ព័ត៌មាន
សហគមន៍ជនវៀតណាមនៅម៉ាឡេស៊ី និងអូស្ត្រាលីឆ្ពោះទៅប្រភពដើមក្នុងឱកាសដើមនិទាឃរដូវឆ្នាំថោះ បញ្ចស័ក ២០២៣
លោកស្រីភារធារីមានបំណងចង់ឲឲ្យសហគមន៍ជនវៀតណាមកាន់តែរីកធំឡើង និងសាមគ្គីគ្នា ជីវភាពរស់នៅកាន់តែប្រសើរឡើង និងធ្វើសមាហរណកម្មល្អទៅក្នុងជីវិតនៅស្រុកកំណើតទីពីររបស់ខ្លួន។ តំណាងសមាគមមិត្តភាពម៉ាឡេស៊ី-វៀតណាម បានអះអាងថា ប្រជាជនវៀតណាម ទោះនៅទីណាក៏ដោយ តែងតែឆ្ពោះទៅ មាតុភូមិរបស់ខ្លួនជានិច្ច ហើយតែងតែមានបំណងទទួលបានការគាំទ្រពីស្ថានទូតក្នុងកម្មវិធីនាពេលខាងមុខ នៅពេលដែលប្រទេសទាំងពីរឆ្ពោះទៅសកម្មភាពនៃកម្មវិធីអបអរសាទរ រំលឹកខួបលើកទី ៥០ នៃទំនាក់ទំនងការទូតរវាងវៀតណាម និងម៉ាឡេស៊ី។
នារសៀលថ្ងៃដដែល ស្ថានអគ្គកុងស៊ុលវៀតណាមប្រចាំនៅទីក្រុងស៊ីដនី (អូស្ត្រាលី) បានរៀបចំកម្មវិធី “និទាឃរដូវស្រុកកំណើតឆ្នាំ ២០២៣”។ កម្មវិធីនេះមានសកម្មភាពជាច្រើនដូចជា ការសម្តែងតន្ត្រីពិសេស ការប្រគុំតន្ត្រីទោល ការផ្លុំខ្លុយឬស្សី ការប្រគុំតន្ត្រី T'rung និងការប្រគុំតន្ត្រី Saxophone ការសុំអក្សរផ្ជង់នៃឆ្នាំ ការបោះពុម្ពរូបគំនូរ Dong Ho និងចំណុចពិសេសៗនៃកម្មវិធី គឺជាល្បែងប្រជាប្រិយ ដូចជា ទាញព្រ័ត្រ វាយកម្ទេចផើងដី រាំវង់ លេងឆ័ត្រ ។ល។ ការរៀបចំល្បែងប្រជាប្រិយឆ្នាំនេះ ក៏សំដៅដល់យុវជនជំនាន់ក្រោយ អនាគត “ទូតប្រជាជន” អ្នកដែលរួមចំណែកអភិវឌ្ឍទំនាក់ទំនងរវាងប្រទេសទាំងពីរក្នុងរយៈពេល ៥០ ឆ្នាំទៅមុខ និងលើសពីនេះ ហើយទន្ទឹមនឹងនោះជួយមនុស្សជំនាន់នេះឱ្យយល់កាន់តែច្បាស់អំពីប្រពៃណី និងវប្បធម៌របស់ប្រជាជាតិនិងស្រុកកំណើត៕
