ក្នុងជំនួបទាំងនេះ នាយករដ្ឋមន្ត្រី លោក Pham Minh Chinh បានសង្កត់ធ្ងន់ថា វៀតណាមជានិច្ចកាលវាយតំលៃខ្ពស់ចំពោះការរួមចំណែកដ៏មានតម្លៃរបស់អតីតថ្នាក់ដឹកនាំឡាវចំពោះទំនាក់ទំនងពិសេសវៀតណាម - ឡាវ ហើយសង្ឃឹមថា ជាមួយនឹងកិត្យានុភាពនិងបទពិសោធន៍ដ៏ទូលំទូលាយ រួមជាមួយបទពិសោធន៍របស់ខ្លួន អតីតថ្នាក់ដឹកនាំឡាវនឹងបន្តគាំទ្រនិង រួមចំណែកគំនិតក្នុងការពង្រឹង និងពង្រីកទំនាក់ទំនងកិច្ចសហប្រតិបត្តិការរវាងភាគីទាំងពីរ និងប្រទេសទាំងពីរ។
អតីតថ្នាក់ដឹកនាំជាន់ខ្ពស់ឡាវបានវាយតម្លៃខ្ពស់ចំពោះលទ្ធផល នៃកិច្ចប្រជុំលើកទី៤៧ នៃគណៈកម្មាធិការអន្តររដ្ឋាភិបាលវៀតណាម-ឡាវ។ ថ្នាក់ដឹកនាំបានឯកភាពបន្តយកចិត្តទុកដាក់អប់រំ និងផ្សព្វផ្សាយដល់ប្រជាជននៃប្រទេសទាំងពីរ ជាពិសេសយុវជនជំនាន់ក្រោយអំពីប្រពៃណីមិត្តភាពដ៏ឧត្តុង្គឧត្តម សាមគ្គីភាពពិសេស និងទំនាក់ទំនងដ៏ស្មោះត្រង់រវាងវៀតណាម និងឡាវ បន្តប្រគៀរស្មារគ្នាជម្នះរាល់ការលំបាក និងបញ្ហាប្រឈមនានា ដើម្បីទទួលបានជ័យជំនះកាន់តែធំធេងថែមទៀត៕
