សន្និសីទសារព័ត៌មានដើម្បីអបអរសាទរខួបលើកទី ១០ ទិវាចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងវៀតណាម និងសហភាពសេដ្ឋកិច្ចអឺរ៉ាស៊ី។ រូបថត៖ Thuy Ngoc/VOV

កិច្ចព្រមព្រៀងពាណិជ្ជកម្មសេរីវៀតណាម - សហភាពសេដ្ឋកិច្ចអាស៊ី-អឺរុប  ត្រូវបានចុះហត្ថលេខានៅថ្ងៃទី ២៩ ឧសភា ឆ្នាំ ២០១៥ និងចូលជាធរមានចាប់ពីថ្ងៃទី ៥ ខែតុលា ឆ្នាំ ២០១៦។ នេះគឺជាកិច្ចព្រមព្រៀងពាណិជ្ជកម្មសេរីដំបូងដែលសហភាពសេដ្ឋកិច្ចអាស៊ី-អឺរុប បានចុះហត្ថលេខាជាមួយដៃគូបរទេស ដោយបង្ហាញពីទំនុកចិត្ត ក្នុងទំនាក់ទំនងសហប្រតិបត្តិការរវាងភាគីទាំងពីរ។

អស់រយៈពេល ១០ឆ្នាំកន្លងមក ទោះបីជាមានការលំបាកបណ្តាលមកពីស្ថានភាពភូមិសាស្ត្រនយោបាយដ៏ស្មុគស្មាញ និងការលេចចេញនូវជំងឺរាតត្បាត Covid-១៩ ក៏ដោយ ក៏កិច្ចព្រមព្រៀងនៅតែជាកម្លាំងចលករដ៏ខ្លាំងក្លា ដើម្បីជំរុញពាណិជ្ជកម្មនិងវិនិយោគរវាងវៀតណាមនិងបណ្តាប្រទេសក្នុងសហភាពសេដ្ឋកិច្ចអាស៊ីអឺរុប។ ក្នុងនោះទំហំពាណិជ្ជកម្មរបស់វៀតណាមជាមួយរុស្ស៊ីបានកើន ១,៣ ដង; បេឡារុសកើន ៣៤%; កាហ្សាក់ស្ថានកើន ៤,២ ដង; កៀហ្ស៊ីស៊ីស្ថានកើន ១៤,៥ ដង និងអាមេនីកើន ៦១ ដង។ ដោយឡែកក្នុងឆ្នាំ ២០២៤ ប្រាក់ចំណូលនៃការនាំចេញរបស់វៀតណាមទៅកាន់បណ្តាប្រទេសនៅក្នុងសហភាពសេដ្ឋកិច្ចអាស៊ីអឺរុប កើន ៣០% ហើយផ្ទុយទៅវិញបានកើន ២០% ។ លោក Ta Hoang Linh ប្រធាននាយកដ្ឋានអភិវឌ្ឍន៍ទីផ្សារបរទេស ក្រសួងឧស្សាហកម្ម និងពាណិជ្ជកម្ម មានប្រសាសន៍ថា៖ "អត្រានៃការប្រើប្រាស់វិញ្ញាបនបត្រអនុគ្រោះនៃប្រភពដើម (C/O) របស់កិច្ចព្រមព្រៀងគឺខ្ពស់ណាស់ ប្រហែល ៧៨,៥% ខ្ពស់ជាងកិច្ចព្រមព្រៀងពាណិជ្ជកម្មសេរីដទៃទៀត។ ប្រការនេះ បានបង្ហាញថាសហគ្រាសក្តាប់ជាប់ឱកាសដែលកិច្ចព្រមព្រៀងនាំមកជូន ហើយកំពុងទាញយកអត្ថប្រយោជន៍យ៉ាងសកម្ម”។

នាបច្ចុប្បន្ន វិស័យសហប្រតិបត្តិការសំខាន់ៗរវាងវៀតណាម និងសហភាពសេដ្ឋកិច្ចអាស៊ីអឺរុប រួមមាន៖ ការគ្រប់គ្រងនិងត្រួតពិនិត្យអាសន្នរោគ លើសត្វ និងរុក្ខជាតិ ការដឹកជញ្ជូន ឡូជីស្ទិក បញ្ហាការពារបរិស្ថាន។ ភាគីទាំងពីរក៏កំពុងសម្របសម្រួលកសាងប្រព័ន្ធអេឡិចត្រូនិកដើម្បីបញ្ជាក់និងផ្ទៀងផ្ទាត់ប្រភពដើមទំនិញ ហើយទន្ទឹមនឹងនោះ រៀបចំការចុះហត្ថលេខាលើពិធីសារ និងផ្លាស់ប្តូរទិន្នន័យអេឡិចត្រូនិករវាងសហភាពសេដ្ឋកិច្ចអាស៊ីអឺរុប និងវៀតណាម៕