ກອງປະຊຸມສຳມະນາ
(ພາບ: baotintuc.vn)
ວັນທີ 15/07, ຢູ່ນະຄອນຫຼວງ New Delhi, ປະເທດອິນເດຍ ໄດ້ດຳເນີນກອງປະຊຸມໂຕະມົນກ່ຽວກັບບັນຫາທະເລຕາເວັນອອກ, ດ້ວຍການເຂົ້າຮ່ວມຂອງບັນດານັກຮຽນຮູ້, ນັກຊ່ຽວຊານອິນເດຍ ແລະ ຕ່າງປະເທດ. ເຂົ້າຮ່ວມກອງປະຊຸມສຳມະນາຍັງມີບັນດາທູຕານຸທູດປະເທດຕ່າງໆຄື ຟິລິບປີນ, ໄທ, ຍີ່ປຸ່ນ, ອາເມລິກາ, ຫວຽດນາມ…(ພາບ: baotintuc.vn)
ທີ່ກອງປະຊຸມສຳມະນາ, ບັນດານັກຮຽນຮູ້ມີບົດປະກອບຄຳເຫັນທີ່ກ່ຽວຂ້ອງເຖິງທະເລຕາເວັນອອກ. ການຕີລາຄາ, ໄຈ້ແຍກຂອງບັນດານັກປາຖະກະຖາທີ່ເຂົ້າຮ່ວມກອງປະຊຸມມະນາລ້ວນແຕ່ສຸມໃສ່ສ່ອງແສງບັນດາການຜັນແປ່ລ້າສຸດຢູ່ທະເລຕາເວັນອອກ, ພາຍຫຼັງຄຳຕັດສິນຂອງສານອະນຸຍາໂຕຕຸລາການ (PCA) ຢູ່ລາໄຮ, ປະເທດໂຮນລັງ ແລະ ຖືວ່າ, ນີ້ແມ່ນຄຳຕັດສິນມີລັກສະນະປະຫວັດສາດ ເມື່ອປະຕິເສດຄຳຖະແຫຼງກ່ຽວກັບອະທິປະໄຕຂອງຈີນ ຢູ່ທະເລຕາເວັນອອກ. ມີນັກຮຽນຮູ້ບາງທ່ານຖືວ່າ, ບັນດາຝ່າຍທີ່ກ່ຽວຂ້ອງຕ້ອງປະຕິບັດ ແລະ ເຄົາລົບຄຳຕັດສິນຂອງ PCA ຍ້ອນຄຳຕັດສິນນີ້ສະໜັບສະໜູນຂອບເຂດກົດໝາຍຄຸ້ມຄອງທະເລຫຼວງ ແລະ ແກ້ໄຂການຂັດແຍ້ງກັນໃນອະນາຄົດ ບົນພື້ນຖານສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS).
ກ່າວຄຳເຫັນທີ່ກອງປະຊຸມສຳມະນາ, ທ່ານເອກອັກຄະລັດຖະທູດຫວຽດນາມ ປະຈຳອິນເດຍ ໂຕນຊິງແທ່ງ ຢືນຢັນວ່າ, ຫວຽດນາມ ຊົມເຊີຍ PCA ໄດ້ຍົກອອກຄຳຕັດສິນກ່ຽວກັບການຮ້ອງຟ້ອງດັ່ງກ່າວ. ຫວຽດນາມ ສະໜັບສະໜູນຢ່າງແຮງເລື່ອງແກ້ໄຂບັນດາການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ, ລວມທັງດ້ານການທູດ ແລະ ກົດໝາຍ, ບໍ່ນຳໃຊ້ອາວຸດ ຫຼື ນາບຂູ່ນ້ຳໃຊ້ອາວຸດຕາມຂໍ້ກຳນົດຂອງກົດໝາຍສາກົນ, ໃນນັ້ນມີ UNCLOS.
(ແຫຼ່ງຄັດຈາກ VOV)
