មហាសន្និបាតអង្គការសហប្រជាជាតិនៅថ្ងៃទី ២៦ ខែកុម្ភៈ បានបើកសម័យប្រជុំក្រៅផ្លូវការ ស្តីពីស្ថានភាពនៅប្រទេសមីយ៉ាន់ម៉ា។

ឯកអគ្គរដ្ឋទូតប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ លោក Dang Dinh Quy

ថ្លែងមតិនៅទីនេះ ឯកអគ្គរដ្ឋទូតប្រធានស្ថានបេសកកម្ម វៀតណាមប្រចាំ នៅអង្គការសហប្រជាជាតិ លោក Dang Dinh Quy បានឲ្យដឹងថា ការវិវឌ្ឍនាបច្ចុប្បន្ននៅមីយ៉ាន់ម៉ាគឺបង្កអន្តរាយដល់ស្ថេរភាព ការអភិវឌ្ឍន៍និងផលប្រយោជន៍ស្របច្បាប់របស់ប្រជាជន មីយ៉ាន់ម៉ា ព្រមទាំងអំពាវនាវឱ្យភាគីពាក់ព័ន្ធបញ្ឈប់ការធ្វើសកម្មភាពដែលបង្កើនភាពតានតឹងនិងឆ្ពោះទៅរកដំណោះស្រាយដែលស្របតាមរដ្ឋធម្មនុញ្ញនិងច្បាប់របស់ប្រទេសមីយ៉ាន់ម៉ា ក៏ដូចជាសេចក្តីប្រាថ្នានិងឆន្ទៈរបស់ប្រជាជនមីយ៉ាន់ម៉ា។ លោកឯកអគ្គរដ្ឋទូតបានលើកឡើងពីសារៈសំខាន់នៃការសម្របសម្រួលដំណើរការប្រជាធិបតេយ្យការ ធានាសុវត្ថិភាព អភិក្រមការងារមនុស្សធម៌និងសេវាកម្មចាំបាច់សម្រាប់ប្រជាជនមីយ៉ាន់ម៉ា ជាពិសេស វៀតណាមចង់ឲ្យមីយ៉ាន់ម៉ាមានស្ថេរភាពក្នុងពេលឆាប់ៗខាងមុខនេះ ដើម្បីការអភិវឌ្ឍផ្ទាល់ខ្លួនរបស់មីយ៉ាន់ម៉ា ដើម្បីសន្តិភាព ស្ថិរភាពនិងកិច្ចសហប្រតិបត្តិការនៅក្នុងតំបន់ ក៏ដូចជាដំណើរការកសាង សហគមន៍ប្រជាជាតិអាស៊ីអាគ្នេយ៍(អាស៊ាន) ។ លោកឯកអគ្គរដ្ឋទូតបានសង្កត់ធ្ងន់ថា វៀតណាមគាំទ្រកិច្ចខិតខំប្រឹងប្រែងនិងតួនាទីសម្រុះសម្រួលរបស់បេសកកជនពិសេសរបស់អគ្គលេខាធិការប្រចាំប្រទេសមីយ៉ាន់ម៉ានិងលើកទឹកចិត្តដល់ការសម្របសម្រួលរវាងបេសកកជនពិសេសជាមួយអាស៊ាន ដើម្បីស្ថរភាពស្ថានការណ៍នៅមីយ៉ាន់ម៉ា៕ 

តាម​ VOV5 - វិទ្យុសម្លេងវៀតណាម