នាយប់ថ្ងៃទី ១២ ខែមេសា ឆ្នាំ២០១៨ នៅរដ្ឋធានីហាណូយ ស្ថានទូតសាធារណរដ្ឋប្រជាធិបតេយ្យ ប្រជាមានិតឡាវប្រចាំនៅវៀតណាមបានរៀបចំពិធីទទួលអំណរឆ្នាំថ្មីប្រពៃណីឡាវ Bun Pi May ២៥៦១ (យោងតាមប្រតិទិនពុទ្ធសាសន៍) ។
ស្ថានទូតឡាវប្រចាំនៅវៀតណាម បានប្រារព្ធពិធីចូលឆ្នាំថ្មី ប្រពៃណី Bun Pi May នៅរដ្ឋធានីហាណូយ
ចូលរួមក្នុងពិធីនេះរួមមាន ប្រធានគណៈកម្មាធិការត្រួតពិនិត្យមជ្ឈិម លោក Tran Quoc Vuong អនុប្រធានអចិន្ត្រៃយ៍ប្រចាំការរដ្ឋសភា លោកស្រី Tong Thi Phong ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសវៀតណាម លោក Pham Binh Minh និង អនុប្រធានរដ្ឋ លោកស្រី Dang Thi Ngoc Thinh។
ថ្លែងមតិក្នុងពិធីនេះ លោកស្រី Dang Thi Ngoc Thinh បានអះអាងថា បក្ស រដ្ឋ និងប្រជាជនវៀតណាមជានិច្ចកាលប្រកៀកស្មាគ្នាជាមួយ បក្ស រដ្ឋ និង ប្រជាជនឡាវ ដើម្បីរក្សានិងពូនជ្រុំទំនាក់ទំនងមិត្តភាព សាមគ្គីភាពពិសេសនិងកិច្ចសហប្រតិបត្តិការលើ គ្រប់វិស័យរវាងវៀតណាម - ឡាវ ឲ្យកាន់តែរឹងមាំ និងប្រសិទ្ធិភាព រួមចំណែកយ៉ាងសកម្មក្នុងបុព្វហេតុកសាង និងការពារមាតុភូមិនៃប្រទេសនីមួយៗ។
ឯកអគ្គរដ្ឋទូតវិសាមញ្ញនិងពេញសមត្ថភាពឡាវប្រចាំនៅវៀតណាម លោក Thongsavanh Phomvihane សង្កត់ធ្ងន់ថា សមិទ្ធិផលសំខាន់ៗដែលប្រទេសឡាវសម្រេចបានក្នុងរយៈពេលកន្លងទៅគឺមានការរួមចំណែកយ៉ាងធំធេងពីកិច្ចសហប្រតិបត្តិការដោយស្មោះត្រង់ ប្រសិទ្ធភាពនិងការគាំទ្រយ៉ាងពេញទំហឹងរបស់បក្ស រដ្ឋ និង ប្រជាជនវៀតណាម។ តាមរយៈនោះបានឆ្លុះបញ្ចាំងពីសាមគ្គីភាពពិសេសនិងកិច្ចសហប្រតិបត្តិការលើគ្រប់វិស័យ រវាងឡាវនិងវៀតណាមដែលថ្នាក់ដឹកនាំគ្រប់ជំនាន់នៃប្រទសទាំងពីរបានរក្សានិងពូនជ្រុំ៕
តាម VOV5 - វិទ្យុសម្លេងវៀតណាម
