• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ការចែករំលែករបស់អតីតយុទ្ធជនរុស្ស៊ីអំពីទិវាវៀតណាមបង្រួបបង្រួម

រថក្រោះមានផ្លាកលេខ ៣៩០ (កណ្តាល)  ដែលបានបុកចូលខ្លោងទ្វារវិមានឯករាជ្យ (Dinh Doc Lap) នៅវេលាម៉ោង ១១ និង ៣០ នាទី ថ្ងៃទី ៣០ ខែមេសាឆ្នាំ ១៩៧៥  រូបថតៈ Francoise Demulder/TTXVN)
 

អតីតយុទ្ធជនរុស្ស៊ីទាំងអស់បានសម្តែងការសប្បាយរីករាយចំពោះជ័យជំនះដ៏មហិមារបស់ប្រជាជនវៀតណាមនិងមិនភ្លេចរំលឹកពីតួនាទីរបស់លោកប្រធានហូជីមិញក្នុងសង្គ្រាមដ៏យូរអង្វែងនេះឡើយ។

ក្នុងឱកាសរំលឹកខួបលើកទី ៤៦ នៃទិវារំដោះភាគខាងត្បូងទាំងស្រុងនិងឯកភាពប្រទេសជាតិ (៣០ មេសា ១៩៧៥ - ៣០ មេសា ២០២១) អ្នកយកព័ត៌មាននៃវិទ្យុសំឡេងវៀតណាមប្រចាំនៅរុស្ស៊ីមានបទសម្ភាសន៍ជាមួយអតីតអ្នកជំនាញយោធារុស្ស៊ីក្នុងសម័យសង្គ្រាមវៀតណាម។ អតីតយុទ្ធជនរុស្ស៊ីទាំងអស់បានសម្តែងការរីករាយចំពោះជ័យជំនះដ៏មហិមារបស់ប្រជាជនវៀតណាមនិងមិនភ្លេចរំលឹកពីតួនាទីរបស់លោកប្រធានហូជីមិញក្នុងសង្គ្រាមដ៏យូរអង្វែងនេះឡើយ។

លោក Nikolai Kolesnik ប្រធានសមាគមអតីតយុទ្ធជនរុស្ស៊ីដែលធ្លាប់ធ្វើការនៅវៀតណាមបានអះអាងថា ជ័យជំនះនៅថ្ងៃទី ៣០ ខែមេសាឆ្នាំ ១៩៧៥ របស់កងកម្លាំងប្រដាប់អាវុធវៀតណាមគឺជាជ័យជំនះជាប្រវត្តិសាស្ត្រ ជួយវៀតណាមបង្រួបបង្រួមប្រទេសជាតិ ហើយលោកក៏បានបង្ហាញមោទនភាពដែលសហភាពសូវៀតបានជួយវៀតណាមឱ្យទទួលបានជោគជ័យនេះ។

ឧត្តមសេនីយ៍ទោ Anatoly Pozdeev អនុប្រធានសមាគមមិត្តភាពរុស្ស៊ី - វៀតណាមបានចាត់ទុកថា ប្រទេសទាំងពីរវៀតណាម - រុស្ស៊ីមានភាពស្រដៀងគ្នាច្រើនហើយថ្ងៃជ័យជំនះរបស់ប្រទេសទាំងពីរត្រូវបានធ្វើឡើងក្នុងអំឡុងពេលជិតគ្នាដែរ។  យោងតាមវរសេនីយ៍ឯក Alexey Skreblyukov ប្រធានសមាគមអតីតយុទ្ធជន Saint Petersburg ដែលធ្លាប់ធ្វើការនៅវៀតណាម ជ័យជំនះដ៏អស្ចារ្យរបស់ប្រជាជនវៀតណាម  “គ្មានពាក្យណាដែលអាចពិពណ៌នាបានឡើយ”។ លោកវរសេនីយ៍ឯក Skreblyukov បានមានប្រសាសន៍ថា អតីតយុទ្ធជនទាំងអស់ដែលបានចូលរួមក្នុងសង្គ្រាមវៀតណាមកំពុងទន្ទឹងរង់ចាំឱកាសវិលត្រឡប់មកទស្សនាប្រទេសដែលពួកគេចាត់ទុកថាជាស្រុកកំណើតទី ២ របស់ខ្លួន គឺសាធារណរដ្ឋសង្គមនិយមវៀតណាម៕

តាម VOV5 - វិទ្យុសំឡេងវៀតណាម



អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top