កោះ An Bang ចំណុះប្រជុំកោះ Truong Sa របស់វៀតណាម (រូបថតៈ Quy Trung/TTXVN)
 

នាថ្ងៃទី១៣​ ខែមករា ឆ្នាំ២០២០ អង្គការ World Future TV បានរៀបចំ​កិច្ច​ពិភាក្សា​មួយ​នៅទី​ក្រុង​កូឡាឡាំ​ពួរ​នៃ​ប្រទេស​ម៉ាឡេស៊ី ក្រោមប្រធានបទ “សមុទ្រខាងកើត៖ ក្រមប្រតិបត្តិនៅសមុទ្រខាងកើត (COC) ជាឧបករណ៍​ដើម្បីដោះ​ស្រាយជម្លោះ”។
 
យោងតាមគណៈរៀបចំ​ សេចក្តីសម្រេចរបស់តុលាការអាជ្ញាកណ្តាលអចិន្រ្តៃយ៍ (PCA) ក្នុងបណ្តឹងរបស់ហ្វីលីពីន បាន​ជួយ​បំភ្លឺ​នូវមូលដ្ឋានច្បាប់ សម្រាប់ការដោះស្រាយជម្លោះអធិបតេយ្យភាពនៅសមុទ្រខាងកើត ដែល​នាំមក​នូវកម្លាំងចលករសម្រាប់ប្រទេសអាស៊ាន ​ក្នុងការតស៊ូប្រយុទ្ធ ការពារអធិបតេយ្យភាពរបស់ខ្លួន។
 
សាស្ត្រាចារ្យ Carly Thayer នៃបណ្ឌិត្យសភាការពារជាតិអូស្ត្រាលី បានវាយតម្លៃខ្ពស់ចំពោះភាគីនានា​ដែលបាន​កសាង​សេចក្តី​ថ្លែងការណ៍ស្តីពីការប្រតិបត្តិរបស់ភា​គីនានា នៅសមុទ្រខាងកើត ព្រមទាំង​ប្រឆាំង​ជំទាស់ទៅនឹង​សកម្មភាព​ ដែល​បង្កើនភាពតាន តឹងរបស់ចិន តាមរយៈសកម្មភាព​ផ្លាស់ប្តូរ​ស្ថានភាព​នៅ​សមុទ្រ​​ខាង​កើត។ ជាមួយនឹងខ្លឹមសារនៃសាលក្រមរប​ស់ PCA ការទាមទារអធិបតេយ្យភាព​លើ “ផ្លូវ ៩ បន្ទាត់”​ របស់ចិននោះ គឺគ្មានមូលដ្ឋានប្រវត្តិសាស្ត្រនិងច្បាប់ទេ។ លោកបានមានប្រសាសន៍ថា អាស៊ាន​នឹង​ក្លាយជា​កម្លាំង​ជំរុញសម្រាប់ដំណើរការចរចា COC ដែលក្នុងនោះ អាស៊ានត្រូវការព​ង្រឹងសាមគ្គីភាពផ្ទៃក្នុង​។ ទន្ទឹម​នឹង​នេះ ចិននិងអាស៊ានត្រូវពង្រឹងវិធានការកសាងទំនុកចិត្ត ជំរុញវិធានការ​ការទូត​និង​កសាង​យន្តការ​​ដោះស្រាយ​ជំលោះដោយផ្អែកលើច្បាប់អន្តរ​ជាតិ ក៏ដូចជាការអត់ធ្មត់ និងមិន​បង្កើន​អាកប្បកិរិយា​តឹងតែង​នៅ​សមុទ្រខាង​កើត៕
 

តាម VOV5 - វិទ្យុសំឡេងវៀតណាម​