ក្នុងដំណើរបំពេញទស្សនកិច្ចផ្លូវការនៅគុយបា
នារសៀលថ្ងៃទី១៥ ខែមេសា នៅទីក្រុង Havana ឧបនាយករដ្ឋមន្ត្រីវៀតណាមលោក
Tran Luu Quang បានអញ្ជើញជួបជាមួយលោក Miguel
Diaz-Canel លេខាទីមួយនៃគណៈកម្មាធិការមជ្ឈិមបក្សកុម្មុយនិស្តគុយបា
ប្រធានរដ្ឋគុយបា។
ក្នុងជំនួបនេះ
ឧបនាយករដ្ឋមន្ត្រីលោក Tran Luu Quang បានសម្តែងនូវជំនឿជាក់ថា
ប្រជាជនគុយបានឹងបន្តដណ្តើមបានជ័យជំនះ
និងជោគជ័យបន្ថែមទៀតក្នុងការកសាងសង្គមនិយមនៅគុយបា
ព្រមទាំងអះអាងនូវគោលជំហរដ៏ឥតងាករេរបស់វៀតណាមគឺជានិច្ចកាលសាមគ្គីភាព និងគាំទ្រគុយបា
ប្រឆាំងជំទាស់ និងអំពាវនាវឱ្យបញ្ចប់គោលនយោបាយហ៊ុមព័ទ្ធគុយបា។
រីឯខ្លួនវិញ
លោក Miguel Diaz-Canel បានអះអាងថា
ទំនាក់ទំនងគុយបា-វៀតណាម
គឺជាទំនាក់ទំនងដ៏ពិសេសរវាងប្រជាជាតិទាំងពីរដែលមានប្រវត្តិសាស្ត្ររួម
រួមគ្នាតស៊ូរំដោះជាតិ និងកសាងសង្គមនិយម ជានិច្ចកាលគោរពគ្នាទៅវិញទៅមក
ដែលដឹកនាំដោយសតិអារម្មណ៍លោកប្រធានហូជីមិញ និងអគ្គមគ្គុទ្ទេសក៍គុយបាលោក Fidel
Castro ។ លោក Miguel Diaz-Canel មានបំណងថាអង្គភាពអាជីវកម្មវៀតណាម
សហការជាមួយគុយបា លើវិស័យកសិកម្ម និងកែច្នៃម្ហូបអាហារ ថាមពល ឧស្សាហកម្មរថយន្ត
ជីវឱសថ និងសេវាសុខាភិបាល ដើម្បីពង្រីកប្រកបដោយជោគជ័យប្រៀបខ្លាំងរបស់ប្រទេសនីមួយៗ
នាំទំនាក់ទំនងវៀតណាម-គុយបាទៅកាន់ដំណាក់កាលថ្មីរួមដំណើរអភិវឌ្ឍទៅវិញទៅមក។
នាថ្ងៃដដែល
លោកឧបនាយករដ្ឋមន្ត្រី Tran Luu Quang បានអញ្ជើញទទួលជួបជាមួយនាយករដ្ឋមន្ត្រីគុយបាលោក
Manuel Marrero Cruz ផងដែរ៕
