អគ្គលេខាបក្ស ប្រធានរដ្ឋវៀតណាមលោក តូ ឡឹម លេខាគណៈកម្មាធិការយោធាមជ្ឈិម បានអញ្ជើញចូលរួម និងថ្លែងសុន្ទរកថាដឹកនាំ។
លោកអគ្គលេខាបក្ស ប្រធានរដ្ឋ តូ ឡឹម បានសង្កត់ធ្ងន់ថា ការទទួលខុសត្រូវរបស់អង្គភាពនោះគឺការពារអធិបតេយ្យភាពជាតិយ៉ាងរឹងមាំ រក្សាសុខសន្តិភាពសម្រាប់ប្រជាជន រួមចំណែកបង្កើតលក្ខខណ្ឌសម្រាប់ការអភិវឌ្ឍតំបន់ភាគពាយ័ព្យ ក៏ដូចជាការរីកចម្រើនរបស់ប្រទេសជាតិផងដែរ។ លោកអគ្គលេខាបក្ស ប្រធានរដ្ឋបានសង្កត់ធ្ងន់ជាពិសេសថា៖ ត្រូវម្ចាស់ការទៅរកប្រជាជន យល់ពីតម្រូវការរបស់ប្រជាជនដើម្បីជួយគាំទ្រយ៉ាងត្រឹមត្រូវ។ ច្បាមជាប់នូវតំបន់ដែលមានហានិភ័យនៃទឹកជំនន់ភ្លាមៗ ការរអិលបាក់ដី; សម្របសម្រួលត្រៀមរៀបចំកងកម្លាំង មធ្យោបាយ និងផែនការជម្លៀស ជួយសង្គ្រោះ។ នៅពេលដែលមានគ្រោះធម្មជាតិកើតឡើង ត្រូវតែចាត់វិធានការទាន់ពេលវេលា ដោយផ្តល់អាទិភាពចម្បងបំផុតដល់ការការពារជីវិតប្រជាជន ព្រមទាំងធានាសុវត្ថិភាពរបស់កងកម្លាំងដែលកំពុងបំពេញភារកិច្ច។ បន្ទាប់ពីគ្រោះមហន្តរាយ បន្តជួយឧបត្ថម្ភប្រជាជនឱ្យស្ដារស្ថិរភាពជីវភាពរស់នៅឡើងវិញ។ ក្នុងអំឡុងពេលសង្គ្រាម ប្រជាជនបានគាំពារ និងចិញ្ចឹមបីបាច់កងទ័ព ដូច្នេះក្នុងអំឡុងពេលសន្តិភាព កងទ័ពត្រូវតែថែទាំនិងការពារប្រជាជនដោយស្មោះអស់ពីចិត្ត។
លោកអគ្គលេខាបក្ស ប្រធានរដ្ឋ ក៏បានស្នើឱ្យកងកម្លាំងប្រដាប់អាវុធនៃយោធភូមិភាគ ពង្រឹងទំនាក់ទំនងសាមគ្គីភាព និងមិត្តភាពជាមួយមូលដ្ឋាន និងកងកម្លាំងនានានៃប្រទេសឡាវ រក្សាយន្តការសម្របសម្រួល ផ្លាស់ប្តូរព័ត៌មាន និងដោះស្រាយបញ្ហាដែលកើតឡើងក្នុងដែនសមត្ថកិច្ចឱ្យបានទាន់ពេលវេលា រក្សាបរិយាកាសសន្តិភាព និងស្ថិរភាពនៅក្នុងតំបន់ព្រំដែនផងដែរ៕
