• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សារទូរលេខអបអរសាទរខួបលើកទី ៩០ នៃការបង្កើតបក្សកុម្មុយនិស្តវៀតណាម


 រូបថតៈ  dangcongsan.vn
 

ក្នុងឱកាសអបអរសាទរខួបលើកទី ៩០ នៃការបង្កើតបក្សកុម្មុយនិស្តវៀតណាម គណៈកម្មាធិការ​មជ្ឈឹម​បក្ស​ប្រជាជន​បដិវត្តឡាវ​; គណៈកម្មាធិការមជ្ឈឹមបក្សកុម្មុយនីស្តចិន; គណៈកម្មាធិការ​កណ្តាល​នៃគណប​ក្សប្រ​ជាជន​កម្ពុជា ​បានផ្ញើសារទូរលេខអបអរសាទរជូនចំពោះគណៈកម្មាធិការមជ្ឈឹមបក្សកុម្មុយនិស្តវៀតណាម;  លេខាទី ១​ នៃគណៈកម្មាធិការមជ្ឈឹមបក្សកុម្មុយនិស្តគុយបា លោក Raul Castro និងប្រធានគណបក្ស​ពលករ​កូរ៉េខាង​ជើង​ លោក Kim Jong-un បានផ្ញើសារទូរ​លេខអបអរសាទរ​ជូន​ចំពោះ​អគ្គលេខា​នៃគណៈកម្មាធិការ​មជ្ឈឹមបក្ស​កុម្មុយនិស្ត​វៀតណាម ប្រធានរដ្ឋវៀតណាម លោក Nguyen Phu Trong។

*សារទូរលេខអបអរសាទ​ររបស់ គណៈកម្មាធិការមជ្ឈឹមបក្សប្រជាជនបដិវត្តន៍ឡាវ​ មានខ្លឹមសារដូចតទៅ៖ បក្ស​ប្រជាជន​បដិវត្តឡាវនិងប្រជាជនបណ្តាជនជាតិឡាវជឿជាក់យ៉ាងមុតមាំថា ក្រោមការដឹកនាំប្រកប​ដោយគតិ​បណ្ឌិត​ និងត្រឹមត្រូវរបស់បក្សកុម្មុយនិស្តវៀតណាម ដោយអគ្គលេខាបក្ស ប្រធានរដ្ឋ លោក Nguyen Phu Trong​ ជាប្រមុខដឹកនាំនោះ ប្រជាជនវៀតណាមនឹងបន្តទទួលបានសមិទ្ធិផលថ្មីៗ និងកាន់​តែច្រើនថែម​ទៀត ក្នុ​ងការអនុវត្តប្រកបដោយជោគជ័យនូវ​សេចក្តីសម្រេចចិត្ត នៃម​ហាសន្និបាតលើកទី ១២ របស់​បក្ស​កុម្មុយ​​និស្ត​វៀតណាម ដើម្បីគោលដៅ ប្រជា ជនក្លាយជាអ្នកមាន ប្រទេសជាតិខ្លាំងមាំមួន ប្រជាធិបតេយ្យ ​យុត្តិធម៌​និងអារិយ្យធម៌ សំដៅឆ្ពោះទៅមហាសន្និបាតលើកទី​ ១៣ របស់បក្ស។ បក្ស រដ្ឋ​និង​ប្រជាជន​នៃបណ្តាជនជាតិឡាវប្តេជ្ញាថា នឹងប្រឹងប្រែង​អស់ពីសមត្ថភាព ដើម្បីការពារ​និង​ជំរុញទំនាក់​ទំនងដូច​ដែលបា​ន​ពោល​ខាងលើអោយទទួលបានផ្លែផ្កាកាន់តែច្រើនឡើង ដើម្បីផលប្រយោជន៍​របស់ប្រជា​ជននៃ​ប្រទេសទាំង​ពីរ​ ដើម្បី​សន្តិភាព មិត្តភាពនិងកិច្ចសហប្រតិបត្តិការ ក៏ដូ​ចជាការ​អភិវឌ្ឍ​នៅក្នុង​តំបន់និង​នៅលើ​ពិភពលោក​។
 ​
*សារ​ទូរលេខអបអរសាទររបស់គណៈកម្មាធិការមជ្ឈឹមបក្សកុម្មុយនិស្តចិនបានសង្កត់ធ្ងន់ថា៖ បក្ស​កុម្មុយ​និស្ត​ចិន​ មុនក៏ដូចជាក្រោយ តែងតែយកចិត្តទុកដាក់ខ្ពស់ ចំពោះ​ការអភិវឌ្ឍ​ទំនាក់​ទំនង​មិត្តភាព​និងកិច្ច​សហប្រតិ​បត្តិការ​ជាមួយបក្សកុម្មុយ និស្តវៀតណាម ដោយត្រៀមខ្លួនជាស្រេចចូលរួមជា​មួយ​បក្ស​កុម្មុយ​និស្ត​វៀតណាម​ក្នុងការ​បង្កើន​ការផ្លាស់ប្តូរយុទ្ធសាស្ត្រ បង្កើនការជឿទុកចិត្តខាងនយោបាយអោយកាន់តែស៊ីជម្រៅ រៀនសូត្រពីគ្នាទៅវិញទៅ​មក ក៏ដូចជាគាំទ្រគ្នាទៅវិញទៅមកក្នុង ដំណើរការនៃការរុករកមាគ៌ាសង្គមនិយម ដើម្បីដឹកនាំទំនាក់ទំនង​ចិន - វៀតណាមអោយមានការអភិវឌ្ឍប្រកបដោយតម្លាភាពនិងស្ថេរភាព រួមទាំងជំរុញបុព្វ​​ហេតុសង្គមនិយមអោយអភិវឌ្ឍន៍ដោយឥតឈប់ឈរ ដើម្បីចូលរួមចំណែកក្នុង​ការជំរុញបុព្វហេតុ​អភិវឌ្ឍន៍នៃមនុស្សជាតិ។
 
*សារទូរលេខ​អបអរសាទររបស់គណៈកម្មាធិការកណ្តាលនៃគណបក្សប្រជាជនកម្ពុជាមានខ្លឹមសារថាៈ គណ​បក្ស​​​ប្រជាជនកម្ពុជា វាយតម្លៃខ្ពស់ ចំពោះសាមគ្គីភាព មិត្ត ភាពនិងកិច្ច​សហប្រតិបត្តិការគ្រប់​ជ្រុងជ្រោយ​រវាងបក្ស​ទាំងពីរ រដ្ឋទាំងពីរនិងប្រជា ជននៃប្រទេសទាំងពីរ កម្ពុជា - វៀតណាម ដែល​អភិវឌ្ឍដោយ​ឥតឈប់​ឈរនិង​ប្តេជ្ញាបន្តពង្រឹងទំនាក់ទំនងកម្ពុជា - វៀតណាម​ដើម្បី​អភិវឌ្ឍឱ្យកាន់​តែមាននិរន្តរភាព​ក្រោម​បាវចនា​ “អ្នកជិតខាងល្អប្រសើរ មិត្តភាពជាប្រពៃណី កិច្ចសហប្រតិបត្តិការ​គ្រប់ជ្រុង​ជ្រោយនិង​និរន្តរភាព​យូរអង្វែង​”។
 
*ក្នុងសារ​ទូរលេខអបអរសាទរជូនចំពោះអគ្គលេខាបក្ស ប្រធានរដ្ឋវៀតណាម លោក Nguyen Phu Trong, លេខាទី ​១ នៃគណៈកម្មាធិការមជ្ឈឹមបក្សកុម្មុយនិស្តគុយបាលោក Raul Castro បានសរសេរថា៖ យើងសូម​បញ្ជាក់សាជាថ្មី​នូវការប្តេជ្ញាចិត្តរបស់អគ្គមេបញ្ជាការបដិវត្តគុយបាលោក Fidel Castro Ruz អំពីភាព​ជាបង​ប្អូន​មុនក៏ដូចជាក្រោយជាមួយបក្សកុម្មុយនីស្ត ជាមួយសាធារណរដ្ឋ​សង្គម​និយម​វៀត​ណាម​ដែល​ជាអ្នក​ស្នងម​រតក​កេរ្តិ៍ឈ្មោះដ៏រុងរឿងរបស់លោកប្រធានហូជីមិញ។ នៅឆ្នាំ ២០២០ យើងនឹងប្រារព្ធខួបលើកទី ៦០ នៃការ​បង្កើត​ទំនាក់​ទំនងការទូតរវាងប្រទេសទាំងពីរ។ ព្រឹត្តិការណ៍នេះ ជានិមិត្តរូបនៃមិត្តភាពដ៏ជ្រាលជ្រៅ ជាគំរូនៃការ​បង្រួប​បង្រួម នៅចំពោះមុខឧបសគ្គដែលពិភពលោកកំពុងប្រឈមដូចសព្វថ្ងៃ។
 
*នៅក្នុងសារទូលេខ​ជូនចំពោះ អគ្គលេខាបក្ស ប្រធានរដ្ឋវៀតណាម លោក Nguyen Phu Trong ប្រធានគណៈបក្ស​ពលករកូរ៉េខាងត្បូង លោក Kim Jong-un បានសរសេរថា៖ យើងពិតជា​រីករាយ​ចំពោះ​សមិទ្ធ​ផល​ដ៏អស្ចា​រ្យដែលបក្សកុម្មុយនិស្តវៀត ណាមបាននិងកំពុង​សម្រេច​បានក្នុង​បុព្វហេតុ​កសាង​សង្គមនិយម​រុងរឿង​និង​អរិយ្យធម៌ ស្របតាមបំណងប្រាថ្នារបស់លោកប្រធានហូជីមិញ - ស្ថាបនិកបក្ស។ ខ្ញុំជឿជាក់ថា ចំណងមិត្តភាព​និងកិច្ចសហប្រតិបត្តិការជាប្រពៃណី រវាងបក្ស​ទាំងពីរនឹងត្រូវ​បាន​ពង្រឹង​និង​អភិវឌ្ឍន៍​ដោយឥត​ឈប់​ឈរក្នុងការតស៊ូរួមគ្នា ដើម្បីការពារ រក្សានិងបំពេញបុ​ព្វហេតុសង្គមនិយម៕

 

តា​ម​ VOV5 - វិទ្យុសំឡេងវៀតណាម​
 

ឧបនាយករដ្ឋមន្ត្រី លោក Tran Luu Quang អញ្ជើញជូនពរព្រះសង្ឃ និងពុទ្ធសាសនិកជននៅខេត្ត Bac Ninh

ឧបនាយករដ្ឋមន្ត្រី លោក Tran Luu Quang អញ្ជើញជូនពរព្រះសង្ឃ និងពុទ្ធសាសនិកជននៅខេត្ត Bac Ninh

នាព្រឹកថ្ងៃទី២៩ ខែឧសភា ឆ្នាំ២០២៣ ឧបនាយករដ្ឋមន្ត្រី លោក Tran Luu Quang បានអញ្ជើញទៅសួរសុខទុក្ខនិងជូនពរដល់ព្រះសង្ឃ និងពុទ្ធបរិស័ទ ក្នុងឱកាសមហាពិធីបុណ្យវិសាខបូជា ពុទ្ធសករាជ ២៥៦៧ - ប្រតិទិនសុរិយគតិ ២០២៣ នៅវត្ត Ham Long (សង្កាត់ Nam Son ទីក្រុង Bac Ninh) និងវត្ត Phat Tich (ស្រុក Tien Du ខេត្ត Bac Ninh)។

Top