នាព្រឹកថ្ងៃទី ៣១ ឧសភា នៅទីស្នាក់ការរដ្ឋាភិបាល (ហាណូយ) នាយករដ្ឋមន្ត្រី លោក ហ្វាម មិញ ជិញ បានអញ្ជើញចូលរួមពិធីបើកវិបផតថលច្បាប់ជាតិ - រួមដំណើរជាមួយប្រជាជន និងធុរកិច្ច ដើម្បីឈានចូលយុគសម័យថ្មី។ ពិធីបើកនេះធ្វើឡើងនៅទីស្នាក់ការរដ្ឋាភិបាល (ហាណូយ) តាមប្រព័ន្ធអ៊ីនធឺណែត តភ្ជាប់បណ្តាញជាមួយគ្រប់ខេត្ត ក្រុងទូទាំងប្រទេស។
វិបផតថលច្បាប់ជាតិនៅគេហទំព័រ https://phapluat.gov.vn ត្រូវបានសាងសង់ឡើងក្នុងគោលបំណងក្លាយជាចំណុចចូលដំណើរការផ្លូវការ បម្រើប្រជាជន និងធុរកិច្ចក្នុងការសិក្សា និងសួរសំណួរអំពីច្បាប់ ធានាការផ្សព្វផ្សាយជាសាធារណៈ តម្លាភាព និងប្រសិទ្ធភាព។ ថ្លែងមតិក្នុងពិធី លោកនាយករដ្ឋមន្ត្រី ហ្វាម មិញ ជិញ បានសង្កត់ធ្ងន់ថា៖ វិបផតថលច្បាប់ជាតិនឹងជា “និមិត្តរូបនៃស្ថាប័នតុលាការ” កាត់បន្ថយថ្លៃធ្វើដំណើរ និងថ្លៃអនុលោមភាពសម្រាប់ប្រជាជននិងអាជីវកម្ម។
លោកនាយករដ្ឋមន្ត្រីក៏បានអះអាងដែរថា ការដាក់ឱ្យដំណើរការនូវវិបផត ថលច្បាប់ជាតិ គឺជាជំហានជាក់ស្តែងមួយក្នុងការអនុវត្តសេចក្តីសម្រេចចិត្តយុទ្ធសាស្ត្ររបស់ការិយាល័យនយោបាយស្តីពី “សសរស្តម្ភទាំងបួន”។ ទាំងអស់នេះបម្រើដល់មាគ៌ានវានុវត្តន៍របស់ប្រទេសជាតិ ដោយផ្អែកលើ សសរស្តម្ភសំខាន់បីនៃការកសាងរដ្ឋនីតិរដ្ឋសង្គមនិយម; កសាងសេដ្ឋកិច្ចទីផ្សារ តម្រង់ទិសសង្គមនិយម; កសាងប្រជាធិបតេយ្យសង្គមនិយម។ លោកនាយករដ្ឋមន្ត្រីស្នើឱ្យ វិបផតថលច្បាប់ជាតិមានកំណែជាភាសាអង់គ្លេសដើម្បីចូឡរួមសមាហរណកម្មយ៉ាងសកម្មផងដែរ៕
