តាមនោះ ក្នុងស្មារតីមនុស្សធម៌និងផ្តល់អាទិភាពខ្ពស់បំផុតដល់ការការពារអាយុជីវិត ទ្រពសម្បត្តិ ផលប្រយោជន៍ស្របច្បាប់របស់ប្រជាពលរដ្ឋនិងនីតិបុគ្គល វៀតណាម  ទីស្នាក់ការកណ្តាល និងសមាជិកនៃទីភ្នាក់ ងារតំណាងរបស់វៀតណាមនៅអ៊ុយក្រែន រដ្ឋាភិបាលវៀតណាមបានអនុញ្ញាតឲ្យរៀបចំជើងហោះហើរពិសេសដើម្បីនាំពលរដ្ឋវៀតណាម ប្រជាជនដើមកំណើតវៀតណាម និងសមាជិកគ្រួសារត្រឡប់មកប្រទេសកំណើតវិញតាមបំណងប្រាថ្នារបស់ពួកគេ (មុនបង្អស់គ្រោងរៀបចំឲ្យប្រជាជនវៀតណាមប្រមាណ ៩០០ នាក់ពី ប៉ូឡូញ រូម៉ានី ឬម៉ុលដូវ៉ា); អ្នកដែលវិលត្រឡប់មកផ្ទះវិញតាមជើងហោះហើរត្រូវបានធ្វើតេស្តបន្ទាប់ពីចុះចតនៅប្រទេសវៀតណាម និងអនុវត្តន៍វិធានការវេជ្ជសាស្រ្តនៅពេលចូល តាមការណែនាំរបស់ក្រសួងសុខាភិ បាល។

បច្ចុប្បន្ននេះ ក្រសួងការបរទេសកំពុងសម្របសម្រួលជាមួយក្រសួងដឹកជញ្ជូន ដើម្បីរៀបចំជើងហោះហើរចំនួនពីរ នាំពលរដ្ឋវៀតណាម និងក្រុមគ្រួសាររបស់ពួកគេពីអ៊ុយក្រែនវិលត្រឡប់មកស្រុកកំណើតវិញ៖ គ្រោងនឹងមានជើងហោះហើរមួយ ពីប្រទេសរូម៉ានីនៅថ្ងៃទី ៧ ខែមីនា និងជើងហោះហើរមួយទៀតពីប្រទេសប៉ូឡូញនៅថ្ងៃទី ៨ ខែមីនា។ ក្រសួងការបរទេសនឹងសម្របសម្រួលជាមួយក្រសួង និងស្ថាប័នពាក់ព័ន្ធ បន្តជម្លៀសប្រជាជនវៀតណាមនិងសមាជិកគ្រួសារពីតំបន់គ្រោះថ្នាក់ក្នុងប្រទេសអ៊ុយក្រែនទៅកាន់ប្រទេសជិតខាង និងនាំប្រជាជនដែលមានបំណងវិលត្រឡប់មកប្រទេសវិញ អាស្រ័យលើស្ថានភាពជាក់ស្តែងនិងលទ្ធភាពដំណើរការ៕