• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមមានការរួមចំណែកជាច្រើនចំពោះជោគជ័យរួមនៃ COP២៧

កិច្ចប្រជុំនៃអង្គការសហប្រជាជាតិស្តីពីការប្រែប្រួលអាកាសធាតុ (COP27) ដែលធ្វើឡើងនៅប្រទេសអេហ្ស៊ីបបានបិទបញ្ចប់នៅថ្ងៃទី១៨ ខែវិច្ឆិកា។

កិច្ចប្រជុំនេះទទួលបានជោគជ័យ បន្ទាប់ពីបានឃើញភាពជោគជ័យនៃកិច្ចព្រមព្រៀង និងគំនិតផ្តួចផ្តើមជាច្រើនដែលសម្រេចបាន  ដើម្បីផ្លាស់ប្តូរពីការសន្យាទៅការអនុវត្តជាក់ស្តែង បង្កើនកិច្ចខិតខំប្រឹងប្រែងក្នុងការឆ្លើយតប និងកាត់បន្ថយផលវិបាកនៃការប្រែប្រួលអាកាសធាតុនៅជុំវិញពិភពលោក។

ក្នុងបទសម្ភាសន៍ជាមួយអ្នកយកព័ត៌មាននៃវិទ្យុសម្លេងវៀតណាមប្រចាំនៅប្រទេស អេហ្ស៊ីប លោក Pham Van Tan អនុប្រធាននាយកដ្ឋានប្រែប្រួលអាកាសធាតុបានអះអាងថា គណៈប្រតិភូវៀតណាមដែលចូលរួមកិច្ចប្រជុំនេះមានគំនិតផ្តួចផ្តើមជាច្រើនដើម្បីរួមចំណែកដល់ជោគជ័យរួមនៃកិច្ចប្រជុំ។

“លទ្ធផលនៃ COP27 អាចមានមតិផ្សេងៗគ្នាជាច្រើនដែរ ប៉ុន្តែលទ្ធផលដ៏ធំបំផុតដែលគណៈប្រតិភូវៀតណាមទទួលបានក្នុងកិច្ចប្រជុំនេះបានបង្ហាញថា វៀតណាមជាប្រទេសសកម្ម និងមានការទទួលខុសត្រូវក្នុងការអនុវត្តការប្តេជ្ញាចិត្តអន្តរជាតិ។ ការអភិវឌ្ឍន៍ការបំភាយឧស្ម័នទាប នាំការបំភាយសុទ្ធដល់ "សូន្យ" ត្រឹមឆ្នាំ ២០៥០ និងការសម្របខ្លួនទៅនឹងបម្រែបម្រួលអាកាសធាតុ គឺជាផ្លូវដែលវៀតណាមប្រដេញតាមយ៉ាងខ្ជាប់ខ្ជួន ទាំងការអភិវឌ្ឍន៍ប្រទេសប្រកបដោយចីរភាព និងរួមចំណែកក្នុងការប្រយុទ្ធប្រឆាំងនឹងការប្រែប្រួលអាកាសធាតុសកល។ ដូច្នេះហើយ ប្រទេសនិងអង្គការអន្តរជាតិជាច្រើន បានស្វែងរកមធ្យោបាយដើម្បីជួបពិភាក្សាជាមួយវៀតណាមក្នុងអំឡុង ២ សប្តាហ៍ដែលប្រព្រឹត្តទៅកិច្ចប្រជុំ”។

វៀតណាមបានដាក់ចេញនូវគំនិតផ្តួចផ្តើមជាច្រើន ជាពិសេសការប្រើប្រាស់ធន ធានភាគច្រើនដែលប្រមូលបានតាមរយៈយន្តការនៃកិច្ចព្រមព្រៀងទីក្រុងប៉ារីស ដើម្បីផ្ទេរបច្ចេកវិទ្យា និងគាំទ្រការអនុវត្តគម្រោងសាកល្បង។ អាស្រ័យហេតុនេះ ទាក់ទាញប្រភពមូលនិធិ និងការវិនិយោគដ៏រឹងមាំពីសហគ្រាសក្នុងនិងក្រៅប្រទេស ដើម្បីកាត់បន្ថយការបំភាយឧស្ម័នផ្ទះកញ្ចក់ ឆ្លើយតបទៅនឹងការប្រែប្រួលអាកាសធាតុ និងបម្រើដល់ការអភិវឌ្ឍន៍ប្រកបដោយចីរភាពនៃប្រទេសនីមួយៗ៕

តាម​ VOV5 - វិទ្យុសម្លេងវៀតណាម

ឱកាសសហប្រតិបត្តិការ និងតភ្ជាប់អាជីវកម្មរវាងវៀតណាម និងកម្ពុជា

ឱកាសសហប្រតិបត្តិការ និងតភ្ជាប់អាជីវកម្មរវាងវៀតណាម និងកម្ពុជា

សន្និសីទនេះបានជួយសហគ្រាសនៃប្រទេសវៀតណាម និងកម្ពុជា សហការគ្នា ស្វែងរកឱកាសអាជីវកម្ម ជំរុញការនាំចេញទំនិញ ជួយសហគ្រាសធុនតូច និងមធ្យមនៃប្រទេសទាំងពីរ ជំនះពុះពារលើការលំបាកក្រោយជំងឺរាតត្បាតកូវីដ ១៩ និងអតិផរណាសេដ្ឋកិច្ចពិភពលោកផងដែរ។

Top