សន្និសីទនេះត្រូវបានរៀបចំ ដើម្បីទាក់ទាញកម្លាំងនិងប្រាជ្ញាដ៏ថ្លៃថ្លារបស់អាណិកជន រួមចំណែកក្នុងការអនុវត្តន៍គោលដៅការកសាងទីក្រុងហូជីមិញ ពង្រឹងតួនាទីជាចលករក្នុងដំណើរការឧស្សាហូបនីយកម្ម ទំនើបនីយកម្មប្រទេសជាតិ ឆាប់រហ័សក្លាយទៅជាមជ្ឈមណ្ឌលធំអំពីសេដ្ឋកិច្ច ហិរញ្ញវត្ថុ ពាណិជ្ជកម្ម វិទ្យាសាស្ត្រ - បច្ចេកវិទ្យាក្នុងតំបន់អាស៊ីអាគ្នេយ៍។
នេះគឺសន្និសីទធំជាលើកដំបូង ដែលរៀបចំដោយឡែកសំរាប់ទីក្រុងហូជិមិញ បានបង្ហាញបំណងប្រាថ្នាមិនត្រឹមតែទីក្រុងហូជីមិញតែប៉ុណ្ណោះ ថែមទាំងជាបំណងប្រាថ្នារបស់ប្រទេសជាតិទាំងមូលដែរសំដៅទីក្រុងហូជីមិញឈានមុខគេក្នុងដំណើរការបើកទ្វារនិងសមាហរណកម្មអន្តរជាតិ។
តាមបណ្ឌិត ផានប៊ិចធៀន (Phan Bich Thien) អាណិកជនវៀតណាមរស់នៅប្រទេសហុងគ្រី សមាជិកនៃគណៈមជ្ឈិមរណសិរ្សមាតុភូមិវៀតណាម ក្នុងអាណិកជនវៀតណាមចំនួន ៤៥ លាននាក់ មានអ្នកជំនាញ បញ្ញាជនជាច្រើននាក់។ ដូច្នេះ ទីក្រុងហូជីមិញនិងបណ្តាក្រសួង ផ្នែក ដែលត្រូវកសាងបានបណ្តាទំនាក់ទំនងជាមួយអាណិកជនវៀតណាមរស់នៅបរទេស ជាពិសេសគឺបណ្តាបញ្ហាក្តៅគគុករបស់ទីក្រុងនិងប្រទេសជាតិដូចជាបរិស្ថាន វិទ្យាសាស្ត្របច្ចេកវិទ្យា។
សន្និសីទអាណិកជនវៀតណាមលើទូទាំងពិភពលោក នាឆ្នាំ២០១៦ បានប្រព្រឹត្តទៅនៅទីក្រុងហូជីមិញ
ដែលទាក់ទាញអាណិកជនចំនួន ៥០០ នាក់ មកពី ៣៤ ប្រទេសនិងតំបន់ផ្សេងៗ លើទូទាំងពិភពលោក
បានអញ្ជើញចូលរួមក្នុងសន្និសីទនេះ។ រូបថត៖ ថេអាញ /ទីភ្នាក់ងារសារព័ត៌មានវៀតណាម
តំណាងឲ្យអាណិកជនវៀតណាមរស់នៅទ្វីបទាំង ៥ ជូនផ្កាដល់លោកនាយករដ្ឋមន្ត្រី ង្វៀនស្វឹនភូក។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកឧបនាយករដ្ឋមន្ត្រីនិងរដ្ឋមន្ត្រីក្រសួងការបរទេស ផាមប៊ិញមិញ អញ្ជើញចូលរួមក្នុងពិធីបើកសន្និសីទនេះ។
រូបថត៖ ថេអាញ /ទីភ្នាក់ងារសារព័ត៌មានវៀតណាម
សាស្ត្រាចារ្យ Carolina គីមទ្រីញ (Kieu Chinh) អាណិកជនវៀតណាមរស់នៅប្រទេសអាមេរិក អ្នកស្រាវជ្រាវអំពីវ
ប្បធម៌ខាងកើតនិងបង្រៀនអំពីវប្បធម៌វៀតណាមនៅមហាវិទ្យាល័យជាច្រើននៅសហរដ្ឋអាមេរិក
បានថ្លែងសន្ទរកថាក្នុងពិធីបើកសន្និសីទនេះ។ រូបថត៖ ថេអាញ /ទីភ្នាក់ងារសារព័ត៌មានវៀតណាម
លោកប្រធានគណៈកម្មាធិការប្រជាជនទីក្រុងហូជីមិញ ង្វៀនថាញ់ផុង (លេខ ៥ ពីខាងស្តាំ) ថតរូបទុកជាអនុស្សាវរីយ៍
ជាមួយបណ្តាតំណាងដែលអញ្ជើញចូលរួមក្នុងសន្និសីទ។ រូបថត៖ ថេអាញ /ទីភ្នាក់ងារសារព័ត៌មានវៀតណាម
ថ្លែងសន្ទរកថាចំពោះមុខអ្នកជំនាញ បញ្ញាជនជាអាណិកជនវៀតណាម អញ្ជើញចូលរួមក្នុងសន្និសីតនេះ លោកនាយករដ្ឋមន្ត្រី ង្វៀនស្វឹនភូក បានវាយតំលៃខ្ពស់បណ្តាយោបល់ សន្ទរកថារបស់អ្នកតំណាង។ លោកនាយករដ្ឋមន្ត្រី ង្វៀនស្វឹនភូក បានរំភើបចិត្តនិងទទួលបានភាពកក់ក្តៅ នៅពេលដែលលោកបានជួបនិងនិយាយសំណេះសំណាលជាមួយបងប្អូនអាណិកជនវៀតណាមអញ្ជើញចួលរួមក្នុងសន្និសីទនេះ ប្រជាជនវៀតណាម ទោះបីរស់នៅបរទេសក៏ដោយ ប៉ុន្តែបេះដូងគេស្រឡាញ់ប្រទេសជាតិ ស្រុកកំណើតជានិច្ចកាល។
លោកនាយករដ្ឋមន្ត្រីបានចាត់ទុកថា៖ វត្តមានរបស់អាណិកជននៅទីក្រុងហូជីមិញ - មជ្ឈមណ្ឌលមានសក្កានុពលសេដ្ឋកិច្ចឈានមុខគេបំផុតនៅប្រទេសវៀតណាម ដែលបញ្ជាក់ប្រការដ៏ស័ក្តិសិទ្ធិនេះមានន័យថា៖ សក្តានុពល និងប្រភពអភិវឌ្ឍន៍របស់ប្រទេសជាតិមិនមែនកំរិតក្នុងភូមិសាស្ត្រ មានរៀងជាអក្សរ S ដែលមានទំហំផ្ទៃដីប្រមាណ ៣៣០.០០០ គីឡូម៉ែត្រការ៉េតែប៉ុណ្ណោះទេ ថែមទាំងមានការលេចចេញនៅលើទូទាំងពិភព លោក។
លោកនាយករដ្ឋមន្ត្រីបានអះអាងថា៖ ប្រទេសជាតិទទួលស្វាគមន៍ជានិច្ចអាណិកជនត្រឡប់មកស្រុកកំណើតវិញ យកទឹកចិត្ត បំណងប្រាថ្នា គំនិត កម្លាំង ដើម្បីរួមចំណែកក្នុងបុព្វហេតុកសាង ការពារមាតុភូមិ។
"យើងខ្ញុំមោទនភាពនូវប្រជាជនវៀតណាមគឺអ្នកជំនាញនិង បញ្ញាជនមានចំណេះដឹងខ្ពស់ធ្វើការនៅបណ្តាប្រទេសអភិវឌ្ឍន៍ មានលក្ខណៈធ្វើការកៀកជាប់យ៉ាងឆាប់រហ័សបំផុតនិងងាយស្រួលបំផុតនិងបច្ចេកវិទ្យាជឿនលឿនលើពិភពលោក នេះគឺជាឱកាសល្អ ដើម្បីរួមចំណែកជួយប្រទេសជាតិបោះជំហានកាន់តែឆាប់រហ័សជាងលើផ្លូវអភិវឌ្ឍន៍។ យើងខ្ញុំសប្បាយរីករាយដោយសារបណ្តាសហគ្រាស សហគ្រិនអាណិកជនរីកចម្រើនមិនត្រឹមតែរួមចំណែកក្នុងការកសាងមាតុភូមិតែប៉ុណ្ណោះទេ ថែមទាំងផ្គត់ផ្គង់ទំនិញ ពាណិជ្ជៈសញ្ញាវៀតណាមទៅកាន់ពិភពលោក។ បងប្អូនអាណិកជនវៀតណាមគឺជាបេសកជនឃោសនា ពង្រឹកវប្បធម៌ អត្តសញ្ញាណជនជាតិវៀតណាមនិងគឺស្ពានក្នុងការបង្កើនទំនាក់ទំនងមិត្តភាពរវាងវៀតណាមនិងបណ្តាប្រទេស។”" លោកនាយករដ្ឋមន្ត្រីបានសង្កត់ធ្ងន់។
លោកនាយករដ្ឋមន្ត្រី ង្វៀនស្វឹនភូក ជួបសំណេះសំណាលជាមួយ អ្នកជំនាញ បញ្ញាជននិងសហគ្រិនគំរូវៀតណាម
នៅបរទេសដែលអញ្ជើញចួលរួមក្នុងសន្និសីទអាណិកជនវៀតណាមរស់នៅបរទេសលើទូទាំងពិភពលោក
នាឆ្នាំ២០១៦។ រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេស ផាមប៊ិញមិញនិងតំណាងឲ្យអាណិកជនដែលអញ្ជើញ
ចូលរួមក្នុងសន្និសីទ។ រូបថត៖ ថេអាញ /ទីភ្នាក់ងារសារព័ត៌មានវៀតណាម
រាត្រីសម្តែងសិល្បៈពិសេស ដើម្បីទទួលស្វាគមន៍តំណាងឲ្យអាណិកជនវៀតណាម ដែលអញ្ជើញចូលរួម
ក្នុងសន្និសីទនេះ។ រូបថត៖ថេអាញ /ទីភ្នាក់ងារសារព័ត៌មានវៀតណាម
នាយករដ្ឋមន្ត្រីបានវាយតំលៃខ្ពស់ចំពោះការងារឃោសនាអាណិកជនវៀតណាមរស់នៅបរទេសរួមចំណែកក្នុងការកសាងប្រទេសជាតិក្នុងខណៈពេលកន្លងមកនេះ ទទួលបានលទ្ធផលល្អប្រសើរសំរាប់សហគ្រាសរបស់អណិកជនវៀតណាមជាច្រើនដែលសហការយ៉ាងសកម្មជាមួយសហគ្រាសក្នុងស្រុក ដើម្បីយកទំនិញនិងសេវាកម្មរបស់វៀតណាមទៅកាន់ទីផ្សារបរទេស ព្រមទាំងវិនិយោគ បង្កើតសហគ្រាសជាច្រើនក្នុងស្រុកសំដៅផលិតកម្មនិងលក់ដូរក្នុងទីផ្សារស្រុក។ បញ្ញាជនជាច្រើននាក់បានចូលរួមក្នុងការស្រាវជ្រាវ អនុវត្តន៍វិទ្យាសាស្ត្រ បច្ចេកវិទ្យា អប់រំ បណ្តុះបណ្តាល អនុវត្តន៍បណ្តាគម្រោងមនុស្សធម៌ -សង្គមក្នុងស្រុក...
លោកនាយករដ្ឋមន្ត្រីបានអះអាង ប្តេជ្ញាចិត្តផ្លាស់ប្តូរថ្មី កសាងរដ្ឋាភិបាលក្លាយទៅជារដ្ឋាភិបាលមានគំនិតផ្តួចផ្តើម សកម្មភាព ប្រមូលផ្តុំក្នុងការសម្រេចបទបញ្ញត្តិ ដោះស្រាយការរារាំង បំរើប្រជាជននិងសហគ្រាស។
ដើម្បីអនុវត្តន៍បណ្តាគោលដៅរបស់ប្រទេសជាតិនិយាយរួមនិងទីក្រុងហូជីមិញនិយាយដោយឡែក លោកនាយករដ្ឋមន្ត្រីបានអះអាងថា ត្រូវពង្រឹងកម្លាំងនៃមហាសាមគ្គីភាពរបស់ជនជាតិវៀតណាមទាំងឡាយ រួមមានសហគមន៍អាណិកជនវៀតណាមរស់នៅបរទេសចំនួន ៤,៥ លាននាក់។
ឈរលើស្មារតីនេះ លោកនាយករដ្ឋមន្ត្រីបានអំពាវនាវអាណិកជនវៀតណាមរស់នៅបរទេស តាមលទ្ធភាពនិងលក្ខណៈរបស់ខ្លួន រួមកម្លាំងក្នុងការកសាងទីក្រុងហូជីមិញ អារ្យធម៌ ទំនើបនិងមនោសញ្ចេតនា។
"អាណិកជនវៀតណាម ទោះបីរស់ក្នុងរស់ក្នុងស្ថានភាពខុសគ្នា ឬនរណាអាចមានគំនិតខុសគ្នាអំពីប្រទេសជាតិក៏ដោយ ប៉ុន្តែខ្ញុំជឿជាក់ថា ក្នុងដួងចិត្តរបស់អាណិកជនទាំងឡាយសុទ្ធតែមានបេះដូងកក់ក្តៅពោរពេញដោយក្តីស្រឡាញ់ស្រុកកំណើត ប្រទេសជាតិ ទីកន្លែងដែល ‘ស្រុកកណើតម្នាក់ៗ មានតែមួយគត់’។ ដោយក្តីមោទនភាពគឺជាកូនឡាក (Lac) ចៅហុង (Hong) យើងរួបកម្លាំង រួមកាយចិត្តសំដៅកសាងប្រទេសវៀតណាមកាន់តែអភិវឌ្ឍន៍ ដើម្បីទន្ទឹមនឹងមិត្តភ័ក្តិលើទូទាំង ៥ ទ្វីប ដូចលោកប្រធានហូជីមិញបានបំណងប្រាថ្នា។" |
ទីភ្នាក់ងារសារព័ត៌មានវៀតណាម /កាសែតរូបភាពវៀតណាម