នាយករដ្ឋមន្ត្រីវៀតណាមលោក ហ្វាម មិញជីញ ទទួលជួបគណៈប្រតិភូនៃគណៈបក្សទាំងពីរក្នុងសភាតំណាងរាស្រ្តអាមេរិក ដឹកនាំដោយសមាជិកសភាតំណាងរាស្ត្រលោក John Moolenaar។ (រូបថត៖ VOV)

នៅក្នុងជំនួបនេះ លោកនាយករដ្ឋមន្ត្រីបានវាយតំលៃខ្ពស់ចំពោះការគាំទ្ររបស់អាមេរិកចំពោះប្រទេសវៀតណាមដ៏ “រឹងមាំ ឯករាជ្យ ខ្លួនទីពឹងខ្លួន និងវិបុលភាព” ស្វាគមន៍អាមេរិកបន្តកិច្ចខិតខំប្រឹងប្រែងដើម្បីជំនះពុះពារលើផលវិបាកនៃសង្គ្រាម; ស្នើឱ្យសហរដ្ឋអាមេរិកបង្កើនការផ្ទេរបច្ចេកវិទ្យាក្នុងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគី។ លោកនាយករដ្ឋមន្ត្រីបានស្នើឱ្យលោក Moolenaar និងសមាជិកសភាអាមេរិកបន្តយកចិត្តទុកដាក់និងគាំទ្រការអភិវឌ្ឍទំនាក់ទំនងរវាងភាគីទាំងពីរ ក្នុងនោះពិចារណាដកវៀតណាមចេញពីបញ្ជីរឹតត្បិតការនាំចេញយុទ្ធសាស្ត្រ (D1-D3) និងជំរុញដំណើរការពិចារណាទទួលស្គាល់ស្ថានភាពសេដ្ឋកិច្ចទីផ្សាររបស់ វៀតណាម។

ទាក់ទិននឹងបញ្ហាពន្ធដារ លោកនាយករដ្ឋមន្ត្រី ហ្វាម មិញជីញ បានស្នើថា ក្នុងដំណើរការចរចា អាមេរិកគួរតែយកចិត្តទុកដាក់ដល់លក្ខខណ្ឌ និងកាលៈទេសៈ ជាក់លាក់របស់វៀតណាម ហើយមានវិធីសាស្ត្រតុល្យភាពជាងមុន ឆ្ពោះទៅរកទំនាក់ ទំនងពាណិជ្ជកម្មប្រកបដោយនិរន្តរភាព ភាពស្អាតស្អំ និងស្ថិរភាព នាំមកនូវផល ប្រយោជន៍ជាក់ស្តែងដល់សហគ្រាសនិងប្រជាជននៃប្រទេសទាំងពីរ។

រីឯខ្លួនវិញ សមាជិកសភា លោក John Moolenaar និងសមាជិកគណៈប្រតិភូ អាមេរិកបានអះអាងថា វៀតណាមជាដៃគូសំខាន់របស់អាមេរិកក្នុងតំបន់ ដោយបញ្ជាក់ ថា ការជំរុញការអភិវឌ្ឍជាវិជ្ជមាននៃទំនាក់ទំនងវៀតណាម - អាមេរិកបានទទួលការ គាំទ្រពីគណៈបក្សទាំងពីរនៅក្នុងសភាអាមេរិក; អះអាងជាថ្មីថា អាមេរិកនឹងបន្តដើរ តួនាទីយ៉ាងសកម្មក្នុងកិច្ចសហប្រតិបត្តិការ និងជួយឧបត្ថម្ភវៀតណាមក្នុងការសម្រេច បាននូវគោលដៅអភិវឌ្ឍន៍យុទ្ធសាស្ត្ររបស់ខ្លួន៕