នៅថ្ងៃទី ១៩ ខែកញ្ញា នៅទីស្នាក់ការអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក កិច្ចប្រជុំកំពូលស្តីពីការផ្លាស់ប្តូរការអប់រំបានប្រព្រឹត្តទៅជាផ្លូវការ។ រដ្ឋមន្ត្រីក្រសួងអប់រំ និងបណ្តុះបណ្តាលវៀតណាម លោក Nguyen Kim Son បានដឹកនាំគណៈប្រតិភូ អញ្ជើញចូលរួមកិច្ចប្រជុំនេះ។ អញ្ជើញថ្លែងមតិក្នុងកិច្ចពិភាក្សាដោយប្រធានបទ “ផ្លាស់ប្តូរការអប់រំដើម្បីផ្លាស់ប្ដូរពិភពលោក៖ សិក្សាររៀនសូត្រដើម្បីរួមរស់ប្រកបដោយនិរន្តរភាព” លោករដ្ឋមន្ត្រី Nguyen Kim Son បានសង្កត់ធ្ងន់ថា ក្នុងដំណាក់កាលស្ដារឡើងវិញ ក្រោយរយៈពេល ២ ឆ្នាំ នៃជំងឺរាតត្បាតកូវីដ ១៩ នោះ ផ្នែកអប់រំចាំបាច់ត្រូវពង្រីកបេសកកម្មរបស់ខ្លួន ដើម្បីបំពាក់ចំណេះដឹង និងជំនាញដល់ប្រជាពលរដ្ឋជំនាន់បច្ចុប្បន្ន និងអនាគតជំនះពុះពារលើការលំបាក ដែលពិភពលោកត្រូវប្រឈម ហើយតាមនោះរួមចំណែកអនុវត្តន៍ប្រកបដោយជោគជ័យរាល់គោលដៅអភិវឌ្ឍន៍ប្រកបដោយចីរភាព (SDG)។ ទាក់ទងនឹងកិច្ចពិភាក្សាលើដំណោះស្រាយផ្លាស់ប្ដូរអប់រំប្រកបដោយចីរភាពនោះ លោករដ្ឋមន្ត្រីបានសង្កត់ធ្ងន់លើភាពចាំបាច់ក្នុងការធានាសមភាពក្នុងការអប់រំ និងគុណភាពអប់រំ ការសម្របខ្លួន និងសមភាពនៅគ្រប់កម្រិតអប់រំក្នុងរយៈពេលខាងមុខ។       

នៅខាងក្រៅកិច្ចប្រជុំ លោករដ្ឋមន្ត្រី Nguyen Kim Son បានអញ្ជើញជួបធ្វើការជាមួយលោក Miguel Cardona រដ្ឋមន្ត្រីក្រសួងអប់រំអាមេរិក តំណាងធនាគារពិភពលោក (WB) ដើម្បីពិភាក្សាអំពីវិធានការពង្រឹងកិច្ចសហប្រតិបត្តិការ និងការវិនិយោគលើវិស័យអប់រំនាពេលអនាគតផងដែរ៕