ທ່ານນາຍົກລັດຖະມົນຕີ ຫງວຽນຊວນຟຸກ ທີ່ການເຮັດວຽກ 

      ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາວ່າ: ກຸ່ມບໍລິສັດນ້ຳມັນອາຍແກັດແຫ່ງຊາດ ຫວຽດນາມ ໄດ້ປະກອບສ່ວນຫຼາຍດ້ານໃຫ້ແກ່ປະເທດຊາດ, ພິເສດແມ່ນສະແດງໃຫ້ເຫັນອະທິປະໄຕແຫ່ງຊາດ ຫວຽດນາມ ແລະ ມອບພັນທະເຂົ້າງົບປະມານແຫ່ງລັດໃນຫຼາຍປີບັນລຸຜົນງານທີ່ດີ.
        ບົນພື້ນຖານບັນດາໝາກຜົນທີ່ບັນລຸໄດ້ໃນ 7 ເດືອນຕົ້ນປີ, ທ່ານນາຍົກລັດຖະມົນຕີ ໄດ້ສະເໜີໃຫ້ ກຸ່ມບໍລິສັດນ້ຳມັນອາຍແກັດແຫ່ງຊາດ ໃນໄລຍະຈະມາເຖິງສຸມໃສ່ສ້າງໂຄງປະກອບຄືນໃໝ່, ຈັດຕັ້ງການຜະລິດຄືນໃໝ່, ສຸມໃສ່ບາງວຽກງານສຳຄັນ, ພິເສດແມ່ນການສ້າງຖັນແຖວພະນັກງານ. , ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ:
        “ຈຸດໝາຍຂອງລັດຖະບານ ແມ່ນສ້າງ ກຸ່ມບໍລິສັດນ້ຳມັນອາຍແກັດແຫ່ງຊາດ ຫວຽດນາມ ພັດທະນາໝັ້ນຄົງ, ສືບຕໍ່ປະກອບສ່ວນເຂົ້າໃນການພັດທະນາຂອງປະເທດຊາດໃນຫຼາຍທົດສະວັດຈະມາເຖິງ. ດັ່ງນັ້ນ, ເລື່ອງສ້າງໂຄງປະກອບຄືນໃໝ່, ຈັດຕັ້ງການຜະລິດຄືນໃໝ່, ຄຸ້ມຄອງບັນດາທິດທາງໃຫ້ດີກ່ວາອີກ, ສຸມໃສ່ເຂົ້າບາງວຽກງານສຳຄັນ, ພິເສດແມ່ນສ້າງຖັນແຖວພະນັກງານ, ປັບປຸງບັນດາບັນຫາຍັງຄົງຄ້າງ, ຮ້ອນເຮັ່ງໃນໄລຍະຜ່ານມາ, ແມ່ນໜ້າທີ່ສຳຄັນທີ່ສຸດເພື່ອປະຕິບັດໜ້າທີ່ໜັກໜ່ວງຂອງພັກ, ລັດ ມອບໝາຍໃຫ້ກຸ່ມບໍລິສັດຫຼັກແຫຼ່ງ - ກຸ່ມບໍລິສັດນ້ຳມັນອາຍແກັດແຫ່ງຊາດ ຫວຽດນາມ”.

(ແຫຼ່ງຄັດຈາກ VOV)