អ្នកនាំពាក្យរងក្រសួងការបរទេស លោកស្រី Pham Thu Hang  (រូបថត៖ tienphong.vn)

ក្នុងសន្និសីទសារព័ត៌មានជាប្រចាំរបស់ក្រសួងការបរទេសវៀតណាម នារសៀលថ្ងៃទី៤ ខែវិច្ឆិកា តាមប្រព័ន្ធអនឡាញនោះ អ្នកនាំពាក្យរងក្រសួងការបរទេស លោកស្រី Pham Thu Hang បានឲ្យដឹងថា វៀតណាមកំពុងពិភាក្សាជាមួយដៃគូជាង ៨០ ដើម្បីទទួលស្គាល់លិខិតឆ្លងដែនសុខភាពអេឡិចត្រូនិករបស់គ្នាទៅវិញទៅមក ហើយនឹងអនុម័តលើបទប្បញ្ញត្តិ ដើម្បីអនុវត្តន៍គោលដៅពីរទន្ទឹមគ្នា ប្រយុទ្ធប្រឆាំងជំងឺរាតត្បាតផង និងអភិវឌ្ឍន៍សេដ្ឋកិច្ចផង។

អំពីបទដ្ឋានទទួលស្គាល់លិខិតឆ្លងដែនសុខភាពអេឡិចត្រូនិកនោះ លោកស្រី Pham Thu Hang បានឲ្យដឹងថា៖ “ដើម្បីទទួលបានការទទួលស្គាល់ជាផ្លូវការនោះ លិខិតឆ្លងដែនវ៉ាក់សាំងបរទេសត្រូវឆ្លើយតបនឹងក្រមបទដ្ឋានទទួលស្គាល់ និងការប្រើប្រាស់លិខិតឆ្លងដែនវ៉ាក់សាំងរបស់ប្រទេស និងតំបន់ដែនដីនានានៅវៀតណាម ដែលត្រូវបានរដ្ឋាភិបាលផ្ដល់សច្ចប័ន។ ជាក់ស្ដែង វៀតណាមទទួលស្គាល់ប្រភេទវ៉ាក់សាំង ដែលត្រូវបាន WHO  ផ្ដល់សច្ចាប័ន មជ្ឈមណ្ឌលគ្រប់គ្រងជំងឺរាតត្បាតសហរដ្ឋអាមេរិក ឬទីភ្នាក់ងារគ្រប់គ្រងឱសថអឺរ៉ុប អនុញ្ញាតឲ្យប្រើប្រាស់ក្នុងគ្រាបន្ទាន់។ ទន្ទឹមនឹងនេះ លិខិតឆ្លងដែនវ៉ាក់សាំងជាកំណែអេឡេចត្រូនិក និងជាលាយលក្ខអក្សរត្រូវភ្ជាប់ជាមួយលេខកូដផងដែរ”។

សូមបញ្ជាក់ដែរថា នាពេលថ្មីៗនេះ រដ្ឋាភិបាលវៀតណាមបានអនុម័តលើផែនការសាកពិសោធន៍ទេសចរណ៍អន្តរជាតិមកកាន់វៀតណាមតាមជំហានៗ។ ផងដែរ៕

តាម VOV5 - វិទ្យុសំឡេងវៀតណាម