• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំរុញកិច្ចសហប្រតិបត្តិការជាក់ស្តែងលើគ្រប់វិស័យរវាងវៀតណាមនិងខេត្តយូណាន ប្រទេសចិន

ក្នុងក្របខ័ណ្ឌនៃដំណើរទស្សនកិច្ចការងារដើម្បីចូលរួមសប្តាហ៍កំពូល APEC និងបំពេញការងារទ្វេភាគីនៅចិន នាថ្ងៃទី ១៩ ខែវិច្ឆិកា នៅទីក្រុងគុនមិញ លោកអគ្គលេខាបក្ស ប្រធានរដ្ឋ តូ ឡឹម បានអនុញ្ញាតឱ្យលោក Mo Gaoyi លេខាគណៈកម្មាធិការបក្សខេត្តយូណាន ចូលជួបសម្តែងការគួរសម។

លោកអគ្គលេខាបក្ស ប្រធានរដ្ឋ តូ ឡឹម បានអនុញ្ញាតឱ្យលោក Mo Gaoyi លេខាគណៈកម្មាធិការបក្សខេត្តយូណាន ចូលជួបសម្តែងការគួរសម។ រូបថត៖ VNA

ក្នុងជំនួបនេះ លោកអគ្គលេខាបក្ស ប្រធានរដ្ឋ តូ ឡឹម បានស្នើឱ្យភាគីទាំងពីរពង្រីកឧត្តមភាពយុទ្ធសាស្ត្រ និងភូមិសាស្ត្រជិតស្និត ដើម្បីបង្កើតវឌ្ឍនភាពជាក់ស្តែងលើអ័ក្សតភ្ជាប់ទាំង ៤ គឺ៖ គោលនយោបាយ ហេដ្ឋារចនាសម្ព័ន្ធរលូន ពាណិជ្ជកម្ម-វិនិយោគ និងការជួបប្រាស្រ័យមនុស្សសាស្ត្រ។ លោកអគ្គលេខាបក្ស ប្រធានរដ្ឋ មានបំណងឱ្យភាគីទាំងពីរពន្លឿនការសាងសង់ផ្លូវដែកខ្នាតស្តង់ដារតភ្ជាប់ខេត្តយូណានជាមួយវៀតណាម ជំរុញកិច្ចសហប្រតិបត្តិការដឹកជញ្ជូនអន្តរជាតិ ពហុមធ្យោបាយ ជំរុញកិច្ចសហប្រតិបត្តិការតភ្ជាប់បណ្តាញអគ្គិសនីនិងគយ បង្កលក្ខណៈងាយស្រួលសម្រាប់ទំនិញ វៀតណាមនាំចេញទៅកាន់ចិន ឆ្ពោះទៅកាន់ទីផ្សារភាគនិរតីនៃប្រទេសចិន និងបង្កើនកិច្ចសហប្រតិបត្តិការវិនិយោគ ព្រមទាំងតភ្ជាប់ខ្សែសង្វាក់ផ្គត់ផ្គង់បច្ចេកវិទ្យាខ្ពស់…។

ចំណែកឯលោក Mo Gaoyi លេខាគណៈកម្មាធិការបក្សខេត្តយូណាន មានបំណងឱ្យភាគីទាំងពីរជំរុញបន្ថែមទៀតនូវកិច្ចសហប្រតិបត្តិការជាក់ស្តែងលើវិស័យដែលបំពេញបន្ថែមឱ្យគ្នាទៅវិញទៅមក ជាពិសេស ការតភ្ជាប់ហេដ្ឋារចនាសម្ព័ន្ធព្រមៗគ្នានៅតាមច្រកទ្វារព្រំដែន ផ្លូវដែក ផ្លូវគោក និងផ្លូវទឹករវាងភាគីទាំងពីរ ដើម្បីតភ្ជាប់ជាមួយតំបន់ភាគខាងលិច ច្រករបៀងសេដ្ឋកិច្ចទន្លេយ៉ង់សេរបស់ចិន ក៏ដូចជាឆ្ពោះទៅកាន់ទ្វីបអឺរ៉ុប។ លោក Mo Gaoyi បានអះអាងថា ខេត្តយូណានត្រៀមខ្លួនជាស្រេចដើម្បីបង្កើនកិច្ចសហប្រតិបត្តិការឧស្សាហកម្មជាមួយវៀតណាម ដោយផ្តោតសំខាន់លើពាណិជ្ជកម្មប្រកបដោយតុល្យភាព ថាមពលបៃតង ថាមពលអគ្គិសនី សេដ្ឋកិច្ចឌីជីថល កសិកម្មពិសេស និងវេជ្ជសាស្ត្របុរាណ៕

តាម​ vovworld.vn/km-KH/

ប្រធានាធិបតីនៃសាធារណរដ្ឋអាស៊ែបៃហ្សង់ លោក អ៊ីលហាម អាលីយ៉េវ និងភរិយា អញ្ជើញបំពេញទស្សនកិច្ចផ្លូវការនៅវៀតណាម

ប្រធានាធិបតីនៃសាធារណរដ្ឋអាស៊ែបៃហ្សង់ លោក អ៊ីលហាម អាលីយ៉េវ និងភរិយា អញ្ជើញបំពេញទស្សនកិច្ចផ្លូវការនៅវៀតណាម

នាថ្ងៃទី ១៩ ខែវិច្ឆិកា ប្រធានាធិបតីនៃសាធារណរដ្ឋអាស៊ែបៃហ្សង់ លោក អ៊ីលហាម អាលីយ៉េវ (Ilham Aliyev) និងភរិយា បានអញ្ជើញមកដល់រដ្ឋធានីហាណូយ ដើម្បីចាប់ផ្តើមដំណើរទស្សនកិច្ចផ្លូវការនៅប្រទេសវៀតណាម ចាប់ពីថ្ងៃទី ១៩ ដល់ថ្ងៃទី ២១ ខែវិច្ឆិកា តបតាមការអញ្ជើញរបស់លោកអគ្គលេខាបក្ស ប្រធានរដ្ឋ តូ ឡឹម និងភរិយា។

Top