• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមនិងអូស្រ្តាលីបានឯកភាពបន្តលើកកម្ពស់ការផ្សារភ្ជាប់សេដ្ឋកិច្ចរវាងប្រទេសទាំងពីរ

នាថ្ងៃទី ២១ ខែមករា នាយករដ្ឋមន្ត្រីវៀតណាម លោក Nguyen Xuan Phuc បានអញ្ជើញជួបសន្ទនាតាមទូរស័ព្ទជាមួយនាយករដ្ឋមន្ត្រីអូស្ត្រាលី លោក Scott Morrison ដើម្បីពិភាក្សាអំពីទំនាក់ទំនងទ្វេភាគីនិងបញ្ហាតំបន់ អន្តរជាតិដែលមានការ យកចិត្តទុកដាក់ទៅវិញទៅមក។

ក្នុងជំនួបនេះ លោកនាយករដ្ឋមន្រ្តីទាំងពីររូបបានបញ្ជាក់ថា ចំណងមិត្តភាព ការយោគយល់គ្នានិងការជឿទុកចិត្តគ្នាគឺជាកម្លាំងចលករក្នុងការជំរុញកិច្ចសហប្រតិបត្តិការប្រកបដោយប្រសិទ្ធភាពនិងទូលំទូលាយរវាងប្រទេសទាំងពីរ។ ថ្នាក់ដឹកនាំទាំងពីររូបបានព្រមព្រៀងសហការលើកកម្ពស់ភាពជាដៃគូយុទ្ធសាស្ត្រអាស៊ាន - អូស្ត្រាលីឲ្យមានការអភិវឌ្ឍកាន់តែស៊ីជម្រៅជាងនេះទៅទៀត។ នាយករដ្ឋមន្រ្តីទាំងពីររូបក៏បានឯកភាពបន្តពង្រឹងការផ្សាភ្ជាប់សេដ្ឋកិច្ចរវាងប្រទេសទាំងពីរ បង្កើនកិច្ចសហប្រតិបត្តិការតាមបណ្តាយន្តការនិងវេទិកាក្នុងតំបន់និងអន្តរជាតិ។

នាយករដ្ឋមន្ត្រីទាំងពីររូបបានឯកភាពបន្តលើកកម្ពស់ការផ្សារភ្ជាប់សេដ្ឋកិច្ចរវាងប្រទេសទាំងពីរ


ថ្នាក់ដឹកនាំទាំងពីរបានបញ្ជាក់ពីសារសំខាន់នៃការពង្រឹងកិច្ចសហប្រតិបត្តិការ ការថែរក្សាសន្តិភាព ស្ថិរភាព សន្តិសុខ សុវត្ថិភាពនិងសេរីភាពក្នុងការធ្វើនាវាចរណ៍និងអាកាសចរណ៍ ធានាសិទ្ធិនិងផលប្រយោជន៍ស្របច្បាប់ដូចដែលមានចែងក្នុងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS); ការដោះស្រាយជំលោះដោយសន្តិវិធី ផ្អែកលើច្បាប់អន្ដរជាតិ ក្នុងនោះមាន UNCLOS  ១៩៨២; អនុវត្ត DOC យ៉ាងពេញលេញនិងប្រកបដោយប្រសិទ្ធភាពដើម្បីឈានដល់សម្រេចបាននូវ COC ដែលមានប្រសិទ្ធិភាពនិងសមស្របជាមួយច្បាប់អន្តរជាតិ រួមទាំង UNCLOS ១៩៨២ ផង។

នាឱកាសនេះ លោកនាយករដ្ឋមន្រ្តី Nguyen Xuan Phuc បានអញ្ជើញលោកនាយករដ្ឋមន្រ្តី Scott Morrison និងភរិយា មកបំពេញទស្សនកិច្ចនៅវៀតណាមម្តងទៀត។ នាយករដ្ឋមន្ត្រីលោក Scott Morrison បានថ្លែងអំណរគុណ ហើយទទួលយកសេចក្តីអញ្ជើញដោយរីករាយ ព្រមទាំងបង្ហាញនូវបំណងចង់ទទួលស្វាគមន៍លោកនាយករដ្ឋមន្ត្រី Nguyen Xuan Phuc និងភរិយាទៅបំពេញទស្សនកិច្ចនៅអូស្ត្រាលីនាពេលខាងមុខនេះ៕

តាម VOV5 - វិទ្យុសម្លេងវៀតណាម

អគ្គលេខាបក្ស ប្រធានរដ្ឋលោក តូ ឡឹម ទទួលជួបនាយករដ្ឋមន្ត្រីសិង្ហបុរី ប្រធានាធិបតីកូរ៉េខាងត្បូងនិងនាយកគ្រប់គ្រង IMF

អគ្គលេខាបក្ស ប្រធានរដ្ឋលោក តូ ឡឹម ទទួលជួបនាយករដ្ឋមន្ត្រីសិង្ហបុរី ប្រធានាធិបតីកូរ៉េខាងត្បូងនិងនាយកគ្រប់គ្រង IMF

នាថ្ងៃទី ១៨ ខែវិច្ឆិកា នៅក្រៅកិច្ចប្រជុំសប្តាហ៍កំពូល APEC ឆ្នាំ ២០២៦ នៅទីក្រុងសិនជិន ប្រទេសចិន អគ្គលេខាបក្ស ប្រធានរដ្ឋវៀតណាម លោក តូ ឡឹម បានអញ្ជើញទទួលជួបជាមួយនាយករដ្ឋមន្ត្រីសិង្ហបុរី លោក Lawrence Wong ប្រធានាធិបតីកូរ៉េខាងត្បូង លោក Lee Jae Myung និងនាយកគ្រប់គ្រងមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva។

Top