឋ លោកតូ ឡឹម និងលោកប្រធានាធិបតី Guy Parmelin បានដើរតាមកំរាលព្រំក្រហមទៅកាន់វេទិកាកិត្តិយស។ ក្រុមតន្រ្តីយោធាបានលេងភ្លេងជាតិនៃសហព័ន្ធស្វីស និងវៀតណាម។

បន្ទាប់ពីស្តាប់ភ្លេងជាតិនៃប្រទេសទាំងពីររួច លោកអគ្គលេខាបក្ស ប្រធានរដ្ឋតូ ឡឹម និងប្រធានសហព័ន្ធស្វីស លោក Guy Parmelin បានចាកចេញពីវេទិកាកិត្តិយស ហើយបានត្រួតពិនិត្យកងកិត្តិយសនៃកងទ័ពប្រជាជនវៀតណាម។

បន្ទាប់នោះ អគ្គលេខាបក្ស ប្រធានរដ្ឋ លោកតូ ឡឹមនិង ប្រធានាធិបតីសហព័ន្ធស្វីសលោក Guy Parmelin បានឧទ្ទេសនាមសមាជិកនៃគណៈប្រតិភូជាន់ខ្ពស់មកពីប្រទេសទាំងពីរដែលចូលរួមក្នុងពិធីទទួលស្វាគមន៍។

បន្ទាប់ពីពិធីទទួលស្វាគមន៍ លោកអគ្គលេខាបក្ស ប្រធានរដ្ឋ តូ ឡឹម និងប្រធានាធិបតីសហព័ន្ធស្វីសលោក Guy Parmelin រួមជាមួយគណៈប្រតិភូជាន់ខ្ពស់មកពីប្រទេសទាំងពីរ បានជួបពិភាក្សា និងធ្វើជាសាក្សីពិធីចុះហត្ថលេខាលើឯកសារសហប្រតិបត្តិការរវាងក្រសួង និងស្ថាប័ននៃប្រទេសទាំងពីរ៕