• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

បើកសន្និបាតលើកទី១៣គណៈកម្មាធិការមជ្ឈឹមបក្សកុម្មុយនិស្តវៀតណាមនីតិកាលទី១២


លោកអគ្គលេខាបក្ស ប្រធានរដ្ឋ Nguyen Phu Trong អញ្ជើញថ្លែងមតិបើកសន្និបាត។ (រូបថត៖ TTXVN)
 

នាព្រឹកថ្ងៃទី៥ ខែតុលា ឆ្នាំ២០២០ សន្និបាតលើកទី១៣គណៈកម្មាធិការមជ្ឈឹមបក្ស កុម្មុយនិស្តវៀតណាមនីតិកាលទី១២បានប្រារព្ធធ្វើឡើងនៅរដ្ឋធានី ហាណូយ ក្រោមអធិបតីភាពរបស់លោកអគ្គលេខាបក្ស ប្រធានរដ្ឋ Nguyen Phu Trong។

អញ្ជើញថ្លែងមតិបើកសន្និបាត លោកអគ្គលេខាបក្ស ប្រធានរដ្ឋ Nguyen Phu Trong បានស្នើឲ្យមជ្ឈឹមធ្វើការស្រាវជ្រាវ ពិភាក្សា វាយតម្លៃ ដោយសត្យានុម័តនិងគ្រប់ជ្រុងជ្រោយចំពោះស្ថានភាពសេដ្ឋកិច្ចសង្គមចាប់តាំងពីដើមឆ្នាំមក ហើយព្យាករណ៍លទ្ធផលទូទាំងឆ្នាំ២០២០ ព្រមទាំង ចង្អុលបង្ហាញយ៉ាងច្បាស់លាស់នូវលទ្ធផល ស្នាដៃដែលទទួលបាន ក៏ដូចជារាល់ កំហិត ចំណុចអន់ខ្សោយដែលនៅសេសសល់ មូលហេតុនិងមេរៀនបទ ពិសោធន៍ផងដែរ។ លោកអគ្គលេខាបក្ស ប្រធានរដ្ឋ Nguyen Phu Trong បានក្រើនរំលឹកថា ត្រូវការស្រាវជ្រាវ វិភាគឲ្យបានហ្មត់ចត់ ព្យាករណ៍ដោយ ផ្អែកលើមូលដ្ឋានវិទ្យាសាស្ត្រអំពីស្ថានភាពក្នុងរយៈពេលប៉ុន្មានខែចុងឆ្នាំ២០២០ និង ឆ្នាំ២០២១ ឆ្នាំ២០២២ វាយតម្លៃឲ្យបានត្រឹមត្រូវចំពោះលទ្ធផលនៃការអនុវត្ត ភារកិច្ច គោលដៅសំខាន់ៗក្នុងឆ្នាំ២០២០ លទ្ធផលអនុវត្តផែនការអភិវឌ្ឍ សេដ្ឋកិច្ចសង្គម៥ឆ្នាំដំណាក់កាល២០១៦-២០២០។ ពីនោះ ដាក់ចេញ គោលដៅ ភារកិច្ចនិងដំណោះស្រាយសំខាន់ៗក្នុងការអភិវឌ្ឍសេដ្ឋកិច្ច សង្គមឆ្នាំ២០២១ និងឆ្នាំក្រោយៗទៀតដោយ ព្យាករណ៍ករណីនានាដើម្បីត្រៀមវិធានការឆ្លើយតប រួមទាំងករណីអាក្រក់បំផុតផងដែរ។ លោកអគ្គលេខាបក្ស ប្រធានរដ្ឋ Nguyen Phu Trong បានសង្កត់ធ្ងន់ថា៖

“ផ្ដោតសំខាន់ទៅលើការវិភាគយ៉ាងជ្រាលជ្រៅ វាយតម្លៃយ៉ាងត្រឹមត្រូវ ចំពោះផលប៉ះពាល់អវិជ្ជមានដែលបណ្ដាលមកពីជម្ងឺរាតត្បាត Covid-19 ការធ្លាក់ចុះនៃសេដ្ឋកិច្ចសកលនិងការប្រែប្រួលធំៗនៃទីផ្សារពិភពលោកទៅលើការអនុវត្តគោលដៅ ភារកិច្ចក្នុងផែនការអភិវឌ្ឍសេដ្ឋកិច្ចសង្គមរបស់ ប្រទេសយើង។ ទន្ទឹមនឹងនោះ ធានាសកម្មភាពផលិតកម្ម អាជីវកម្ម បង្កើត ការងារធ្វើនិងប្រភពចំណូលសម្រាប់ពលករ ធានាសន្តិសុខសង្គម សុខុ មាលភាពសង្គម ស្ដារសន្ទុះកំណើនឡើងវិញជាជំហានៗ ធានាស្ថិរភាព ម៉ាក្រូសេដ្ឋកិច្ច លើកកំពស់គុណភាពកំណើននិងលក្ខណៈចីរភាពក្នុងការ អភិវឌ្ឍសេដ្ឋកិច្ចសង្គម ធានាសន្តិសុខការពារជាតិ សណ្ដាប់ធ្នាប់ សុវត្ថិភាព សង្គម រក្សារឹងមាំនូវស្ថិរភាពនយោបាយ បរិយាកាសសុខសន្តិភាពនិងងាយ ស្រួលដើម្បីកសាងនិងការពារមាតុប្រទេសផងដែរ”។

យោងតាមរបៀបវារៈ សន្និបាតលើកនេះនឹងពិភាក្សាអំពី៖ ស្ថានភាព សេដ្ឋកិច្ចសង្គមឆ្នាំ២០២០ ផែនការអភិវឌ្ឍសេដ្ឋកិច្ចសង្គមឆ្នាំ២០២១ បន្ត សុក្រិតសេចក្ដីព្រាងឯកសារដាក់ជូនមហាសន្និបាតលើកទី១៣របស់បក្ស ការងារកម្មាភិបាលនៃគណៈកម្មាធិការមជ្ឈឹមបក្សនីតិកាលទី១៣ ព្រមទាំង ខ្លឹមសារសំខាន់ផ្សេងៗទៀត។ សន្និបាតនឹងបិទបញ្ចប់នាថ្ងៃទី១០ តុលា ឆ្នាំ២០២០៕

តាម VOV5 - វិទ្យុសំឡេងវៀតណាម

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាព្រឹកថ្ងៃទី ១៣ កក្កដា នៅទីក្រុង Can Tho នាយករដ្ឋមន្ត្រី លោក ហ្វាម មិញ ជិញ បានអញ្ជើញជួបធ្វើការជាមួយថ្នាក់ដឹកនាំខេត្ត ក្រុង នៅតំបន់ដីសណ្ដទន្លេ Cuu Long ស្តីពីស្ថានភាពនិងលទ្ធផល នៃការអនុវត្តសេចក្តីសម្រេចចិត្ត របស់គណៈកម្មាធិការមជ្ឈិម ការិយាល័យនយោបាយ និងលេខាធិការដ្ឋាន ស្តីពីការកសាង ការរៀបចំ និងប្រតិបត្តិការរបស់អាជ្ញាធរមូលដ្ឋានពីរកម្រិត; វឌ្ឍនភាពនៃគម្រោងផ្លូវល្បឿនលឿន គម្រោងហេដ្ឋារចនាសម្ព័ន្ធសំខាន់ៗ ក្នុងតំបន់និងលទ្ធផលនៃការអនុវត្តគម្រោងអភិវឌ្ឍន៍ប្រកបដោយចីរភាពលើផ្ទៃដី ១ លានហិកតា ស្រូវឯកទេសដែលមានគុណភាពខ្ពស់ បញ្ចេញឧស្ម័នទាបភ្ជាប់នឹងកំណើនបៃតង និងនិរន្តរភាពនៅតំបន់ដីសណ្តទន្លេ Cuu Long។

Top