ប្រធានរដ្ឋសភាលោក Tran Thanh Man អញ្ជើញថ្លែងសុន្ទរកថាបើក ហើយរួមជាមួយអនុប្រធានរដ្ឋសភាប្តូរវេនគ្នាដឹកនាំកិច្ចប្រជុំ

ក្នុងសម័យប្រជុំនេះ គណៈកម្មាធិការអចិន្ត្រៃយ៍រដ្ឋសភានឹងពិចារណា និងផ្តល់យោបល់លើការងារតាក់តែងច្បាប់។ ក្នុងនោះ ផ្តល់យោបល់លើខ្លឹមសារដូចជា៖ ការបកស្រាយ ការទទួល និងកែសម្រួលលើសេចក្តីព្រាងច្បាប់ស្តីពីឧស្សាហកម្មបច្ចេកវិទ្យាឌីជីថល ច្បាប់ស្តីពីការងារ (ធ្វើវិសោធនកម្ម) ច្បាប់ធ្វើវិសោធនកម្មនិងបំពេញបន្ថែមមាត្រាមួយចំនួននៃច្បាប់ ផ្សាយពាណិជ្ជកម្ម ច្បាប់ស្តង់ដារនិងបទប្បញ្ញត្តិបច្ចេកទេស។ លើសពីនេះ គណៈកម្មាធិការអចិន្ត្រៃយ៍រដ្ឋសភានឹងពិចារណា និងអនុម័ត៖ សេចក្តីសម្រេចចិត្តរួម កំណត់យ៉ាងលម្អិតអំពីការរៀបចំការជំនួបប្រាស្រ័យរវាងសមាជិកសភាជាមួយអ្នកបោះឆ្នោត  និងសមាជិកក្រុមប្រឹក្សាប្រជាជន; សេចក្តីសម្រេចចិត្តរបស់គណៈកម្មាធិការអចិន្ត្រៃយ៍រដ្ឋសភា កំណត់ការអនុវត្តប្រជាធិបតេយ្យនៅក្នុងស្ថាប័នរដ្ឋសភា ស្ថាប័នក្រោមឱវាទនៃគណៈកម្មាធិការអចិន្ត្រៃយ៍រដ្ឋសភា និងទីភ្នាក់ងារនៃក្រុមប្រឹក្សាប្រជាជនគ្រប់លំដាប់ថ្នាក់។

ក្នុងកិច្ចប្រជុំនេះដែរ គណៈកម្មាធិការអចិន្ត្រៃយ៍រដ្ឋសភានឹងផ្តល់យោបល់លើការត្រៀមរៀបចំសម័យប្រជុំវិសាមញ្ញលើកទី៩ រដ្ឋសភានីតិកាលទី១៥៕