ສາຍພັນ Omicron ຂອງເຊື້ອໄວຣັດ SARS – CoV – 2 ຈະກໍ່ຜົນກະທົບຕໍ່ການເຕີບໂຕດ້ານເສດຖະກິດຂອງ ອາເມລິກາ ໃນຊຸມເດືອນຈະມາເຖິງ, ແຕ່ບໍ່ສາມາດກີດຂວາງທ່າຟື້ນຟູດ້ານເສດຖະກິດ ຂອງບາງພື້ນຖານເສດຖະກິດໃນໂລກໄດ້. ນີ້ແມ່ນຄຳຢັ້ງຢືນຂອງ ທ່ານນາງ Janet Yellen ລັດຖະມົນຕີກະຊວງການເງິນ ອາເມລິກາ ທີ່ການພົບປະກັບບັນດາເຈົ້າຄອງນະຄອນ ໃນທົ່ວປະເທດ ທີ່ໄດ້ດຳເນີນຢູ່ ວໍຊິງຕັນ ໃນວັນທີ 19 ມັງກອນ. ທ່ານນາງ ລັດຖະມົນຕີ Yellen ເນັ້ນໜັກວ່າ ບ້ວງເງິນໜູນຊ່ວຍດ້ານເສດຖະກິດ “ແຜນການກອບກູ້ປະເທດ ອາເມລິກາ” ເຊິ່ງ ທ່ານປະທານາທິບໍດີ Joe Biden ຊຸກຍູ້ ແລະ ສະພາແຫ່ງຊາດໄດ້ຮັບຮອງເອົາເມື່ອ ເດືອນມີນາ ປີ 2021 ຈະ ປຽບເໝືອນ “ວັກຊິນໃຫ້ແກ່ພື້ນຖານເສດຖະກິດ ອາເມລິກາ, ປົກປ້ອງທ່າຟື້ນຟູເສດຖະກິດ ຕໍ່ໜ້າຄວາມສ່ຽງທີ່ອາດຈະເກີດຂຶ້ນຕໍ່ໜ້າເຊື້ອໄວຣັດສາຍພັນໃໝ່”. ທ່ານນາງ Janet Yellen ໃຫ້ຮູ້ວາ ບ້ວງເງິນໜູນຊ່ວຍ 350 ຕື້ USD ຈະ ໄດ້ແຈກຢາຍໃຫ້ແກ່ອຳນາດການປົກຄອງບັນດາທ້ອງຖິ່ນ, ຊ່ວຍວົງຄະນະຍາດຫຼີກລ້ຽງບັນດາຜົນກະທົບຢ່າງຮ້າຍແຮງທີ່ສຸດທາງດ້ານເສດຖະກິດ ຍ້ອນເຊື້ອໄວຣັດສາຍພັນ Delta ແລະ Omicron ກໍ່ຂຶ້ນ.
ຕາມການຄາດຄະເນຂອງ ບັນດານັກຊ່ຽວຊານດ້ານເສດຖະກິດ ແລ້ວ, ອັດຕາເຕີບໂຕຂອງ ອາເມລິກາ ຈະຊ້າລົງໃນໄຕມາດທີ 1 ຂອງປີ 2022 ຍ້ອນຜົນສະທ້ອນ ຂອງໂລກລະບາດໂຄວິດ - 19. ສາຍພັນ Omicron ພວມເຮັດໃຫ້ຈຳນວນຜູ້ຕິດເຊື້ອ ໂຄວິດ - 19 ເພີ່ມຂຶ້ນ ແລະ ຕ້ອງປະຕິບັດການແຍກຕົວ,ເຮັດໃຫ້ຫຼາຍຄົນບໍ່ສາມາດໄປເຮັດວຽກໄດ້.
(ແຫຼ່ງຄັດຈາກ VOV)
