នាយកប្រតិបត្តិមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva ។  

លោកស្រី Georgieva ក៏បានចាត់ទុកអតិផរណាខ្ពស់ថា ជាគ្រោះថ្នាក់យ៉ាងច្បាស់លាស់ និងបច្ចុប្បន្នភាពសម្រាប់សេដ្ឋកិច្ចពិភពលោក។

នាយកប្រតិបត្តិ IMF  លោកស្រី Georgieva បានឲ្យដឹងថា ប្រតិបត្តិការយោធាពិសេសរបស់រុស្ស៊ីនៅអ៊ុយក្រែន គឺជាកត្តាមួយដែលនាំឲ្យមានការបន្ទាបថ្នាក់សេដ្ឋកិច្ចនៅក្នុងប្រទេសចំនួន ១៤៣បើ ទោះបីជាប្រទេសភាគច្រើននៅតែបន្តកំណើនក៏ដោយ។ វិបត្តិនៅអ៊ុយក្រែនក៏បានអាក់ខានដល់ពាណិជ្ជកម្មសកល ក្នុងវិស័យថាមពលនិងគ្រាប់ធញ្ញជាតិ ហើយគំរាមកំហែងនឹងបង្កការខ្វះខាតស្បៀងអាហារនៅអាហ្វ្រិកនិងមជ្ឈិមបូព៌ា។

លោកស្រី Georgieva បានអំពាវនាវឱ្យមានគំនិតផ្តួចផ្តើមពហុភាគីមួយដើម្បីពង្រឹងសន្តិសុខស្បៀងអាហារ ក្នុងបរិបទដែលមានការកើនឡើងនៃតម្លៃពោត និងគ្រាប់ធញ្ញជាតិ និងការផ្គត់ផ្គង់នៅអាហ្វ្រិក និងមជ្ឈិមបូព៌ាកំពុងតែចុះដុនដាប។ លោកស្រី Georgieva ក៏បានអំពាវនាវឲ្យពិភពលោក ជួយឧបត្ថម្ភប្រជាជនអ៊ុយក្រែន ហើយបានសង្កត់ធ្ងន់ថា មូលនិធិរូបិយវត្ថុអន្តរជាតិបានផ្ទេរប្រាក់ចំនួន ១,៤ ពាន់លានដុល្លារ ដើម្បីជួយអ៊ុយក្រែនគ្របដណ្តប់លើការចំណាយ។ IMF ក៏កំពុងជួយប្រទេសជិតខាងរបស់អ៊ុយក្រែន រួមទាំងប្រទេសម៉ុលដាវី ដែលបានទទួលជនភៀសខ្លួនចំនួនជាង ៤០០,០០០នាក់ ចាកចេញពីវិបត្តិអ៊ុយក្រែន៕