នេះជាការអះអាងរបស់ឯកអគ្គរដ្ឋទូតវៀតណាមប្រចាំម៉ូសំប៊ិកលោក Le Huy Hoang នៅ​ក្នុង​ពេល​បង្រៀន​នៅ​សាកល​វិទ្យាល័យ​ Joaquim Chissano ក្រោមប្រធានបទ “ស្ថានភាពនៅ​អាស៊ី​អាគ្នេយ៍​និង​គោល​នយោបាយ​របស់​វៀត​ណាម​” កាលពីថ្ងៃទី​១៥ ខែសីហា ឆ្នាំ២០១៩​។
 
លោកឯក​អគ្គរដ្ឋទូត​បានបំភ្លឺយ៉ាងច្បាស់នូវ ស្ថានភាពនាពេលថ្មីៗនេះ ដែលក្នុងនោះ​មាន​រឿង​ក្ដី​រំលោភ​បំពាន​យ៉ាង​ធ្ងន់​ធ្ងរ​ទៅ លើតំបន់សេដ្ឋកិច្ចផ្ដាច់មុខ តំបន់ខ្ពង់រាបបាតសមុទ្ររបស់វៀតណាម ព្រមទាំង សង្កត់ធ្ងន់​លើកិច្ច​ខិត​ខំប្រឹងប្រែងរបស់វៀតណាម ក្នុងកិច្ចសហប្រតិបតិ្តការជា មួយប្រទេស​ផ្សេងៗ​ដើម្បី​ដោះស្រាយ​ជម្លោះ​នៅ​សមុទ្រ​ខាង​កើតដោយសន្តិវិធី ដោយឈរលើមូលដ្ឋាននៃច្បាប់អន្តរជាតិ ជាពិសេសគឺអនុសញ្ញាអង្គការសហ ប្រជាជាតិស្ដីពី​ច្បាប់​សមុទ្រ​ឆ្នាំ១៩៨២​។ ចំពោះទំនាក់ទំនងរវាងវៀតណា​មជាមួយអាស៊ាននិងប្រទេស​ដទៃ ឯកអគ្គ​​រដ្ឋ​ទូតលោក Le Huy Hoang បានអះអាងថា វៀតណាមជា​និច្ចកាលប្រកាន់​យ៉ាង ខ្ជាប់ខ្ជួន​នូវគោល​ជំហរកិច្ច​ការបរទេសដ៏ឯករាជ្យ ម្ចាស់ការ ពហុភាគីនិយម ហើយធ្វើពិពិធកម្មទំនាក់ទំនងអន្តរជាតិ។ វៀតណាម​កំពុង​សហប្រតិ​បតិ្តការ កាន់តែសកម្មពីមួយថ្ងៃទៅមួយថ្ងៃជាមួយ​ប្រទេសអាស៊ាននានា ក្នុងការ​កសាង​ សហគមន៍​អាស៊ាន ដើម្បីជំរុញសន្តិភាពនិងការអ​ភិវឌ្ឍនៅក្នុងតំបន់​៕
 

តាម VOV5 - វិទ្យុសំឡេងវៀតណាម​