ក្នុងចំណោមអ្នកដំណើរជាជនជាតិវៀតណាមទាំង ៣០០ នាក់ គឺជិតពាក់កណ្តាលជាកុមារ (រូបថត៖ VOV)  

នៅព្រឹកព្រលឹមថ្ងៃទី ១០ ខែមីនា ជើងហោះហើរដឹកជញ្ជូនពលរដ្ឋវៀតណាមចំនួន ៣០០ នាក់និងក្រុមគ្រួសាររបស់ពួកគេ ដែលជម្លៀសពីអ៊ុយក្រែនទៅកាន់ទីក្រុង Warsaw (ប៉ូឡូញ) បានចុះចតប្រកបដោយសុវត្ថិភាពនៅអាកាសយានដ្ឋាន Noi Bai ។ នេះគឺជាជើងហោះហើរជម្លៀសលើកទី២ ដែលត្រូវបានក្រសួងនានា និងស្ថាប័នតំណាងវៀតណាមសម្របសម្រួលគ្នារៀបចំដោយឥតគិតថ្លៃជូនបងប្អូនជនរួមជាតិ ក្នុងស្មារតីផ្ដល់អាទិភាពខ្ពស់បំផុតរបស់បក្ស និងរដ្ឋក្នុងកិច្ចគាំពារពលរដ្ឋ។

ស្ថានទូតវៀតណាមប្រចាំនៅប៉ូឡូញបានសម្របសម្រួលជាមួយសមាគមជនវៀតណាម ដើម្បីជូនបងប្អូនជនរួមជាតិទៅកាន់អាកាសយានដ្ឋាន ហើយចាត់បញ្ជូនកម្មាភិបាលទៅជួយសម្រួលបែបបទចាំចាច់នានា ព្រមទាំងសម្រេបសម្រួលជាមួយអាជ្ញធរមានសមត្ថកិច្ចប៉ូឡូញ ដើម្បីជួយសម្របសម្រួលដល់ពលរដ្ឋវៀតណាមនៅព្រលានយន្តហោះ។

សូមបញ្ជាក់ដែរថា គិតត្រឹមព្រឹកថ្ងៃទី១០ ខែមីនា ឆ្នាំ២០២២ នៅតែមានពលរដ្ឋវៀតណាមជិត ៦០០ នាក់នៅរូម៉ានី និងពលរដ្ឋវៀតណាមប្រមាណ ៤០០ នាក់ទៀតនៅប៉ូឡូញបានចុះឈ្មោះវិលត្រឡប់មកប្រទេសកំណើតវិញផងដែរ៕