ຂ່າວສານ

ສ້າງຕະຫຼາດເຂດຊາຍແດນເພື່ອຊຸກຍູ້ ການພົວພັນການຄ້າ ລະຫວ່າງຫວຽດນາມ-ລາວ

28/08/2019

“ຈະສົ່ງເສີມວຽກງານຜັນຂະຫຍາຍກໍ່ສ້າງບັນດາຕະຫຼາດຊາຍແດນເພື່ອຍູ້ແຮງການພົວພັນດ້ານການຄ້າລະຫວ່າງບັນດາແຂວງລຽບຕາມຊາຍແດນຫວຽດນາມ-ລາວ”.

ສ້າງຕະຫຼາດເຂດຊາຍແດນເພື່ອຊຸກຍູ້ ການພົວພັນການຄ້າ ລະຫວ່າງຫວຽດນາມ-ລາວ

ນັ້ນແມ່ນໜຶ່ງໃນບັນດາເນື້ອໃນທີ່ໄດ້ເຫັນດີເປັນເອກະພາບຢູ່ກອງປະຊຸມຮ່ວມມື ຂະແໜງອຸດສະຫະກຳແລະການຄ້າລະຫວ່າງສອງປະເທດຫວຽດນາມ-ລາວທີ່ຫາກໍ່ໄດ້ຈັດຂຶ້ນຢູ່ ນະຄອນຫຼວງວຽງຈັນ. ຕາມທ່ານນາງເຂັມມະນີພົນເສນາລັດຖະມົນຕີກະຊວງອຸດສະຫະກຳແລະການຄ້າລາວ, ວຽກການກໍ່ສ້າງບັນດາຕະຫຼາດເຂດຊາຍແດນຈະປະກອບສ່ວນຊຸກຍູ້ການພົວພັນແລກປ່ຽນດ້ານການຄ້າສອງຝ່າຍລະຫວ່າງສອງປະເທດຫວຽດນາມ-ລາວໃນຊຸມປີຈະມາເຖິງນີ້. ຕາມນັ້ນ, ກະຊວງອຸດສະຫະກຳແລະການຄ້າລາວ ສະເໜີໃຫ້ຝ່າຍຫວຽດນາມຮ່ວມມືກໍ່ສ້າງຕະຫຼາດເຂດຊາຍແດນນ້ຳໂຊຍ (ລະຫວ່າງແຂວງຫົວພັນກັບແຂວງແທັ່ງຮວາ), ຕະຫຼາດນ້ຳອອນ (ລະຫວ່າງແຂວງບໍລິຄຳໄຊກັບແຂວງເຫງະອານ) ແລະຕະຫຼາດ ດັກຕະອອກ (ລະຫວ່າງແຂວງເຊກອງກັບແຂວງກວ໋າງນາມ) ຂອງຫວຽດນາມ. ສ່ວນຝ່າຍຫວຽດນາມ, ທ່ານເຈິ່ນຕວັ໊ນແອັ່ງລັດຖະມົນຕີກະຊວງອຸດສະຫະກຳແລະການຄ້າຫວຽດນາມກໍ່ຢັ້ງຢືນວ່າ: ຫວຽດນາມພ້ອມເຈລະຈາເພື່ອໃຫ້ເປັນເອກະພາບດ້ານເນື້ອໃນຂອງບົດບັນທຶກຊ່ວຍຈຳກ່ຽວກັບການພັດທະນາແລະເຊື່ອມຕໍ່ພື້ນຖານໂຄງລ່າງການຄ້າຊາຍແດນ ລະຫວ່າງສອງປະເທດ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.