• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សំបុត្រនាសម័យសង្គ្រាមនិងបំណងប្រាថ្នាសន្តិភាពរបស់ប្រជាជាតិវៀតណាម

 
 សិក្ខាសាលាវិទ្យាសាស្រ្ត “សំបុត្រនាសម័យសង្គ្រាមវៀតណាម” 

“សំបុត្រនាសម័យសង្គ្រាម​វៀតណាម” គឺជាសៀវភៅ​លេចធ្លោមួយ​ក្បាល ដែល​ស្ថិត​នៅ​ក្នុង​ទូសៀវ​ភៅ របស់​អ្នក​អក្សរ​សាស្រ្ត​វរសេនីយ៍ឯក Dang Vuong Hung។ សៀវភៅនេះ​ទើបនឹង​ត្រូវបាន​លើក​តម្កើង​ក្នុង​ការជូ​ន​រង្វាន់​ដ៏ធំរំ​លឹក​ខួបលើកទី៧០ ទិវាយុទ្ធជនពិការ​យុទ្ធជនពលីវៀតណាម ថ្ងៃទី២៧ ខែ​កក្កដា​។ នេះជាស្នាដៃ​មាន​លក្ខណៈ​​មនុស្សសាស្រ្ត​យ៉ាង​​ជ្រាល​ជ្រៅ ​ហើយរីកសាយ ភាយដល់ជំនាន់យុវវ័យវៀតណាម​ទៀតផង។

​សៀវភៅ“សំបុត្រនាសម័យសង្គ្រាមវៀ​ត​ណាម” គឺជាលទ្ធផលនៃការ​ចលនាស្រាវជ្រាវរៀប រៀងនិងបោះពុម្ភ​ផ្សាយប្រជុំ​សៀវភៅ” សំបុត្រនិង​ទិនានុលេខក្នុង​សម័យសង្គ្រាមវៀត ណាម” ដែលបាន​អនុ​វត្តអស់​រយៈពេល១០ឆ្នាំដែលចាប់ពី​ឆ្នាំ២០០៥ ​រហូតដល់ឆ្នាំ២០១៥ក្នុ​ងឱកាស​រំលឹកខួបលើទី៣០នៃ​ទិវា​រំដោះភូមិ​ភាគ​ខាង​ត្បូង​ឯកភាព​ប្រទេស​​ជាតិ (ថ្ងៃទី៣០ ខែ​មេ​សា)។ សៀវភៅ“សំបុត្រនាសម័យសង្គ្រាម​វៀត​ណាម” បានប្រមូល​ផ្ដុំសំបុត្រ​ចំនូន​៣០០ របស់​មនុស្សចំនួន​១២៧នាក់ ដែលជាប្រធានរដ្ឋ កម្មករកសិករ ​កងទ័ព យុវជនស្ម័​គ្រចិត្ត​ជាដើម។ គេមាន​ចំណុច​​មួយ ដូចគ្នានោះ​គឺសុទ្ធតែបានរស់នៅ និង​ធ្វើការតស៊ូក្នុង​សង្គ្រាម។ អ្នក​អក្សរ​សាស្រ្ត​វរសេនីយ៍​ឯក​ Dang Vuong ​Hung បានរៀប​រាប់ថា

​“នា​ឆ្នាំ២០០៤ មានអ្នកស្រាវជ្រាវជាជនជាតិអាមេរិកមួយរូប​ មកកាន់វៀតណាម​ដើម្បី សំរិតសំរាំង​សំបុត្រក្នុង​សម័យ​សង្គ្រាម​ហើយគាត់​មករកខ្ញុំ​។ បន្ទាប់​នោះ ខ្ញុំមាន​គំនិត​បំផុស​ឡើង​នូវការ​ស្រាវជ្រាវ​សំបុត្រ​និងឯកសារ​ក្នុងសង្គ្រាមវៀត​ណាមមួយ។ ក្នុងរយៈពេល​ដ៏ខ្លីមួយ​បាន​មានសំបុត្រ​រួមជាមួយ​សៀវភៅ​កត់​ចំណាំ​និង​ទិនានុលេខ​រាប់ហ្មឺនក្បាល​បានផ្ញើជូនមកខ្ញុំ។ អ្នកសរសេរសំបុត្រស្ទើ​តែទាំង​អស់ បាន​ស្លាប់​ហើយ​ឯកសារ​ទាំង​នេះគឺ​ដោយសារ​សាច់ញាតិរបស់​គេផ្ញើមកជូនខ្ញុំ។”

​ក្នុងសង្គ្រាមទាំងពីរលើកប្រឆាំងអាណានិគម​និយមបារាំង និងចក្រពតិ្តអាមេរិកសង្គ្រោះជា​តិ មាន​សំបុត្រ​ជាច្រើន​សន្ធឹកសន្ធាប់ត្រូវបានផ្ញើពីសម​រភូមិក្រោយទៅសមរភូមិ​មុខ។ នេះជាប្រភព​ឯកសារ​ដ៏សំបូរ​បែប​និង​រស់រវើក​បញ្ជាក់ ពីការតស៊ូការពារប្រទេស​ជាតិដ៏អង់អាចក្លា ហានគួរឲ្យមោទ​នៈរបស់ប្រជា​ជាតិ​វៀត​ណាម​។ អ្នក​ស្រាវជ្រាវ​ប្រវតិ្តសាស្រ្តលោក​ Duong Trung Quoc បាន​ថ្លែងថា

“ប្រវតិ្តសាស្រ្តគឺដោយសារ​មនុស្សលោកធ្វើឡើង។ ហេតុនេះហើយទោះ​បីសំបុត្រជាក្រដាសស្ដើងៗក្ដីតែវាបែរជា​មាន​អត្ថន័យ​ដ៏ធំធេងទៅវិញ។ តាមរ​យៈសំបុត្រ​ទាំងនោះ​យើងអាច​មើលឃើញ​នូវសម័យ​កាល​ប្រវតិ្តសាស្រ្តមួយ បាន​កន្ល​ង​ផុតទៅ។ តំលៃទាំងនោះបានរីកសាយភាយយ៉ាង​ខ្លាំងដ​ល់ជំនាន់យុវជន”។ “សំបុត្រនា​សម័យសង្គ្រាម​វៀតណាម” ផ្ទុកនូវរឿងរ៉ាវជាច្រើនគួរឲ្យ​រំជួលចិត្ត។ នោះគឺ មនោសញ្ចេតនា​រវាង​គូស្រករ  រវាង​សមាជិក​ក្នុង​គ្រួសារ ឬមនោ​សញ្ចេតនាស​មមិត្តនិ​ងយុ​ទ្ធមិត្ត។ សំបុត្រ​ទាំង​នេះឆ្លុះបញ្ចាំង​ពីភាព​កាច​សាហាវ​នៃសង្គ្រាម​ ស្មារ​តីប្រយុទ្ធអង់អាចក្លាហាន​ ប្ដូរផ្ដាច់​របស់​កងទ័ព​និង​ប្រជាជន​វៀតណាម​ដើម្បី​ឯករាជ្យ​សេរីភាព​នៃប្រទេស​​ជាតិ។ សំបុត្រនានាក៏បង្ហាញឲ្យឃើញនូ​វការជឿជាក់ទៅលើជ័​យជ​ម្នះ និងបំណង​ប្រាថ្នា​សន្តិភាព​របស់​ប្រជាជាតិ​វៀតណាម​ផងដែរ។ ឧត្តម​សេនីយ៍ត្រី Phan Van Lai វីរជនកង​កំលាំង​ប្រដាប់​អាវុធ​ប្រជាជន​បាន​រៀប​រាប់​ថា

“បងប្អូនយើងខ្ញុំនៅវាលប្រយុទ្ធពេល ទទួលបានសំបុត្រពីប្រពន្ធកូនម្ដងៗ គឺតែងស្រក់​ទឹកភ្នែក។ យើង​ខ្ញុំរំជួល​ចិត្ត​ នឹក​នា អាណិត​គ្រួសារខ្លាំង​ណាស់។ តែយើង​ខ្ញុំត្រូវទុក​ចោល​អ្វីៗ​ទាំង​អស់​ដើម្បី​ធ្វើកា​រប្រយុទ្ធ​ប្រឆាំង​ស្រូវ​សិន”​។

អាចនិយាយបានថាសៀវភៅ“​សំបុត្រនាសម័យស​ង្គ្រាម​វៀតណាម” បាន​ជះឥទ្ធិពល​ទូលំ​ទូលាយ​ជ្រៅជ្រះ​និងយូរ​អង្វែង​ក្នុងជីវភព​រស់​នៅរបស់ប្រជាជន រួមចំណែក​សកម្មទៅក្នុងបុ​ព្វហេតុ​កសាងការពារ​មាតុភូមិ អប់រំ​ជំនាន់​វ័យក្មេង​ពីប្រពៃ​ណីបដិវ​ត្តន៍ របស់ប្រជាជតិទាំងមូល៕

 

តាម​​ VOV5 - វិទ្យុសំឡេង​វៀតណាម​
 

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

អគ្គលេខាបក្ស ប្រធានរដ្ឋ លោក តូ ឡឹម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០

នាព្រឹកថ្ងៃទី១៥ ខែវិច្ឆិកា នេះ នៅរាជធានីភ្នំពេញ ប្រទេសកម្ពុជា អគ្គលេខាបក្ស ប្រធានរដ្ឋ លោក តូ ឡឹម បានដឹកនាំគណៈប្រតិភូជាន់ខ្ពស់វៀតណាម អញ្ជើញចូលរួមពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ ក្រោមមូលបទ "រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង"។

Top