ក្នុងបណ្តាជំនួបនិងកិច្ចពិភាក្សាការងារ ថ្នាក់ដឹកនាំនៃប្រទេសទាំងពីរបានឯកភាព៖ ការពង្រឹងនិងអភិវឌ្ឍន៍ទំនាក់ទំនងមិត្តភាព កិច្ចសហប្រតិបត្តិការរវាងវៀតណាម -កម្ពុជាមានអត្ថន័យសំខាន់ ចំពោះប្រទេសទាំងពីរ សន្យាបន្តការពង្រឹងនិងអភិវឌ្ឍន៍ទំនាក់ទំនងនៃប្រទេសទាំងពីរតាមទិសស្លោក៖ “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថេរភាពយូរអង្វែង ” គោរពឯករាជ្យ អធិបតេយ្យភាពនិងបូរណភាពទឹកដីទៅវិញទៅមក មិនជ្រៀតជ្រែកកិច្ចការផ្ទៃក្នុង មិនអនុញ្ញត្តិឲ្យកម្លាំងអមិត្រណាមួយប្រើប្រាស់ទឹកដីរបស់ខ្លួន ដើម្បីគំរាមកំហែងសន្តិសុខប្រទេសមួយទៀត ដោះស្រាយបណ្តាបញ្ហាកើតឡើងរវាងប្រទេសទាំងពីរតាមរយៈសន្តិភាព។
ពិធីទទួលស្វាគមន៍សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា បានរៀបចំយ៉ាងមហោឡារិក
នៅវិមានប្រធានរដ្ឋ។ រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភូក បានជួបសវនាការជាមួយ សម្តេចតេជោ ហ៊ុនសែន នាយករដ្ឋមន្ត្រី
នៃព្រះរាជាណាចក្រកម្ពុជានៅវិមានរដ្ឋាភិបាល។ រូបថត៖ ថុងញ៉ឹត/ ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភូក បានជួបពិភាក្សាការងារជាមួយ សម្តេចតេជោ ហ៊ុនសែន
នាយករដ្ឋមន្ត្រីនៃព្រះ រាជាណាចក្រកម្ពុជានៅវិមានរដ្ឋាភិបាល។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
នាយករដ្ឋមន្ត្រីនៃប្រទេសទាំងពីរអញ្ជើញធ្វើជាសាក្សីក្នុងពិធីចុះហត្ថលេខាលើឯកសារសំខាន់ៗ មួយចំនួន។
រូបថត៖ ថុងញ៉ឹត /ទីភ្នាក់ងារសារព័ត៌មានវៀតណាម
អំពីបញ្ហាព្រំដែន ភាគីទាំងពីរបានគោរពនិងអនុវត្តន៍យ៉ាងពេញលេញនូវបណ្តាសន្ធិសញ្ញាកំណត់ព្រំដែននិងបណ្តាកិច្ចព្រមព្រៀងពាក់ព័ន្ធអំពីបញ្ហាព្រំដែន ដែលបានចុះហត្ថលេខារវាងរដ្ឋាភិបាលទាំងពីរ។ ភាគីទាំងពីរបានកោតសរសើរយ៉ាងជ្រាលជ្រៅចំពោះកិច្ចខិតខំប្រឹងប្រែងរបស់គណៈកម្មាការចម្រុះខណ្ឌសីមាព្រំដែនគោក ដែលបានសម្រេចបានជាង ៨៣% នៃការងារខណ្ឌសីមានិងបោះបង្គោលព្រំដែនគោកក្នុងរយៈពេលកន្លងមក។
ដោយឈរលើមូលដ្ឋាននៃសន្ធិសញ្ញាកំណត់ព្រំដែនរវាងប្រទេសទាំងពីរ។ ភាគីទាំងពីរបានប្តេជ្ញាចិត្តនឹងស្វែងរកដំណោះស្រាយជាស្ថាពរនូវកំណត់ខ្សែព្រំដែន ដែលនៅសេសសល់ ដើម្បីបញ្ចប់ការខណ្ឌសីមានិងបោះបង្គោលព្រំដែនគោកឲ្យបានឆាប់រហ័ស និងបញ្ចប់ឯកសារខណ្ឌសីមាពាក់ព័ន្ធឲ្យបានឆាប់តាមដែលអាចធ្វើបាន ដើម្បីកសាងបន្ទាត់ព្រំដែននៃសន្តិភាព ស្ថិរភាព មិត្តភាព កិច្ចសហប្រតិបត្តិការ និង អភិវឌ្ឍន៍ប្រកបដោយចីរភាព
ដោយឈរលើស្មារតីភាពជិតខាងដ៏ល្អប្រសើររវាងប្រទេសទាំងពីរ ថ្នាក់ដឹកនាំវៀតណាមសង្ឃឹមថា កម្ពុជាបន្តចាត់វិធានការសមស្របក្នុងការធានាសិទ្ធិស្របតាមច្បាប់របស់អាណិកជនវៀតណាម នៅកម្ពុជា ដែលត្រូវបានប្រព្រឹត្តដោយស្មើភាព ដូចជនបរទេសដទៃទៀតដែលរស់នៅកម្ពុជាស្របតាមច្បាប់និងលិខិតបទដ្ឋានរបស់ប្រទេសកម្ពុជា ដែលនឹងរួមចំណែកដល់ការពង្រឹងនិងបង្កើនទំនាក់ទំនងមិត្តភាពជាប្រពៃណីរវាងប្រជាជននៃប្រទេសទាំងពីរ។
លោកអគ្គលេខាបក្ស ង្វៀនភូត្រុង ជួបសវនាការជាមួយ សម្តេចតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា។ រូបថត៖ ទ្រីយុង/ទីភ្នាក់ងារសារព័ត៌មានវៀតណាម
លោកប្រធានរដ្ឋ ត្រឹនដាយក្វាង ជួបសវនាការជាមួយ សម្តេចតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជា។ រូបថត៖ ញ៉ានសាង /ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន ជួបសវនាការជាមួយ សម្តេចតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា។ រូបថត៖ ត្រុងឌឹក /ទីភ្នាក់ងារសារព័ត៌មានវៀតណាម
ក្នុងបរិបទស្ថានភាព អន្តរជាតិ និងក្នុងតំបន់មាននិន្នាការកាន់តែស្មុគស្មាញកើតឡើងដូចបច្ចប្បន្ននេះ ភាគីទាំងពីរបានឯកភាពបង្កើនការសហការ ចែករំលែកព័ត៌មាន និងការគាំទ្រគ្នាទៅវិញទៅមកក្នុងវេទិកាពហុភាគី ជាពិសេសក្នុងតំបន់ ASEAN។ ភាគីទាំងពីរបានសង្កត់ធ្ងន់នូវតួនាទីសំខាន់ៗ ក្នុងការថែរក្សាសន្តិភាព ស្ថិរភាព និងសន្តិសុខនៅសមុទ្រខាងកើត ដោះស្រាយជម្លោះនានាដោយសន្តិវិធី ការអត់ធ្មត់ ការជៀសវាងការគំរាមកំហែងនិងការប្រើប្រាស់កម្លាំង ស្របតាមគោលការណ៍ដែលទទួលស្គាល់ជាសកល រួមមាន អនុសញ្ញារបស់អង្គការសហប្រជាជាតិស្តីពីច្បាប់សមុទ្រ ឆ្នាំ ១៩៨២ (UNCLOS)។ ភាគីទាំងពីរបានប្តេជ្ញាប្រឹងប្រែងរួមគ្នាក្នុងការអនុវត្តន៍យ៉ាងពេញលេញនិងមានប្រសិទ្ធិភាពនូវសេចក្តីប្រកាសអំពីការប្រព្រឹត្តិរបស់ភាគីនានានៅសមុទ្រខាងកើត (DOC) និងការបញ្ចប់ឲ្យបានឆាប់រហ័សក្រមសិលធម៌អំពីការប្រព្រឹត្តិរបស់ភាគីនានានៅសមុទ្រខាងកើត (COC)។
ភាគីទាំងពីរក៏បានសន្យាផងដែរថា និងបន្តធ្វើការយ៉ាងជិតស្និទ្ធជាមួយគ្នា និងជាមួយសមាជិកផ្សេងៗ ទៀតក្នុងគណៈកម្មការទន្លេមេគង្គ កិច្ចសហប្រតិបត្តិការមេគង្គ -ឡានឆាង និងក្របខ័ណ្ឌកិច្ចសហប្រតិបត្តិការមេគង្គផ្សេងៗទៀតសំដៅធានាការគ្រប់គ្រងនិងការប្រើប្រាស់ធនធានទឹកក្នុងអាងទន្លេមេគង្គប្រកបដោយចីរភាព ស្របទៅតាមការអនុវត្តន៍ជាអន្តរជាតិ ក៏ដូចជាការធ្វើសុខដុមនិយកម្មនៃផលប្រយោជន៍របស់បណ្តាប្រទេសជាប់ដងទន្លេមេគង្គ ក្នុងគោលដៅអភិវឌ្ឍន៍ប្រកបដោយចីរភាពក្នុងតំបន់។
ក្នុងឱកាសនេះ ភាគីទាំងពីរក៏បានឯកភាពផងដែរថា សហការជាមួយគ្នា ដើម្បីរៀបចំបណ្តាសកម្មភាពរំលឹកខួបអនុស្សាវរីយ៍ ៥០ ឆ្នាំនៃថ្ងៃបង្កើតទំនាក់ទំនងការទូតវៀតណាម -កម្ពុជា (ថ្ងៃទី ២៤ ខែមិថុនា ឆ្នាំ១៩៦៧ -ថ្ងៃទី ២៤ ខែមិថុនា ឆ្នាំ២០១៧) ចុះហត្ថលេខាលើឯកសារនូវកិច្ចសហប្រតិបត្តិការសំខាន់ៗមួយចំនួន និងឯកភាពដឹកនាំបញ្ជាបណ្តាក្រសួង ផ្នែកពាក់ព័ន្ធ ដែលសហការជាមួយគ្នា ដើម្បីបង្កើនតំលៃពាណិជ្ជកម្មទ្វេភាគីឡើងដល់ ៥ ពាន់លានដុល្លារអាមេរិកក្នុងបណ្តាឆ្នាំឆាប់ៗ នេះ។
សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញបំពាក់កម្រងផ្កា
និងគោរពវិញ្ញាណក្ខន្ធលោកប្រធានហូជីមិញ។ រូបថត៖ ផាមគៀន /ទីភ្នាក់ងារសារព័ត៌មានវៀតណាម
នាយករដ្ឋមន្ត្រីនៃព្រះរាជាណាចក្រកម្ពុជា។
រូបថត៖ ផាមគៀន /ទីភ្នាក់ងារសារព័ត៌មានវៀតណាម
សម្តេចតេជោ ហ៊ុនសែន ជួប ឧត្តមសេនីយ៍ឯក ផាមវ៉ាន់ត្រា-អតីតរដ្ឋមន្ត្រីនៃក្រសួងការពារជាតិវៀតណាម
និងបណ្តាយុទ្ធជនស្ម័គ្រចិត្តវៀតណាម ដែលបំពេញភារកិច្ចអន្តរជាតិនៅប្រទេសកម្ពុជាក្នុងបណ្តាសម័យកាល។
រូបថត៖ ថាញ់វូ/ទីភ្នាក់ងារសារព័ត៌មានវៀតណាម
សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញមកទស្សនានៅកេរ្តិ៍ដំណែលប្រវត្តិសាស្ត្រ
ក្រុម ១២៥ នៅភូមិឡុងយ៉ាវ ស្រុក ខេត្តដុងណាយ។ ក្រុម ១២៥មានប្រភពដើមគឺកងកម្លាំងប្រដាប់អាវុធ
សាមគ្គីសង្គ្រោះជាតិកម្ពុជា ។ រូបថត៖ ស៊ីទៀន /ទីភ្នាក់ងារសារព័ត៌មានវៀតណាម
សម្តេចតេជោ ហ៊ុនសែន អញ្ជើញអូជធួបនិងគោរពវិញ្ញាណក្ខនវិរៈយុទ្ធជនកម្ពុជា ៤៩ នាក់
នៅបូជនីយដ្ឋានយុទ្ឋជនពលី ដែលស្ថិតក្នុងកេរ្តិ៍ដំណែលប្រវត្តិសាស្តរក្រុម ១២៥
នៅភូមិឡុងយ៉ាវ ស្រុកកឹមមី ខេត្តដុងណាយ។
រូបថត៖ ស៊ីទៀន /ទីភ្នាក់ងារសារព័ត៌មានវៀតណាម
ទីភ្នាក់ងារសារព័ត៌មានវៀតណាម/ កាសែតរូបភាពវៀតណាម
