អនុប្រធានរដ្ឋវៀតណាមទទួលជួបជាមួយឯកអគ្គរដ្ឋទូត និង​ភារធារី​ជាស្ត្រី​នៃ​បណ្ដាស្ថាប័នតំណាងការទូតបរទេសប្រចាំនៅវៀតណាម
អនុប្រធានរដ្ឋវៀតណាម លោកស្រី Vo Thi Anh Xuan បានស្នើឲ្យបណ្ដាលោកស្រីឯកអគ្គរដ្ឋទូត ភារធារីយកចិត្តទុកដាក់ ជំរុញខ្លាំងកិច្ចសហប្រតិបត្តិការប្រយុទ្ធប្រឆាំងជំងឺរាតត្បាតកូវីដ ១៩ និងស្ដារ អភិវឌ្ឍន៍សេដ្ឋកិច្ច សង្គម។

អនុប្រធានរដ្ឋវៀតណាមទទួលជួបជាមួយឯកអគ្គរដ្ឋទូត និងភារធារីជាស្ត្រីនៃបណ្ដាស្ថាប័នតំណាងការទូតបរទេសប្រចាំនៅវៀតណាម (រូបថត៖ VNA)

ក្នុងឱកាសទិវានារីវៀតណាម ទី ២០ តុលានោះ អនុប្រធានរដ្ឋវៀតណាម លោកស្រី Vo Thi Anh Xuan បានអះអាងថា វៀតណាមជានិច្ចកាលអនុវត្តន៍ដោយឥតងាករេនូវគោលមាគ៌ាកិច្ចការបរទេសឯករាជ្យ ម្ចាស់ការ សន្តិសភាព កិច្ចសហប្រតិបត្តិការ និងអភិវឌ្ឍន៍; ពហុភាគី ធ្វើពិពិធកម្មទំនាក់ទំនងកិច្ចការបរទេស; ធ្វើជាមិត្ត ជាដៃគូគួរឲ្យជឿទុកចិត្ត ហើយជាសមាជិកដ៏សកម្ម ប្រកបដោយមានការទទួលខុសត្រូវរបស់សហគមន៍អន្តរជាតិ; ធ្វើសមាហរណកម្មអន្តរជាតិយ៉ាងសកម្មលើគ្រប់ជ្រុងជ្រោយនិងស៊ីជម្រៅ។ បក្ស រដ្ឋ និងប្រជាជនវៀតណាមជានិច្ចកាលបង្កលក្ខណៈងាយស្រួលជូន បណ្ដាលោកស្រីឯកអគ្គរដ្ឋទូត ភារធារីបំពេញល្អភារកិច្ច ហើយបន្តធ្វើជាស្ពានតភ្ជាប់ប្រកបដោយប្រសិទ្ធភាព ជំរុញថែមទៀតកិច្ចសហប្រតិបត្តិការដែលមានផលប្រយោជន៍ដូចគ្នារវាងវៀតណាម និងបណ្ដាប្រទេសផងដែរ។

អនុប្រធានរដ្ឋវៀតណាម លោកស្រី Vo Thi Anh Xuan បានស្នើឲ្យបណ្ដាលោកស្រីឯកអគ្គរដ្ឋទូត ភារធារីយកចិត្តទុកដាក់ ជំរុញខ្លាំងកិច្ចសហប្រតិបត្តិការប្រយុទ្ធប្រឆាំងជំងឺរាតត្បាតកូវីដ ១៩ និងស្ដារ អភិវឌ្ឍន៍សេដ្ឋកិច្ច សង្គមនារយៈពេលខាងមុខ បង្កលក្ខណៈងាយស្រួលក្នុងការធ្វើដំណើរ និងដោះដូរពាណិជ្ជកម្មរវាងបណ្ដាប្រទេស ព្រមទាំងជំរុញសកម្មភាពជួបប្រាស្រ័យ ផ្លាស់ប្ដូរគណៈប្រតិភូគ្រប់ជាន់ថ្នាក់ និងត្រៀមរៀបចំឲ្យដំណាក់កាលសហប្រតិបត្តិការក្រោយជំងឺកូវីដ ១៩ ផងដែរ៕

តាម VOV5 - វិទ្យុសម្លេងវៀតណាម