អង្គការណាតូបានសម្រេចចិត្តកាត់បន្ថយចំនួនបុគ្គលិកការទូតនៅក្នុងបេសកកម្មអចិន្រ្តៃយ៍របស់រុស្ស៊ីប្រចាំនៅសម្ព័ន្ធភាពយោធានេះ ពីចំនួន២០នាក់មកនៅត្រឹម១០នាក់ ហើយបណ្តេញបុគ្គលិក ៨ នាក់នៅក្នុងគណៈប្រតិភូបច្ចុប្បន្ននិងលុបចោលតំណែងទំនេរចំនួនពីរផង ដែរ។

នៅថ្ងៃទី១៨ ខែតុលា រដ្ឋមន្ត្រីការបរទេសរុស្ស៊ីលោក Sergei Lavrov បានប្រកាសថា ស្ថានបេសកកម្មការទូតរុស្ស៊ីប្រចាំនៅអង្គការសន្ធិសញ្ញាអាត្លង់ទិកខាងជើង (ណាតូ) នឹងបញ្ឈប់ប្រតិបត្តិការចាប់ពីថ្ងៃទី១ ខែវិច្ឆិកា ហើយរាល់ការផ្លាសប្តូរព័ត៌មានរវាងភាគីទាំងពីរនឹងត្រូវបានធ្វើឡើងតាមរយៈស្ថានទូតរុស្ស៊ីប្រចាំនៅបែលហ្ស៊ីកប៉ុណ្ណោះ។ ទីភ្នាក់ងារសារព័ត៌មាន TASS បានដកស្រង់សម្តីរបស់រដ្ឋមន្ត្រីការបរទេសរុស្ស៊ីលោក Lavrov ដែលបានឲ្យដឹងថា រុស្ស៊ីក៏មិនទទួលស្គាល់បុគ្គលិកបេសកកម្មណាតូនៅទីក្រុងម៉ូស្គូឡើយ។

មុននោះ អង្គការណាតូបានសម្រេចចិត្តកាត់បន្ថយចំនួនបុគ្គលិកការទូតនៅក្នុងបេសកកម្មអចិន្រ្តៃយ៍របស់រុស្ស៊ីប្រចាំនៅសម្ព័ន្ធភាពយោធានេះ ពីចំនួន២០នាក់មកនៅត្រឹម១០នាក់ ហើយបណ្តេញបុគ្គលិក ៨ នាក់នៅក្នុងគណៈប្រតិភូបច្ចុប្បន្ននិងលុបចោលតំណែងទំនេរចំនួនពីរផងដែរ។ រុស្ស៊ីបានចោទប្រកាន់ថា ការដែលអង្គការណាតូបណ្តេញមន្ត្រីការទូតក្នុងស្ថានបេសកកម្មរបស់រុស្ស៊ីនៅទីស្នាក់ការនៃសម្ព័ន្ធភាពយោធានេះ បានដើរផ្ទុយទៅនឹងសេចក្តីថ្លែងការណ៍ស្តីពីកិច្ចខិតខំប្រឹងប្រែងដើម្បីធ្វើការសន្ទនាជាមួយរុស្ស៊ីកាលពីមុននោះ៕

តាម VOV5 - វិទ្យុសម្លេងវៀតណាម