• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

អគ្គលេខាបក្ស ប្រធានរដ្ឋ លោក តូ ឡឹម ធ្វើទស្សនកិច្ចនៅក្រុមហ៊ុន Meiko Group ប្រទេសជប៉ុន

អគ្គលេខាបក្ស ប្រធានរដ្ឋ លោក តូ ឡឹម បានសង្កត់ធ្ងន់ថា វៀតណាមមិនត្រឹមតែចង់ទទួលស្វាគមន៍រោងចក្រផលិតប៉ុណ្ណោះទេ ថែមទាំងចង់ធ្វើការជាមួយដៃគូដូចជា Meiko ដើម្បីធ្វើជាម្ចាស់លើបច្ចេកវិទ្យាជាបណ្ដើរៗ និងចូលរួមកាន់តែស៊ីជម្រៅនៅក្នុងដំណាក់កាលដែលមានតម្លៃខ្ពស់នៃខ្សែសង្វាក់តម្លៃស៊ឺមីកុងឌុចទ័រ និងអេឡិចត្រូនិកសកលទៀតផង។

ទិដ្ឋភាពទូទៅនៅជំនួបធ្វើការរបស់អគ្គលេខាបក្ស ប្រធានរដ្ឋ លោក តូ ឡឹមជាមួយក្រុមហ៊ុន Meiko Group។ រូបថត៖ TTXVN

ក្នុងក្របខ័ណ្ឌនៃដំណើរទស្សនកិច្ចផ្លូវការនៅជប៉ុន កាលពីរសៀលថ្ងៃទី ១០ ខែវិច្ឆិកា (ម៉ោងក្នុងតំបន់) អគ្គលេខាបក្ស ប្រធានរដ្ឋវៀតណាម លោក តូ ឡឹម និងគណៈប្រតិភូជាន់ខ្ពស់វៀតណាម បានអញ្ជើញធ្វើទស្សនកិច្ចនៅក្រុមហ៊ុន Meiko Group។ នេះជាសាជីវកម្មមួយក្នុងចំណោមសាជីវកម្មអេឡិចត្រូនិកឈានមុខគេរបស់ប្រទេសជប៉ុន។

ថ្លែងនៅក្នុងជំនួបធ្វើការ លោក Tsuchibashi Akito ប្រធានក្រុមហ៊ុន Meiko Group បានបង្ហាញពីបំណងចង់បង្កើតមជ្ឈមណ្ឌលស្រាវជ្រាវនិងអភិវឌ្ឍន៍ (R&D) ថ្មីមួយនៅក្នុងប្រទេសវៀតណាម ដើម្បីជំរុញខ្លាំងនូវការស្រាវជ្រាវ និងអភិវឌ្ឍន៍ឧបករណ៍ស្វ័យប្រវត្តិកម្ម រ៉ូបុតរូបរាងមនុស្ស ក៏ដូចជាឧបករណ៍ចាប់សញ្ញាជាច្រើនប្រភេទដែលចាំបាច់សម្រាប់ AI រូបវន្ត។

អគ្គលេខាបក្ស ប្រធានរដ្ឋ លោក តូ ឡឹម ថ្លែងនៅក្នុងជំនួបធ្វើការ។ រូបថត៖ TTXVN

អគ្គលេខាបក្ស ប្រធានរដ្ឋ លោក តូ ឡឹម បានសង្កត់ធ្ងន់ថា វៀតណាមមិនត្រឹមតែចង់ទទួលស្វាគមន៍រោងចក្រផលិតប៉ុណ្ណោះទេ ថែមទាំងចង់ធ្វើការជាមួយដៃគូដូចជា Meiko ដើម្បីធ្វើជាម្ចាស់លើបច្ចេកវិទ្យាជាបណ្ដើរៗ និងចូលរួមកាន់តែស៊ីជម្រៅនៅក្នុងដំណាក់កាលដែលមានតម្លៃខ្ពស់នៃខ្សែសង្វាក់តម្លៃស៊ឺមីកុងឌុចទ័រ និងអេឡិចត្រូនិកសកលទៀតផង។ លោកអគ្គលេខាបក្ស ប្រធានរដ្ឋ បានចាត់ទុកថា ភាគីទាំងពីរគួរតែផ្លាស់ប្តូរពីការផលិត និងការផ្គុំទៅជាការស្រាវជ្រាវ ការរចនា និងការច្នៃប្រឌិត។

“នាំប្រទេសវៀតណាមក្លាយជាសសរស្តម្ភនៅក្នុងយុទ្ធសាស្ត្រអភិវឌ្ឍន៍របស់ក្រុមហ៊ុន។ ខ្ញុំដឹងថា Meiko មានគោលដៅនាំឲ្យមូលដ្ឋាននានានៅវៀតណាមក្លាយជាមជ្ឈមណ្ឌលស្រាវជ្រាវ អភិវឌ្ឍន៍ និងផលិតកម្មរបស់ក្រុមហ៊ុននៅឆ្នាំ ២០៣០ ដោយមានគម្រោងចាប់ផ្តើមសាងសង់មជ្ឈមណ្ឌលស្រាវជ្រាវនិងអភិវឌ្ឍន៍នៅ Hoa Lac ក្នុងឆ្នាំ ២០២៧។ នេះគឺជាទិសដៅយុទ្ធសាស្ត្រ ដែលឆ្លុះបញ្ចាំងពីទំនុកចិត្តរបស់ក្រុមហ៊ុនចំពោះប្រទេសវៀតណាម និងមនុស្សវៀតណាម។ រដ្ឋាភិបាលវៀតណាមនឹងបន្តបង្កើតលក្ខខណ្ឌអំណោយផលទាក់ទងនឹងស្ថាប័ន ហេដ្ឋារចនាសម្ព័ន្ធ និងធនធានសម្រាប់ក្រុមហ៊ុន Meiko អនុវត្តន៍គម្រោងរបស់ខ្លួនប្រកបដោយប្រសិទ្ធភាព ជាពិសេសមជ្ឈមណ្ឌលស្រាវជ្រាវនិងអភិវឌ្ឍន៍នៅ Hoa Lac។ ខ្ញុំស្នើឱ្យក្រុមហ៊ុនបន្តរួមដំណើរជាមួយដៃគូនៅវៀតណាមឆ្ពោះទៅរកការអភិវឌ្ឍបៃតង ប្រកបដោយចីរភាព ដោយធានាការការពារបរិស្ថាន សុវត្ថិភាពការងារ និងសិទ្ធិរបស់ពលករ”៕

តាម​ vovworld.vn/km-KH

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top