នៅក្នុងកិច្ចពិភាក្សានោះ ធុរកិច្ចនិងសមាគមធុរកិច្ចបានសម្តែងការប្តេជ្ញាចិត្តក្នុងប្រតិបត្តិការស្របតាមច្បាប់ ការកសាងក្រមសីលធម៌ វប្បធម៌ធុរកិច្ច ភាពស្មោះត្រង់ និងទំនួលខុសត្រូវសង្គម។ សហគ្រាសធំៗបានសម្តែងការខិតខំប្រឹងប្រែង ត្រួសត្រាយផ្លូវ និងសហគ្រាសធុនតូច និងមធ្យមឈានមុខគេ; សហគ្រាសធុនតូច និងមធ្យមបានសម្តែងការប្តេជ្ញាចិត្តក្នុងការអភិវឌ្ឍទៅជាសហគ្រាសធុនមធ្យមនិងធំ។ អគ្គនាយិកា Vinamilk លោកស្រី Mai Kieu Lien មានប្រសាសន៍ថា សេចក្តីសម្រេចចិត្ត និងគោលនយោបាយរបស់រដ្ឋាភិបាលមានភាពច្បាស់លាស់ណាស់; បញ្ហាគឺដំណើរការអនុវត្តន៍ប៉ុណ្ណោះ៖

“ប្រសិនបើយើងគ្រប់គ្នាយល់ស្របជាមួយរដ្ឋាភិបាលក្នុងការអនុវត្តត្រឹមត្រូវ ពេញលេញ និងតាមគោលនយោបាយរបស់រដ្ឋាភិបាលត្រូវបានដាក់ចេញ ខ្ញុំគិតថា អាជីវកម្មទាំងអស់នឹងអភិវឌ្ឍន៍ហើយនោះជានិន្នាការពិភពលោក។ យើងមិនត្រឹមតែមាន GDP ប៉ុណ្ណោះទេ មិនត្រឹមតែមានការលក់ប៉ុណ្ណោះទេ ថែមទាំងមានការអភិវឌ្ឍប្រកបដោយនិរន្តរភាពផងដែរ។ យើងត្រូវតែគោរពច្បាប់ យើងនឹងមិនផ្តល់ប្រយោជន៍ដល់ខ្លួនយើង ធ្វើបាបអ្នកដទៃទេ។ យើងគិតថា អាជីវកម្មបែបនោះនឹងមានការអភិវឌ្ឍប្រកបដោយនិរន្តរភាពជាពុំខាន”។

អញ្ជើញថ្លែងមតិក្នុងពិធី លោកនាយករដ្ឋមន្ត្រី ហ្វាម មិញ ជិញ បានចាត់ទុកថា សេចក្តីសម្រេចចិត្តរបស់ការិយាល័យនយោបាយ រដ្ឋសភា និងរដ្ឋាភិបាលមានភាពស៊ីសង្វាក់គ្នា និងពេញលេញ បញ្ហាដែលបានលើកឡើង បំណងប្រាថ្នាធំបំផុតគឺ ការអនុវត្តឱ្យបានល្អ ប្រកបដោយប្រសិទ្ធភាពពិតប្រាកដ៖

“ជាការពិតណាស់ ត្រូវតែធ្វើ ប៉ុន្តែមុននឹងធ្វើ  គឺត្រូវ "គិតឱ្យស៊ីជម្រៅ ធ្វើធំ" គិតឱ្យចាស់ទុំ... ។ ផ្អែកលើមូលដ្ឋាននោះ ឯកភាពវិធីធ្វើឱ្យមានប្រសិទ្ធភាពបំផុត។ ធ្វើយ៉ាងម៉េចដើម្បីអាចលើកកម្ពស់សហគ្រាសបានជិត ១លានអង្គភាព និងគ្រួសារអាជីវកម្មចំនួន ៥ពាន់អង្គភាព ពោលគឺធ្វើយ៉ាងម៉េច ដើម្បីពង្រីកបានសមត្ថភាពរួមចំណែកយ៉ាងល្អបំផុត។ យើងម្នាក់ៗចូលរួមចំណែក គ្រួសារនីមួយៗចូលរួមចំណែក នោះហើយសង្គមទាំងមូលនឹងមានធនធានដ៏អស្ចារ្យ។ ពីនោះមក យើងអាចបង្វែរស្ថានការណ៍   និងនាំប្រទេសឱ្យមានការអភិវឌ្ឍយ៉ាងរហ័សប្រកបដោយនិរន្តរភាព”។

លោកនាយករដ្ឋមន្ត្រី បានសង្កត់ធ្ងន់លើការជំរុញសាមគ្គីភាព ឯកភាពគ្នា ធ្វើការរួមគ្នា ដោយស្មារតី “បក្សបានដឹកនាំ រដ្ឋាភិបាលឯកភាព រដ្ឋសភាស្រុះចិត្តគំនិត ប្រជាជនគាំទ្រ មាតុភូមិរំពឹងទុក មានតែការពិភាក្សាសម្រាប់ធ្វើ កុំឲ្យមានការពិភាក្សាដកថយ”៕