ចំណុចសំខាន់ៗ
ចំណាប់អារម្មណ៍របស់វៀតណាមក្នុងឆ្នាំដំបូងក្នុងនាមជាសមាជិកក្រុមប្រឹក្សាសិទ្ធិមនុស្សនៃអង្គការសហប្រជាជាតិ អាណត្តិ ២០២៣ - ២០២៥
លោកអនុរដ្ឋមន្ត្រីការបរទេស ដូហ៊ុងវៀត (Do Hung Viet) ។ រូបថត៖ VNAផ្សាយ
បន្ទាប់ពីរយៈពេលជាងមួយឆ្នាំដែលទទួលបន្ទុកជាសមាជិកក្រុមប្រឹក្សាសិទ្ធិមនុស្សនៃអង្គការសហប្រជាជាតិ អាណត្តិឆ្នាំ ២០២៣- ២០២៥ វៀតណាមបានបន្សល់ទុកនូវចំណាប់អារម្មណ៍ជាច្រើនដែលត្រូវបានទទួលស្គាល់ និងការវាយតម្លៃខ្ពស់ពីសហគមន៍អន្តរជាតិ។ កាសែតរូបភាពវៀតណាមសូមដកស្រង់នូវសេចក្តីសង្ខេបនៃអត្ថបទដែលលោកអនុរដ្ឋមន្ត្រីក្រសួងការបរទេស ដូហ៊ុងវៀត (Do Hung Viet) ក្នុងឱកាសនេះ។
តួនាទីជាសមាជិកក្រុមប្រឹក្សាសិទ្ធិមនុស្សនៃអង្គការសហប្រជាជាតិ អាណត្តិ ២០២៣ - ២០២៥ ត្រូវបានជំរុញអនុវត្តយ៉ាងខ្លាំងក្លាតាំងពីថ្ងៃដំបូង សកម្មភាពដំបូងរបស់ក្រុមប្រឹក្សាសិទ្ធិមនុស្ស ឆ្នាំ ២០២៣ ដោយមានការចូលរួមសហការយ៉ាងសកម្មពីស្ថាប័នក្នុងក្រុមការងារអន្តរវិស័យ ទីភ្នាក់ងារសារព័ត៌មាន ហើយបានបន្សល់ទុកនូវចំណាប់អារម្មណ៍ ដែលមានឥទ្ធិពលរាលដាលមិនត្រឹមតែក្នុងកិច្ចការ ប្រឹក្សាសិទ្ធិមនុស្សប៉ុណ្ណោះទេ ថែមទាំងនៅក្នុងវិស័យការងារជាច្រើនទៀតផង។
1. នៅឆ្នាំ ២០២៣ ស្ថានភាពពិភពលោក និងតំបន់មានការផ្លាស់ប្តូរជាច្រើន។ សន្តិភាព កិច្ចសហប្រតិបត្តិការ និងការអភិវឌ្ឍ ទោះបីជានិន្នាការចម្បងក៏ដោយ ប៉ុន្តែត្រូវបានប្រឈមមុខនឹងបញ្ហាជាច្រើន ជាពិសេសគឺក្នុងបរិបទនៃជម្លោះប្រដាប់អាវុធដែលកំពុងផ្ទុះឡើងនៅក្នុងតំបន់ជាច្រើនលើពិភពលោក សេដ្ឋកិច្ចពិភពលោកបានស្តារឡើងវិញបន្តិចម្តងៗ ... ការអនុវត្តគោលដៅអភិវឌ្ឍប្រកបដោយចីរភាព (SDG ) រួមជាមួយនឹងបញ្ហាប្រឈមនៃសន្តិសុខមិនប្រពៃណី ដូចជាបម្រែបម្រួលអាកាសធាតុ សន្តិសុខស្បៀងអាហារ សន្តិសុខប្រភពទឹក អសមភាព និង "ផ្នែកផ្ទុយ" ការផ្លាស់ប្តូរឌីជីថល... មានផលប៉ះពាល់ផ្ទាល់ប្រចាំថ្ងៃទៅលើជីវភាពរស់នៅ គុណភាពជីវិត និងលទ្ធភាពទទួលសិទ្ធិរបស់មនុស្សជាតិលើពិភពលោក។
កត្តាទាំងនេះឆ្លាស់គ្នា ផ្លាស់ប្តូរគ្នាទៅវិញទៅមក បង្កបញ្ហាប្រឈមជាច្រើនផង បង្កើននយោបាយ កាត់បន្ថយបរិយាកាសកិច្ចសហប្រតិបត្តិការលើបញ្ហាសិទ្ធិមនុស្សជាច្រើនផង ម្យ៉ាងវិញទៀត ក៏បង្ហាញយ៉ាងច្បាស់លាស់ពីតម្រូវការសម្រាប់ការសន្ទនា សហប្រតិបត្តិការ ដើម្បីដោះស្រាយកង្វល់រួមរបស់សហគមន៍អន្តរជាតិស្តីពីសិទ្ធិមនុស្ស ក្នុងនោះមានការប្រព្រឹត្តិតាមរយៈសកម្មភាពរបស់ក្រុមប្រឹក្សាសិទ្ធិមនុស្សផងដែរ។
2. ការជាប់ឆ្នោតជាសមាជិកក្រុមប្រឹក្សាសិទ្ធិមនុស្សនៃអង្គការសហប្រជាជាតិ អាណត្តិ ២០២៣ - ២០២៥ មានអត្ថន័យសំខាន់ អំណះអំណាងពីទីតាំង កិត្យានុភាពមួយថ្ងៃកាន់តែខ្ពស់របស់វៀតណាម ព្រមទាំងបង្ហាញពីកំណត់ស្គាល់របស់សហគមន៍អន្តរជាតិចំពោះគោលនយោបាយ ការខិតខំប្រឹងប្រែង និងសមិទ្ធិផលរបស់វៀតណាមក្នុងការធានាសិទ្ធិមនុស្ស។ វៀតណាមក៏ទទួលតំណែងនេះខណៈពេលដែលកំពុងខិតខំប្រឹងប្រែង ដើម្បីអភិវឌ្ឍសេដ្ឋកិច្ច-សង្គម ធានាជីវភាពរស់នៅ លើកកម្ពស់គុណភាពជីវិតរបស់ប្រជាជន និងធានាអនុវត្តប្តេជ្ញាចិត្តអន្តរជាតិស្តីពីសិទ្ធិមនុស្សក្នុងស្ថានភាពអន្តរជាតិ និងក្នុងប្រទេសមានបញ្ហាប្រឈមមុខជាច្រើន។
3. 3. សមស្របនឹងក្តីកង្វល់ធំៗរបស់ពិភពលោកអំពីសិទ្ធិមនុស្សនាពេលបច្ចុប្បន្ននេះ គំនិតផ្តួចផ្តើមរបស់វៀតណាមត្រូវបានបណ្តាប្រទេសគាំទ្រ និងរួមចំណែកយ៉ាងសកម្ម ។ ឧទាហរណ៍ ដូចជាសេចក្តីថ្លែងការណ៍រួមស្តីពីប្រធានបទ ចាក់ថ្នាំបង្ការ និងសិទ្ធិមនុស្ស ដែលវៀតណាមជាអធិបតីរៀបរៀង ក្នុងសម័យប្រជុំទី ៥៤ នៃក្រុមប្រឹក្សាសិទ្ធិមនុស្ស បានទាក់ទាញប្រទេសជាង ៦០ ឱ្យចូលរួម និងគាំទ្រ។
4.វៀតណាមក៏ចូលរួមយ៉ាងស៊ីជម្រៅថែមទៀតក្នុងការងាររួម ជំរុញកិច្ចសន្ទនា និងកិច្ចសហប្រតិបត្តិការក្នុងក្រុមប្រឹក្សាសិទ្ធិមនុស្ស ដោយស្មារតី “គោរព និង យល់ដឹង សន្ទនា និងសហការ លើសិទិ្ធទាំងឡាយ សម្រាប់មនុស្សគ្រប់គ្នា»។ វៀតណាមបានថ្លែងសេចក្តីថ្លែងការណ៍ជាង ៨០អត្ថបទ ស្តីពីការអភិវឌ្ឍន៍ប្រកបដោយចីរភាព ឆ្លើយតបទៅនឹងបម្រែបម្រួលអាកាសធាតុ ការធ្វើចំណាកស្រុក លើកកម្ពស់សមភាពយេនឌ័រ ធានាសិទ្ធិលំនៅដ្ឋាន សិទ្ធិម្ហូបអាហារ សិទ្ធិវប្បធម៌ សិទ្ធិអភិវឌ្ឍ ការពារក្រុមដែលងាយរងគ្រោះ។
5. ចំណាប់អារម្មណ៍តាំងពីឆ្នាំដំបូងក្នុងនាមជាសមាជិកនៃក្រុមប្រឹក្សាសិទ្ធិមនុស្ស អាណត្តិ ២០២៣- ២០២៥ ក៏មានឥទ្ធិពលវិជ្ជមានរាលដាលទៅលើផ្នែកផ្សេងទៀតនៃកិច្ចការបរទេសស្តីពីសិទ្ធិផ្សេងៗរបស់មនុស្សជាតិ។ ការរួមវិភាគទានរបស់វៀតណាមនៅក្រុមប្រឹក្សាសិទ្ធិមនុស្សបានរួមចំណែកជួយសហគមន៍អន្តរជាតិយល់កាន់តែច្បាស់អំពីការខិតខំប្រឹងប្រែង និងការប្តេជ្ញាចិត្តរបស់យើងក្នុងការការពារ និងលើកកម្ពស់សិទ្ធិមនុស្ស តាមរយៈនោះជំរុញទំនាក់ទំនងសហប្រតិបត្តិការរបស់យើងជាមួយបណ្តាប្រទេស និងអង្គការអន្តរជាតិ។
6. ឆ្នាំ ២០២៤ គឺជាឆ្នាំដំបូងក្នុងអាណត្តិនៃសមាជិកក្រុមប្រឹក្សាសិទ្ធិមនុស្ស ២០២៣ - ២០២៥ ជាមួយនឹងសកម្មភាពសំខាន់ៗជាច្រើនដូចជា របាយការណ៍ និងកិច្ចសន្ទនាអំពីរបាយការណ៍ជាតិ ក្រោមយន្តការ UPR វដ្ដទី IV បន្តជំរុញបណ្ដាគំនិតផ្តួចផ្តើម ផ្តល់អាទិភាព ជាពិសេសគំនិតផ្តួចផ្តើមស្តីពីបម្រែបម្រួលអាកាសធាតុ និងសិទ្ធិមនុស្ស សហការជាមួយការចលនាប្រទេសនានា បន្តបោះឆ្នោតគាំទ្រវៀតណាមលើកដំបូងចេញឆ្នោតបន្តជាសមាជិកក្រុមប្រឹក្សាសិទ្ធិមនុស្សនៃអង្គការសហប្រជាជាតិ អាណត្តិ ២០២៦-២០២៨។
ជាមួយនឹងការប្តេជ្ញាចិត្តយ៉ាងមុតមាំ និងកម្លាំងពីសាមគ្គីភាព និងកិច្ចសហការយ៉ាងជិតស្និទ្ធនៃប្រព័ន្ធនយោបាយទាំងមូល ក្រោមការយកចិត្តទុកដាក់ និងការដឹកនាំយ៉ាងដិតដល់របស់ថ្នាក់ដឹកនាំបក្ស និងរដ្ឋ វៀតណាមនឹងបន្តមានការរួមចំណែកយ៉ាងសំខាន់នៅក្រុមប្រឹក្សាសិទ្ធិមនុស្សនៃអង្គការសហប្រជាជាតិ ដោយធ្វើឱ្យមានការកត់សម្គាល់ក្នុងឆ្នាំ ២០២៤ និងលើសពីនេះ រួមចំណែកក្នុងការកសាង ការទូត ការបរទេសរបស់វៀតណាមដ៏រឹងមាំ ទូលំទូលាយ ទំនើប ជំនាញ និងលើកកម្ពស់ការទូតពហុភាគីតាមស្មារតីនៃសេចក្តីសម្រេចចិត្តនៃមហាសន្និបាតលើកទី ១៣ របស់បក្ស និងលំណែនាំ ២៥-CT/TW របស់គណៈលេខាមជ្ឈិមបក្ស។/ .
កាសែតរូបភាពវៀតណាម/ VNA
ប្រែសម្រួលដោយង្វៀនយ៉ាង
