ប្រធានរដ្ឋវៀតណាមលោក លឿង គឿង និងប្រធានាធិបតីហុងគ្រី លោក Sulyok Tamas កាត់ខ្សែបូបើកការតាំងពិព័រណ៍រូបថត។ (រូបថត៖ Viet Cuong/VOV)

រូបថតដែលត្រូវបានតាំងបង្ហាញនៅក្នុងការតាំងពិព័រណ៍នេះរបស់អ្នកថតរូប Bozoky Dezso គឺជាកំណែចម្លងឌីជីថលពីការសម្រាំងនៃសារមន្ទីរវិចិត្រសិល្បៈ Budapest - សារមន្ទីរសិល្បៈអាស៊ី Ferenc Hopp ដែលបង្ហាញពីអគារលេចធ្លោជា ច្រើន ឬតំបន់មួយចំនួននៅដើមសតវត្សរ៍ទី ២០ នៃទីក្រុង Sai Gon ពីសម័យមុន ដែលបច្ចុប្បន្នជាទីក្រុងហូជីមិញ ហើយនៅតែគងវង្សរហូតដល់សព្វថ្ងៃនេះដូចជា៖ វិថី Catinat (ឥឡូវជាវិថី Dong Khoi) សួនរុក្ខសាស្ត្រ រោងមហោស្រព Sai Gon (ឥឡូវជារោងមហោស្រពក្រុង) និងសាលាក្រុង Sai Gon (បច្ចុប្បន្នជាទីស្នាក់ការគណៈ កម្មាធិការប្រជាជនទីក្រុងហូជីមិញ) ប្រឡាយ Ben Nghe  ឬវត្តពុទ្ធសាសនានៅផ្សារ ធំ។ នេះជាលើកទីមួយហើយដែលរូបថតទាំងនេះត្រូវបានគេឧទ្ទេសនាម ដល់សាធា រណជនវៀតណាមយ៉ាងទូលំទូលាយ។

ថ្លែងសុន្ទរកថាក្នុងពិធីបើក ប្រធានាធិបតីហុងគ្រី លោក Sulyok Tamas បាន សង្កត់ធ្ងន់ថា ការតាំងពិព័រណ៍រូបថត គឺជាសក្ខីភាពដែលបង្ហាញឲ្យឃើញថា ប្រជាជន ហុងគ្រី និងវៀតណាមបានស្គាល់គ្នាតាំងពីយូរយារណាស់មកហើយ មុនពេលដែល ប្រទេសទាំងពីរបង្កើតទំនាក់ទំនងការទូត (ឆ្នាំ១៩៥០) ជាពិសេសគឺប្រជាជនហុងគ្រី បានស្គាល់ទឹកដីនិងមនុស្សវៀតណាមតាមរយៈរូបថតតាំងពីដើមសតវត្សរ៍ទី២០។ ដូច្នេះ ពិព័រណ៌គឺជាសកម្មភាពវប្បធម៌គំរូ ដើម្បីអបអរសាទរទំនាក់ទំនងមិត្តភាព ប្រពៃណី និងកិច្ចសហប្រតិបត្តិការប្រកបដោយនិរន្តរភាពរវាងប្រទេសទាំងពីរ វៀតណាម និងហុងគ្រី៕