កម្លាំងចលករថ្មី សម្រាប់ការអភិវឌ្ឍចីរភាពទំនាក់ទំនងវៀតណាម - ចិន
ក្នុងរយេល៧៤ឆ្នាំកន្លង (ថ្ងៃទី១៨ ខែមករា ឆ្នាំ១៩៥០ - ថ្ងៃទី១៨ ខែមករា ឆ្នាំ២០២៤) ទំនាក់ទំនងវៀតណាម - ចិន “ជួនខ្ពស់ជួនទាប” ប៉ុន្តែមិត្តភាព កិច្ចសហប្រតិបត្តិការនៅតែជាខ្សែទឹកមេ។ ចំណងមិត្តភាព ដែលថ្នាក់ដឹកនាំគ្រប់ជំនាន់ទាំងពីរប្រទេសខិតខំបំពេញ បានក្លាយជាទ្រព្យសម្បត្តិរួមដ៏កម្រនៃប្រជាជាតិទាំងពីរ រួមចំណែករក្សានិន្នាការអភិវឌ្ឍ ស្ថេរភាពទំនាក់ទំនងមិត្តភាពប្រពៃណីវៀតណាម - ចិន នាំមកផលប្រយោជន៍ជាក់ស្តែងសម្រាប់ប្រជាជននៃប្រទេសទាំងពីរ។
ព្រឹត្តិការណ៍ប្រវត្តិសាស្រ្តថ្មី ក្នុងទំនាក់ទំនងវៀតណាម និង ចិន
ដំណើរបំពេញទស្សនកិច្ចជាផ្លូវរដ្ឋមកកាន់ប្រទេសវៀតណាម របស់លោកអគ្គលេខាធិការបក្ស ប្រធានរដ្ឋចិន Xi Jinping និងលោកជំទាវក្នុងពេលកន្លង ជាព្រឹត្តិការណ៍ដ៏សំខាន់ចំពោះវៀតណាម និងចិន។ តាមរយៈនោះ ភាគីទាំងពីរបង្កើនមនោសញ្ចេតនា ទំនុកចិត្តនយោបាយ យល់ដឹងគ្នាទៅវិញទៅមក ចូលរួមសកម្មក្នុងការងារពង្រីកសាមគ្គីភាព មិត្តភាពប្រពៃណីវៀតណាម - ចិន ឱ្យកាន់តែប្រសើរ និងខ្លាំងក្លាបន្ថែមទៀត ទំនាក់ទំនងដៃគូសហប្រតិបត្តិការយុទ្ធសាស្រ្តគ្រប់ជ្រុងជ្រោយវៀតណាម - ចិន។
លោកអគ្គលេខាធិការបក្ស ង្វៀន ភូត្រុង (Nguyen Phu Trong) និងលោកអគ្គលេខាធិការបក្ស ប្រធានរដ្ឋចិន Xi Jinping ថតរូបរួម។ រូបថត៖ ទ្រីយុង/ទីភ្នាក់ងារសារព័ត៌មានវៀតណាម
ក្នុងដំណើរបំពេញទស្សនកិច្ចលើកនេះ លោកអគ្គលេខាធិការបក្ស ង្វៀន ភូត្រុង (Nguyen Phu Trong) និងលោកអគ្គលេខាធិការបក្ស ប្រធានរដ្ឋចិន Xi Jinping ឯកភាពវាយតម្លៃថា បន្ទាប់ពី ១៥ ឆ្នាំ ចាប់តាំងពីឆ្នាំដែលប្រទេសទាំងពីរ បង្កើតទំនាក់ទំនងដៃគូសហប្រតិបត្តិការយុទ្ធសាស្រ្តគ្រប់ជ្រុងជ្រោយ នៅឆ្នាំ២០០៨ រហូតដល់បច្ចុប្បន្នជាមួយទិសស្លោកថា “អ្នកជិតខាងមិត្តភាព សហប្រតិបត្តិការគ្រប់ជ្រុងជ្រោយ ស្ថេរភាពយូរអង្វែង ឆ្ពោះទៅអនាគត” ដោយស្មារតី “អ្នកជិតខាងល្អ មិត្តល្អ សមមិត្តល្អ ដៃគូល្អ” សហប្រតិបត្តិការលើគ្រប់វិស័យ សម្រេចបានដំណើរសកម្ម និងគ្រប់ជ្រុងជ្រោយជាច្រើន។ ទំនាក់ទំនងបក្សទាំងពីរ ប្រទេសទាំងពីរ បើកទូលាយនិងស៊ីជម្រៅមិនឈប់ឈរ។ ការអភិវឌ្ឍពីមួយថ្ងៃទៅមួយថ្ងៃកាន់តែជាក់ស្តែង រឹងមាំ និងគ្រប់ជ្រុងជ្រោយលើគ្រប់វិស័យទាំងអស់។ ក្នុងនោះ ទំនាក់ទំនងនយោបាយរីកចម្រើនខ្លាំងក្លា ពិភាក្សាកំពូលនិងគ្រប់ជាន់ថ្នាក់បានបង្កើនឡើង។
អំពីកិច្ចសហប្រតិបតិ្តការសេដ្ឋកិច្ច ពាណិជ្ជកម្ម វិនិយោគ ២០ ឆ្នាំបន្តបន្ទាប់ ចិនជាដៃគូពាណិជ្ជកម្មធំបំផុតរបស់វៀតណាម។ បច្ចុប្បន្ននៅក្នុងអាស៊ាន វៀតណាមជាដៃគូពាណិជ្ជកម្មធំបំផុតរបស់ចិន ហើយជាដៃគូពាណិជ្ជកម្មធំលំដាប់ទី ៤ របស់ចិន នៅលើពិភពលោក (ក្រោយអាមេរិក ជប៉ុន និង កូរេខាងត្បូង)។ តម្លៃពាណិជ្ជកម្មទ្វេភាគីកើនឡើង ៩ ដង ពីកម្រិត ២០ ពាន់លានដូល្លាអាមេរិកនៅឆ្នាំ២០០៨ ឡើងដល់ជិត ១៨០ ពាន់លានដូល្លាអាមេរិកនៅឆ្នាំ២០២២។ ឆ្លងកាត់រយៈពេល ១៥ ឆ្នាំ ការវិនិយោគរបស់ចិនចូលមកប្រទេសវៀតណាម កើនឡើងជាង១០ដង ពីកម្រិតកើនឡើង២ពាន់លានដូល្លាអាមេរិក នៅឆ្នាំ២០០៨ ឡើងដល់២៥ពាន់លានដូល្លាអាមេរិកនាបច្ចុប្បន្ន។ ចំពោះឆ្នាំ២០២៣ ចិនឈានឡើងលំដាប់ទី ៤ ក្នុងចំណោមប្រទេស និងតំបន់ ដែលបានវិនិយោគចូលប្រទេសវៀតណាម។
លោកអគ្គលេខាធិការបក្ស ង្វៀន ភូត្រុង (Nguyen Phu Trong) និងលោកអគ្គលេខាធិការបក្ស ប្រធានរដ្ឋចិន Xi Jinping និងភរិយារបស់លោកអគ្គលេខាបក្ស ប្រធានរដ្ឋ Xi Jinping ថតអនុស្សារីយ៍ជាមួយនឹងគណៈប្រតិភូបញ្ញវន្តមិត្តភាព និង យុវវ័យវៀតណាម - ចិន។ រូបថត៖ ទ្រីយុង/ទីភ្នាក់ងារសារព័ត៌មានវៀតណាម
ប្រទេសទាំងពីរចេញសេចក្តីប្រកាសរួម ក្នុងនោះដាក់ចេញទិសដៅលម្អិត គ្រប់ជ្រុងជ្រោយ ចុះហត្ថលេខាលើឯកសារព្រមព្រៀងសហប្រតិបត្តិការចំនួន៣៦ ច្បាប់ នៅលើវិស័យជាច្រើន ចាប់តាំងពីសហប្រតិបត្តិការបណ្ដាញបក្ស សន្តិសុខ ការពារជាតិ សហប្រតិបត្តិការរវាងស្ថាប័ន និងមូលដ្ឋាន យុត្តិធម៌ តភ្ជាប់យុទ្ធសាស្រ្តអភិវឌ្ឍ សេដ្ឋកិច្ច ពាណិជ្ជកម្ម វិនិយោគ សេដ្ឋកិច្ចឌីជីថល អភិវឌ្ឍបៃតង នាំចេញនាំចូលកសិផល ជលផល សហប្រតិបត្តិការលើសមុទ្រ។ល។
លោកអគ្គលេខាធិការបក្ស ង្វៀន ភូត្រុង (Nguyen Phu Trong) អញ្ជើញលោកអគ្គលេខាធិការបក្ស ប្រធានរដ្ឋចិន Xi Jinping ពិសាតែ។ រូបថត៖ ទ្រីយុង/ទីភ្នាក់ងារសារព័ត៌មានវៀតណាម
ក្នុងក្របខណ្ឌនៃដំណើរបំពេញទស្សនកិច្ច លោកស្រី ង៉ោ ធីមឹន (Ngo Thi Man) ភរិយាលោកអគ្គលេខាធិការបក្ស ង្វៀនភូត្រុង (Nguyen Phu Trong) និង លោកស្រី ផាន ធីថាញតឹម (Phan Thi Thanh Tam) ភរិយាលោកប្រធានរដ្ឋ វ៉ វ៉ាន់ថឿង (Vo Van Thuong) រួមនឹងសាស្រ្តាចារ្យ Peng Liyuan ភរិយាលោកអគ្គលេខាធិការបក្ស ប្រធានរដ្ឋចិន Xi Jinping បានអញ្ជើញទៅទស្សនាសារមន្ទីរនារីវៀតណាម និងជួបសំណេះសំណាលជាមួយនិស្សិតសកលវិទ្យាល័យជាតិហាណូយ។
លោកនាយករដ្ឋមន្រ្តី ផាម មិញចិញ (Pham Minh Chinh) និងលោកអគ្គលេខាធិការបក្ស ប្រធានរដ្ឋចិន Xi Jinping ទស្សនារូបភាពលេចធ្លោអំពីទំនាក់ទំនងនៃប្រទេសទាំងពីរ។ រូបថត៖ យឿងយ៉ាង/ទីភ្នាក់ងារសារព័ត៌មានវៀតណាម
ចូលរួមប្រាស្រ័យនឹងប្រជាជន សហប្រតិបត្តិការរវាងមូលដ្ឋានទាំងឡាយ ប្រព្រឹត្តទៅយ៉ាងផុសផុល សម្រេចបានសមិទ្ធផលជាក់ស្តែង។ គូភាគីកសាងផ្លូវព្រំដែនគោកវៀតណាម - ចិនប្រកបដោយសន្តិភាព មិត្តភាព និង សហប្រតិបត្តិការ រួមចំណែកក្នុងការអភិវឌ្ឍសេដ្ឋកិច្ច - សង្គម នៅតាមមូលដ្ឋានព្រំដែននៃប្រទេសទាំងពីរ។ គូភាគីក៏បន្តខិតខំប្រឹងប្រែងរក្សាចរចា បង្កើនសហប្រតិបត្តិការដើម្បីភាគីពាក់ព័ន្ធគ្រប់គ្រងជម្លោះ គ្រប់គ្រងភាពខុសប្លែក សមស្របនឹងបទប្បញ្ញតិនៃច្បាប់អន្តរជាតិ ចូលរួមធានាសន្តិភាព ស្ថេរភាពនៅលើសមុទ្រខាងកើត និងតំបន់។
ដំណើរបំពេញទស្សនកិច្ចថ្នាក់ជាតិមកកាន់ប្រទេសវៀតណាម របស់លោកអគ្គលេខាធិការបក្ស ប្រធានរដ្ឋចិន Xi Jinping សឱ្យឃើញថា វៀតណាមចាត់ទុកការអភិវឌ្ឍទំនាក់ទំនងជាមួយនឹងប្រទេសចិន ជាអាទិភាពលំដាប់ជួរមុខ និងជាជម្រើសយុទ្ធសាស្រ្ត គាំទ្រប្រទេសចិនសង្គមនិយមរីកចម្រើនខ្លាំងក្លា ចូលរួមមួយថ្ងៃកាន់តែមានសារៈសំខាន់ជាង ក្នុងបុព្វហេតុសន្តិភាព និងការជឿនលឿននៃមនុស្សជាតិ។ ទន្ទឹមនោះ អះអាងមាគ៌ាការទូតឯកភាពនៃបក្ស រដ្ឋវៀតណាម គឺឯករាជ្យ ម្ចាស់ការ សន្តិភាព មិត្តភាព សហប្រតិបត្តិការ និងអភិវឌ្ឍ ពិពិធកម្ម ពហុភាគីទំនាក់ទំនងការទូត។ ប្រមូលផ្តុំប្រភពកម្លាំងខាងក្រៅ ដើម្បីអភិវឌ្ឍ លើកកម្ពស់កិត្យានុភាព ប្រជាប្រិយភាពនៃប្រទេសជាតិ៕
តាំងពិព័រណ៍រូបភាពពីទំនាក់ទំនងប្រទេសទាំងពីរវៀតណាម - ចិន
លោកប្រធានរដ្ឋ ហូ ជីមិញ ជំនួបពិភាក្សានឹងលោកប្រធានរដ្ឋ Mao Zedong កាលពីថ្ងៃទី០២ ខែវិច្ឆិកា ឆ្នាំ១៩៦០ នៅប៉េកាំង ក្នុងដំណើរបំពេញទស្សនកិច្ចនៅប្រទេសចិន ចាប់ពីថ្ងៃទី០២ - ០៤ ខែវិច្ឆិកា ឆ្នាំ១៩៦០។ រូបថត៖ ទីភ្នាក់ងារសារព័ត៌មានវៀតណាម
លោកប្រធានរដ្ឋ ហូ ជីមិញ និងលោកនាយករដ្ឋមន្រ្តី Zhou Enlai ចុះហត្ថលេខាលើសេចក្តីប្រកាសរួម រវាងវៀតណាម - ចិន នាថ្ងៃទី០៨ ខែវិច្ឆិកា ឆ្នាំ១៩៥៥ នៅប៉េកាំង។ រូបថត៖ ទីភ្នាក់ងារសារព័ត៌មានវៀតណាម
លោកឧបនាយករដ្ឋមន្រ្តី ផាម វ៉ាន់ដុង (Pham Van Dong) និង លោកនាយករដ្ឋមន្រ្តី Zhou Enlai ក្នុងពិធីបើកអង្គសន្និសីទ Geneva ស្ដីពីឥណ្ឌូចិន នាថ្ងៃទី០៨ ខែឧសភា ឆ្នាំ១៩៥៤។ រូបថត៖ ឯកសារទីភ្នាក់ងារសារព័ត៌មានវៀតណាម
លោកអគ្គលេខាធិការបក្ស ង្វៀន ភូត្រុង (Nguyen Phu Trong) អញ្ជើញលោកអគ្គលេខាធិការបក្ស ប្រធានរដ្ឋចិន Xi Jinping ពិសាតែនៅផ្ទះរតក្នុងមណ្ឌលកេរដំណែលលោកប្រធានរដ្ឋ ហូ ជីមិញ នៅវិមានប្រធានរដ្ឋ (ថ្ងៃទី១៣ ខែវិច្ឆិកា ឆ្នាំ២០១៧)។ រូបថត៖ ទីភ្នាក់ងារសារព័ត៌មានវៀតណាម
លោកប្រធានរដ្ឋ វ៉ វ៉ាន់ថឿង (Vo Van Thuong) ជួបសវនាការនឹងលោកអគ្គលេខាធិការបក្ស ប្រធានរដ្ឋចិន Xi Jinping នាឱកាសចូលរួមវេទិកាកំពូលសហប្រតិបត្តិការអន្តរជាតិ “ខ្សែក្រវាត់និងផ្លូវ” លើកទី៣ (ប៉េកាំង ថ្ងៃទី២០ ខែតុលា ឆ្នាំ២០២៣)។ រូបថត៖ ទីភ្នាក់ងារសារព័ត៌មានវៀតណាម
លោកនាយករដ្ឋមន្រ្តី Li Qiang ទទួលស្វាគមន៍ និង ពិភាក្សាជាមួយលោកនាយករដ្ឋមន្រ្តី ផាម មិញចិញ (Pham Minh Chinh) ក្នុងឳកាសបំពេញទស្សនកិច្ចជាផ្លូវការនៅប្រទេសចិន (ប៉េកាំង ថ្ងៃទី២៦ ខែមិថុនា ឆ្នាំ២០២៣)។ រូបថត៖ ទីភ្នាក់ងារសារព័ត៌មានវៀតណាម
លោកនាយករដ្ឋមន្រ្តីវៀតណាម ផាម មិញចិញ (Pham Minh Chinh) ជួបសំណេះសំណាលថ្នាក់ដឹកនាំសមាគមមិត្តភាពការបរទេសប្រជាជនចិន និង គណៈប្រតិភូបញ្ញវន្តមិត្តភាពចិន (ប៉េកាំង ថ្ងៃទី២៨ ខែមិថុនា ឆ្នាំ២០២៣)។ រូបថត៖ ទីភ្នាក់ងារសារព័ត៌មានវៀតណាម
លោកប្រធានរដ្ឋសភា វឿង ឌិញហ្វេ (Vuong Dinh Hue) ជួបពិភាក្សាការងារ តាមរយៈ អនឡាយ ជាមួយប្រធានសមាជិកនៃគណៈកម្មការអចិន្រ្តៃយ៍ នៃមហាសន្និបាតគណៈប្រតិភូប្រជាជនទូទាំងប្រទេស (រដ្ឋសភា) ចិន Zhao Leji នាថ្ងៃទី២៧ ខែមីនា ឆ្នាំ២០២៣។រូបថត៖ ទីភ្នាក់ងារសារព័ត៌មានវៀតណាម
លេខាប្រចាំការគណៈលេខាមជ្ឈិមបក្ស លោកស្រី ត្រឿង ធីម៉ាយ (Truong Thi Mai) អញ្ជើញទៅទស្សនាមណ្ឌលកេរដំណែលផ្ទះអនុស្សាវរីយ៍បដិវត្ត Hong nan ទីក្រុង Chonging - ទីកន្លែងលោកប្រធានរដ្ឋ ហូ ជីមិញ ធ្លាប់រស់នៅនិងធ្វើការ (ថ្ងៃទី២៧ ខែមេសា ឆ្នាំ២០២៣)។ រូបថត៖ ទីភ្នាក់ងារសារព័ត៌មានវៀតណាម
រថភ្លើងដំបូងរបស់ចិន ទៅដល់ស្ថានីយ៍រថភ្លើងដុងដាំង (Dong Dang) (ខេត្តឡាងសើន - Lang Son) ព្រឹកថ្ងៃទី ១៤ ខែកុម្ភៈ ឆ្នាំ១៩៩៦ ក្នុងពិធីបើកផ្លូវរថភ្លើងវៀតណាម - ចិនឡើងវិញ នៅច្រកព្រំដែនទាំងពីរ ឡាងសើន (Lang Son) និង ឡាវកាយ (Lao Cai) ក្រោយ ១៧ ឆ្នាំដាច់ដំណើរការ។ រូបថត៖ ទីភ្នាក់ងារសារព័ត៌មានវៀតណាម
កិច្ចពិភាក្សាការងារឆ្នាំ២០២១ រវាងកងទ័ពការពារព្រំដែនខេត្តឡាវកាយ (Lao Cai) (វៀតណាម) និង សាខាក្រុមគ្រប់គ្រងព្រំដែន Honghe ខេត្ត Yunnan (ចិន) ថ្ងៃទី២២ ខែកក្តដា ឆ្នាំ២០២១។ រូបថត៖ ទីភ្នាក់ងារសារព័ត៌មានវៀតណាម បានចុះផ្សាយ
ដើរល្បាតព្រំដែនរួម រវាងកងកម្លាំងព្រំដែនវៀតណាម និង ចិន ចូលរួមបង្កើនសាមគ្គីភាព មិត្តភាព ចូលរួមកសាងព្រំដែនសន្តិភាព សហប្រតិបត្តិការរួមអភិវឌ្ឍ។ រូបថត៖ ទីភ្នាក់ងារសារព័ត៌មានវៀតណាម
ដំណើរល្បាតសហប្រតិបត្តិការ នៅតំបន់សមុទ្រជិតខ្សែបន្ទាត់កំណត់ព្រំដែនឈូងសមុទ្រតុងកឹង រវាងកងឆ្មាំសមុទ្រសមុទ្រវៀតណាម និង ប៉ូលិសសមុទ្រចិនលើកដំបូង - ឆ្នាំ២០២៣ (ថ្ងៃទី១១ - ១៣ ខែមេសា ឆ្នាំ២០២៣) ជាដំណើរល្បាតសហប្រតិបត្តិការលើកទី២៥ រវាងប្រទេសទាំងពីរ ចាប់ពីឆ្នាំ២០០៦ រហូតដល់បច្ចុប្បន្ន។ រូបថត៖ ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភាវៀតណាម ង្វៀន ធីគីមង៉ឹន (Nguyen Thi Kim Ngan) និង លោកអគ្គលេខាធិការបក្ស ប្រធានរដ្ឋចិន Xi Jinping អញ្ជើញចូលរួមពិធីសម្ពោធនិង ប្រគល់វិមានមិត្តភាពវៀតណាម - ចិន និង សម្ពោធបើកមជ្ឈមណ្ឌលវប្បធម៌ចិននៅហាណូយ ថ្ងៃទី១២ ខែវិច្ឆិកា ឆ្នាំ២០១៧។ រូបថត៖ ទីភ្នាក់ងារសារព័ត៌មានវៀតណាម
លោកប្រធានរដ្ឋវៀតណាម ត្រឿង តឹនសាង (Truong Tan Sang) ទទួលជួបមិត្តភក្តិចិន ដែលធ្លាប់ជួយវៀតណាម ក្នុងសង្រ្គាមការពារជាតិ និង កសាងទឹកដី (ប៉េកាំង ថ្ងៃទី២០ ខែមិថុនា ឆ្នាំ២០១៣)។ រូបថត៖ ទីភ្នាក់ងារសារព័ត៌មានវៀតណាម
លោកប្រធានរដ្ឋវៀតណាម ត្រឹន ដាយក្វាង (Tran Dai Quang) ទទួលជួបបញ្ញវន្ត វាគ្មិនចិន និង សមាគមមិត្តភាពចិន - វៀតណាម (ប៉េកាំង ថ្ងៃទី១២ ខែឧសភា ឆ្នាំ២០១៧)។ រូបថត៖ ទីភ្នាក់ងារសារព័ត៌មានវៀតណាម
លោករដ្ឋមន្រ្តីក្រសួងការពារជាតិ ភុង ក្វាងថាញ (Phung Quang Thanh) ទទួលជួបសាច់ញាតិគ្រួសារអតីតអ្នកជំនាញចិន ដែលធ្លាប់ជួយវៀតណាមក្នុងសង្រ្គាមប្រឆាំងបារាំង និង គ្រួសារ “មេទ័ពទ្វេប្រទេស” ង្វៀន សើន (Nguyen Son) (ហាណូយ ថ្ងៃទី២៤ ខែមេសា ឆ្នាំ២០១៤)។ រូបថត៖ ទីភ្នាក់ងារសារព័ត៌មានវៀតណាម
គណៈប្រតិភូយុវជនវៀតណាម - ចិន ចូលរួម “ផ្តិតម្រាមដៃ” សម្តែងសាមគ្គីភាព មិត្តភាព ក្នុងពិធីបុណ្យវប្បធម៌ជនជាតិយុវជន Zhou wenshan ខេត្ត Yunnan (ចិន) ថ្ងៃទី១៣ ខែមិថុនា ឆ្នាំ២០០៤។ រូបថត៖ ទីភ្នាក់ងារសារព័ត៌មានវៀតណាម
- ខ្លឹមសារ៖ កាសែតរូបភាពវៀតណាម/ទីភ្នាក់ងារសារព័ត៌មានវៀតណាម
- រូបថត៖ ទីភ្នាក់ងារសារព័ត៌មានវៀតណាម
- ប្រែសម្រួល៖ រីកើង
