ព័ត៌មាន
អនុរដ្ឋមន្ត្រីអញ្ជើញចូលរួមកិច្ចប្រជុំពិគ្រោះយោបល់នយោបាយជាមួយថ្នាក់ដឹកនាំក្រសួងការបរទេសកូតឌីវ័រ
អនុរដ្ឋមន្ត្រីលោក Vu Hong Nam អញ្ជើញចូលរួមកិច្ចប្រជុំពិគ្រោះយោបល់នយោបាយជាមួយថ្នាក់ដឹកនាំក្រសួងការបរទេសកូតឌីវ័រ
អនុរដ្ឋមន្ត្រីការបរទេស និងជាប្រធានគណៈកម្មាធិការជាតិទទួលបន្ទុកបញ្ហាជន វៀត ណាមនៅឯបរទេស លោក Vu Hong Nam បានដឹកនាំគណៈប្រតិភូវៀតណាម អញ្ជើញទៅបំពេញទស្សនកិច្ចនៅសាធារណះរដ្ឋកូតឌីវ័រ ចាប់ពីថ្ងៃទី១៦ដល់ថ្ងៃទី១៩ ខែមេសា ឆ្នាំ២០១៧។ ប្រទេសកូតឌីវ័រជាដៃគូពាណិជ្ជកម្មធំទីពីររបស់វៀតណាម នៅទ្វីបអាហ្វ្រីក ដោយមានទំហំពាណិជ្ជកម្មទ្វេភាគីចំនួន៨២០លានដុល្លារអាមេរិកក្នុងឆ្នាំ២០១៦។
ក្នុងដំណើរបំពេញទស្សនកិច្ចលើកនេះ អនុរដ្ឋមន្ត្រី លោក Vu Hong Nam និងអនុរដ្ឋមន្ត្រី លោក Tran Thanh Nam មកសម្ដែងការគួរសមប្រធានរដ្ឋសភាលោក Guillaume Soro និងអនុប្រធានាធិបតី លោក Daniel Kablan Duncan និងជួបធ្វើការជាមួយថ្នាក់ដឹកនាំក្រសួងពាណិជ្ជកម្ម សិប្បកម្ម និងអភិវឌ្ឍន៍សហគ្រាសខ្នាតតូចនិងមធ្យម ក្រសួងកសិកម្មនិងអភិវឌ្ឍន៍ជនបទកូតឌីវ័រ។ អនុរដ្ឋមន្ត្រីការបរទេស លោក Vu Hong Nam អញ្ជើញចូលរួមកិច្ចប្រជុំពិគ្រោះយោបល់នយោបាយលើកទីមួយ ជាមួយរដ្ឋមន្ត្រីការបរទេសលោក Marcel Amon Tanoh ផងដែរ៕
តាម VOV5 - វិទ្យុសំឡេងវៀតណាម
