លើកតម្កើងតម្លៃពិធីបុណ្យទានវៀតណាម
ក្នុងបរិយាកាសអ៊ូអរអធិកអធមនៅនាបណ្ដាថ្ងៃខាងដើមនៃនិទាឃរដូវ ពិធីបុណ្យទានប្រពៃណីបានរៀបចំនៅបណ្តោយទឹកដីអក្សរ S នៅគ្រប់ច្រកល្ហក មនុស្សម្នា ផ្ទះសម្បែងអ៊ូអរលេងកម្សាន្តថ្ងៃបុណ្យ ដើម្បីរំលឹកដល់គុណបំណាច នៃអ្នកដែលមានសគុណចំពោះប្រទេសជាតិមាតុភូមិ ព្រមទាំងបួងសួងសូមឱ្យឆ្នាំថ្មីមានភ្លៀងខ្យល់អំណោយផល ដំណាំលូតលាស់ល្អ។ នោះជាលក្ខណៈសម្រស់វប្បធម៌រាប់ពាន់ឆ្នាំ នៃពិធីបុណ្យទានវៀតណាមត្រូវតែបានលើកដម្កើង។
ក្នុងចំណោមកេរដំណែលវប្បធម៌អរូបីទាំង១៥របស់វៀតណាម បានអង្គការអប់រំ វិទ្យាសាស្រ្ត និងវប្បធម៌នៃអង្គការសហប្រជាជន (UNESCO) ដាក់ចូលក្នុងបញ្ជីកេរដំណែលវប្បធម៌អរូបីតំណាងមនុស្សជាតិ ភាគច្រើនត្រូវបានរំលេចក្នុងបណ្ដាពិធីបុណ្យទានប្រពៃណីរបស់វៀតណាម។
ពិធីបុណ្យស្តេចហុង (បុណ្យដារខួបស្ដេចហុង Hung Vuong) បានក្លាយជាចំណុចចេតភាពនៃជនជាតិវៀតណាមម្នាក់ៗ។ ជារៀងរាល់ឆ្នាំ មនុស្សរាប់លាននាក់ធ្វើដំណើរធម្មយាត្រាទៅកាន់ភ្នំពិសិដ្ឋ ងៀលិញ (Nghia Linh) ខេត្តភូថ័រ (Phu Tho) រំលឹកគុណបំណាចបុព្វការីជន ដែលបានលះបង់ជីវិតកសាងប្រទេសជាតិ រក្សាមាតុភូមិ។ គោរពបូជាស្តេចហុង (Hung Vuong) មិនត្រឹមតែជាសកម្មភាពចេតភាព បួងសួងម្ចាស់ទឹកម្ចាស់ដី អ្នកឃុំគ្រងជួយប្រទេសជាតិមានភាពសុខសាន្តភ្លៀងខ្យល់អំណោយផល ទឹកដីសុខសន្តិភាពរុងរឿងប៉ុណ្ណោះទេ នៅទាំងមានន័យជ្រៀលជ្រៅតភ្ជាប់ ពង្រឹងសាមគ្គីភាព ស្រឡាញ់រាប់អាន ជួយគ្នាទៅវិញទៅមក នៃសហគមន៍ជនជាតិវៀតណាមជនរួមប្រភពតែមួយ។
ដើម្បីលើកតម្កើងតម្លៃ និងអត្ថន័យវប្បធម៌នៃពិធីបុណ្យទាន ក្នុងការងារអភិរក្ស អភិវឌ្ឍកេរដំណែលប្រពៃណីវៀតណាម អង្គការ UNESCO នៅទាំងបានទទួលស្គាល់បរិយាកាសវប្បធម៌គងឃ្មោះតីង្វៀន (Tay Nguyen) ពិធីបុណ្យថាញយ៉ុង (Thanh Giong) នៅស្រុកសុកសើន (Soc Son) ហាណូយ និងល្បែងទាញព្រត្រតែងបានរំលេចក្នុងពិធីបុណ្យទាន និងព្រឹត្តិការណ៍ប្រពៃណីដូចជា៖ ចូលឆ្នាំថ្មី ពិធីបុណ្យនៅតាមទីស្ការបូជា បុណ្យភូមិ ប្រមូលផ្តុំនៅតាមទំនាបកណ្តាលនៃតំបន់ភ្នំ វាលទំនាបទន្លេក្រហម និងភាគកណ្តាលនៃភូមិភាគខាងជើង និងទីតាំងមួយចំនួននៅតំបន់ភ្នំភូមិភាគខាងជើង។
ទន្ទឹមនឹងការអភិរក្ស ពង្រីក តម្លៃវប្បធម៌នៃពិធីបុណ្យទានប្រពៃណី មូលដ្ឋានជាច្រើនបានរៀបចំពិធីបុណ្យទាន ដែលមានលក្ខណៈជីវភាពរស់នៅថ្មី ទំនើប ដោយមានការចូលរួមនៃប្រទេសជាច្រើនលើពិភពលោក។
រីឯខេត្តក្វាងង៉ាយ (Quang Ngai) ឆ្នាំកន្លងហើយ បុណ្យសំពះព្រះខែនៅហូយអាន (Hoi An) ទទួលបានកិត្តិនាមជាកេរដំណែលវប្បធម៌អរូបីថ្នាក់ជាតិ។ កិត្តិនាមនេះ កាន់តែអះអាងនូវតម្លៃដែលបុណ្យសំពះព្រះខែបាននាំមកក្នុងជីវភាពរស់នៅនៃប្រជាជន ជាឱកាសដើម្បីតម្លៃវប្បធម៌ប្រពៃណីបានរក្សានិងពង្រីក។ នេះក៏ជាប្រការចាំបាច់ ពីព្រោះហូយអាន (Hoi An) កំពុងក្នុងដំណើរការកសាងសំណុំបែបបទខាងវិស័យសិប្បកម្ម និងសិល្បៈប្រជាប្រិយ ដើម្បីចូលរួមប្រជែងក្នុងបណ្តាញទីក្រុងច្នៃប្រតិដ្ឋសកលលោកនៃអង្គការ UNESCO។
ក្រៅពីនោះ នៅមានពិធីបុណ្យល្បីឈ្មោះជាច្រើននៅពាសពេញប្រទេសដូចជា៖ បុណ្យលិម (Lim) នៅខេត្តបាក់និញ (Bac Ninh) ពិធីបុណ្យត្រាងអាន (Trang An) នៅខេត្តនិញប៊ិញ (Ninh Binh) ពិធីបុណ្យផ្កា Buckwheat នៅខេត្តហាយ៉ាង (Ha Giang) ពិធីបុណ្យចូលឆ្នាំថ្មីនៅខេត្តសុកត្រាំង (Soc Trang) ពិធីប្រណាំងគោភ្នំប្រាំពីរ នៅខេត្តអានយ៉ាង (An Giang) ។ល។ មូលដ្ឋាននីមួយៗកំពុងលើកកម្ពស់ការយល់ដឹង និង សមត្ថភាពនៃសហគមន៍ ម្ចាស់វប្បធម៌ ដើម្បីរក្សា ពង្រីកតម្លៃធំធេង និងពិសេសនៃពិធីបុណ្យវៀតណាម បង្កើតកម្លាំងពង្រាយទូលំទូលាយជូនសហគមន៍ក្នុងស្រុក និង អន្តរជាតិ៕
អត្ថបទ៖ កាសែតរូបភាពវៀតណាម
រូបថត៖ ទីភ្នាក់ងារសារព័ត៌មានវៀតណាម
បច្ចេកទេស ក្រាហ្វីក៖ ត្រាងញុង
ប្រែសម្រួល៖ រីកើង