លោកស្រីក៏នឹងអញ្ជើញធ្វើជាសហប្រធានកិច្ចប្រជុំ ដើម្បីផ្លាស់ប្តូរទស្សនៈលើទិសដៅនិងវិធានការជាក់ស្តែង ដើម្បីលើកកម្ពស់កិច្ចសហប្រតិបត្តិការរវាងវៀតណាម និងប្រទេស លីចតិនស្តាញបន្ថែមទៀត។
ក្នុងជំនួបពិភាគ្សា លោកនាយករដ្ឋមន្ត្រី ឡេ មិញហ៊ឹង បានសង្កត់ធ្ងន់លើសារៈសំខាន់ពិសេសលើដំណើរការចរចាកិច្ចព្រមព្រៀងពាណិជ្ជកម្មសេរី (FTA) រវាងវៀតណាមនិងសមាគមពាណិជ្ជកម្មសេរីអឺរ៉ុប (EFTA) បន្ទាប់ពីរយៈពេល ១៤ ឆ្នាំ ជាមួយនឹងវគ្គចរចាចំនួន ២១លើក។ ការចុះហត្ថលេខាលើកិច្ចព្រមព្រៀងសហប្រតិបត្តិការដ៏សំខាន់នេះត្រូវបានរំពឹងថា នឹងបើកជំពូកថ្មីមួយ ពោរពេញដោយយថាទស្សន៍ ដែលរួមចំណែកជាវិជ្ជមានដល់វិបុលភាពរួមរបស់ប្រទេសវៀតណាម និងប្រទេស EFTA ខណៈពេលដែលកំពុងពង្រឹងសន្តិភាព ស្ថិរភាព និងកិច្ចសហប្រតិបត្តិការនៅក្នុងតំបន់ និងពិភពលោក។
ដោយសង្កត់ធ្ងន់ថា ហិរញ្ញវត្ថុអាចក្លាយជាសសរស្តម្ភថ្មីនៃទំនាក់ទំនងទ្វេភាគី នាយករដ្ឋមន្ត្រីលោក ឡេ មិញហ៊ឹង បានស្នើឱ្យប្រទេសលីចតិនស្តាញចែករំលែកបទពិសោធន៍របស់ខ្លួនក្នុងការកសាង និងគ្រប់គ្រងមូលនិធិវិនិយោគ ប្រព័ន្ធធនាគារ ហិរញ្ញវត្ថុបៃតង ទីផ្សារមូលធនបៃតង ការគ្រប់គ្រងទ្រព្យសកម្មអន្តរជាតិ និងក្របខ័ណ្ឌច្បាប់សម្រាប់សេដ្ឋកិច្ចឌីជីថល ប្លុកឆេន និងនិមិត្តសញ្ញាទ្រព្យសកម្មពិតប្រាកដ ព្រមទាំងលើកទឹកចិត្តស្ថាប័នហិរញ្ញវត្ថុ និងវិនិយោគិនឱ្យចូលរួមក្នុងមជ្ឈមណ្ឌលហិរញ្ញវត្ថុអន្តរជាតិ និងទីផ្សារមូលធនរបស់វៀតណាម។ លោកនាយករដ្ឋមន្ត្រីក៏បានស្នើឱ្យពង្រឹងទំនាក់ទំនងរវាងភ្នាក់ ងារគ្រប់គ្រង វិទ្យាស្ថានស្រាវជ្រាវ សាកលវិទ្យាល័យ និងអាជីវកម្មនៅក្នុងប្រទេសទាំងពីរ ដោយលើកកម្ពស់ការស្រាវជ្រាវរួមគ្នា ការផ្ទេរបច្ចេកវិទ្យា និងការបណ្តុះបណ្តាលធនធានមនុស្សដែលមានគុណភាពខ្ពស់នៅក្នុងប្រទេសវៀតណាម។
រីឯខ្លួនវិញ លោកស្រី Brigitte Haas បានសង្កត់ធ្ងន់ថា នេះគឺជាដំណើរទស្សនកិច្ចផ្លូវការលើកដំបូងរបស់រដ្ឋាភិបាលលីចតិនស្តាញមកកាន់ប្រទេសវៀតណាម ដែលជាព្រឹត្តិការណ៍ប្រវត្តិសាស្ត្រដ៏សំខាន់មួយក្នុងការកសាង និងពង្រឹងទំនាក់ទំនងការទូតទ្វេភាគីដ៏រឹងមាំរវាងប្រទេសទាំងពីរ។ តាមរយៈនេះ បង្កើតសន្ទុះថ្មីដើម្បីលើកកម្ពស់កិច្ចសហប្រតិបត្តិការចម្រុះរវាងវៀតណាម និងលីចតិនស្តាញ ដែលធ្វើឲ្យទំនាក់ទំនងនេះកាន់តែស៊ីជម្រៅ មានប្រសិទ្ធភាព និងជាក់ស្តែង។
នាយករដ្ឋមន្ត្រីទាំងពីររូបក៏បានយល់ព្រមសិក្សាអំពីការបង្កើតយន្តការ សហប្រតិបត្តិការឯកទេសក្នុងវិស័យហិរញ្ញវត្ថុ វិទ្យាសាស្ត្រ និងបច្ចេកវិទ្យា នវានុវត្តន៍ និងផលិតកម្មបច្ចេក វិទ្យាខ្ពស់ សម្របសម្រួល និងគាំទ្រគ្នាទៅវិញទៅមកនៅក្នុងវេទិកាអង្គការសហប្រជាជាតិ និងពហុភាគី ដែលភាគីទាំងពីរជាសមាជិក។
នៅចុងបញ្ចប់នៃកិច្ចពិភាក្សា ថ្នាក់ដឹកនាំទាំងពីរបានធ្វើជាសាក្សីនៃពិធីចុះហត្ថលេខាលើកិច្ចព្រមព្រៀងជៀសវាងការយកពន្ធទ្វេដងរវាងវៀតណាម និងលីចតិនស្តាញ៕
