• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លោកនាយករដ្ឋមន្រ្តី Pham Minh Chinh៖ បានលះបង់សេដ្ឋកិច្ច អនុវត្តន៍ការរក្សាគម្លាតសង្គមហើយ គឺត្រូវតែគ្រប់គ្រងជម្ងឺរាតត្បាតក្នុងពេលឆាប់ៗ

អញ្ជើញធ្វើសន្និដ្ឋាននៅកិច្ចប្រជុំ លោកនាយករដ្ឋមន្រ្តី Pham Minh Chinh បានតម្រូវឲ្យកំណត់និងត្រៀមស្មារតីជាស្រេចដើម្បីរួមរស់ សម្របខ្លួនទៅនឹងស្ថានភាពថ្មីនៃជម្ងឺរាតត្បាត ព្រមទាំងអនុវត្តន៍ដំណោះស្រាយយ៉ាងប្ដូរផ្ដាច់ គ្រប់គ្រងការឆ្លងរីករាលដាលដើម្បីផ្តោតលើការអនុវត្តភារកិច្ចនយោបាយនិងអភិវឌ្ឍសេដ្ឋកិច្ចសង្គម។

ទិដ្ឋភាពនៅកិច្ចប្រជុំ (រូបថត៖ VGP)


នៅព្រឹកថ្ងៃទី ២៩ ខែសីហា នាយករដ្ឋមន្រ្តីរដ្ឋាភិបាលវៀតណាមលោក Pham Minh Chinh ប្រធានគណៈកម្មការជាតិទទួលបន្ទុកការបង្ការ ប្រយុទ្ធប្រឆាំងនឹងជំងឺកូវីដ -១៩ បានអញ្ជើញដឹកនាំកិច្ចប្រជុំតាមប្រព័ន្ធវីដេអូរបស់គណៈកម្មការជាមួយខេត្តក្រុងចំនួន២០; ខ័ណ្ឌ ស្រុកនិងទីរួមខេត្តចំនួន ២០៩; ឃុំ សង្កាត់ ទីរួមស្រុកចំនួន ១.០៦០ ដែលកំពុងអនុវត្តន៍ការរក្សាគម្លាតសង្គមនិងការរក្សាគម្លាតសង្គមកម្រិតខ្ពស់ ដើម្បីបង្ការប្រឆាំងការឆ្លងរាលដាលនៃជម្ងឺកូវីដ ១៩។

របាយការណ៍នៅក្នុងកិច្ចប្រជុំនេះបានឲ្យដឹងថា ចាប់តាំងពីការផ្ទុះរាលដាលលើកទី៤នៃជម្ងឺកូវីដ ១៩ កាលពីថ្ងៃទី២៧ មេសា មក លើទូទាំងប្រទេសបានកត់ត្រាករណីឆ្លងសរុបចំនួន ៤១៩.៦១៧ នាក់ ហើយចំនួនអ្នកជម្ងឺដែលបានជាសះស្បើយស្រូបយក ៥០%, ករណីស្លាប់មានចំនួន ១០.៣៧០ នាក់។ ខេត្តចំនួន ៨/៦២ បានឆ្លងកាត់រយៈពេល១៤ថ្ងៃជាប់ៗគ្នាហើយដោយមិនបានកត់ត្រាករណីថ្មីទេ ខណៈដែលខេត្តមួយមិនទាន់កត់ត្រាករណីឆ្លងណាមួយ (Cao Bang)។ នៅទីក្រុងហូជីមិញ និងខេត្ត Binh Duong ស្ថានភាពជម្ងឺរាតត្បាតកំពុងវិវឌ្ឍន៍យ៉ាងស្មុគស្មាញ ចំនួនករណីថ្មីនៅតែត្រូវបានកត់ត្រាក្នុងកម្រិតខ្ពស់ (ប្រមាណ ៥០% ត្រូវបានកត់ត្រានៅក្នុងសហគមន៍) ហើយមាននិន្នាការកើនឡើងដោយសារតែការបង្កើនការធ្វើតេស្តក្នុងទ្រង់ទ្រាយធំ។ នៅខេត្ត Long An និង Tien Giang ចំនួនករណីឆ្លងនៅក្នុងសហគមន៍មាននិន្នាការថយចុះប៉ុន្តែនៅតែខ្ពស់។ ចំពោះបណ្ដាខេត្តនៅ សេសសល់នៅភាគខាងត្បូង ស្ថានភាពជម្ងឺរាតត្បាតកំពុងត្រូវបានគ្រប់គ្រងជាបណ្ដើរៗ; ចំនួនករណីដែលត្រូវបានរកឃើញតាមរយៈការត្រួតពិនិត្យក្នុងសហគមន៍ (ចន្លោះពី ៧-១៥%) មាននិន្នាការថយចុះផងដែរ។ នៅទីក្រុងហាណូយនិងខេត្តក្រុងភាគកណ្តាលមួយចំនួនដូចជា Da Nang Khanh Hoa Phu Yen ជម្ងឺរាតត្បាតកំពុងស្ថិតក្រោមការគ្រប់គ្រងជាស្ថាពរ អាស្រ័យដោយការអនុវត្តយ៉ាងប្ដូរផ្ដាច់នូវវិធានការបង្ការប្រឆាំង ហើយអនុវត្តន៍ការរក្សាគម្លាតសង្គមយ៉ាងឆាប់រហ័សនិងទាន់ពេលវេលា។ ទោះយ៉ាងណាក៏ដោយ នៅតែមានហានិភ័យនៃការផ្ទុះជម្ងឺដែរ។

អញ្ជើញធ្វើសន្និដ្ឋាននៅកិច្ចប្រជុំ លោកនាយករដ្ឋមន្រ្តី Pham Minh Chinh បានតម្រូវឲ្យកំណត់និងត្រៀមស្មារតីជាស្រេចដើម្បីរួមរស់ សម្របខ្លួនទៅនឹងស្ថានភាពថ្មីនៃជម្ងឺរាតត្បាត ព្រមទាំងអនុវត្តន៍ដំណោះស្រាយយ៉ាងប្ដូរផ្ដាច់ គ្រប់គ្រងការឆ្លងរីករាលដាលដើម្បីផ្តោតលើការអនុវត្តភារកិច្ចនយោ បាយនិងអភិវឌ្ឍសេដ្ឋកិច្ចសង្គម។ ដោយឈរលើស្មារតីដាក់សុខភាពនិងអាយុជីវិតរបស់ប្រជាជនជាចម្បងបង្អស់ បណ្ដាខេត្ត ក្រុង ជាពិសេសគឺឃុំ សង្កាត់ ទីរួមស្រុក ចាំបាច់ត្រូវកំណត់គោលដៅឲ្យបានច្បាស់លាស់ ជាក់លាក់ ដើម្បីអនុវត្តន៍ប្រកបដោយប្រសិទ្ធភាពនូវសេចក្ដីសម្រេចចិត្តលេខ៨៦ របស់រដ្ឋាភិបាល; ទប់ស្កាត់ រុញថយជម្ងឺរាតត្បាតក្នុងពេលឆាប់ៗ ប្រកបដោយប្រសិទ្ធភាព កុំឲ្យបន្តអូសបន្លាយការរក្សាគម្លាតសង្គមទៀតឡើយ។ លោកនាយករដ្ឋមន្រ្តីបានសង្កត់ធ្ងន់ថា៖ “បានលះបង់សេដ្ឋកិច្ចនិងអនុវត្តន៍ការរក្សាគម្លាតសង្គមហើយ គឺយើងត្រូវតែសម្រេចបានគោលដៅបង្ការទប់ស្កាត់ជម្ងឺរាតត្បាត”។

ចំពោះការអនុវត្តយុទ្ធសាស្ត្រចាក់វ៉ាក់សាំង លោកនាយករដ្ឋមន្រ្តីបានបញ្ជាក់ថា វ៉ាក់សាំងល្អបំផុតគឺជាវ៉ាក់សាំងដែលត្រូវបានចាក់ឆាប់បំផុត។ ដូច្នេះ ចាំបាច់ត្រូវរៀបចំការចាក់វ៉ាក់សាំងឱ្យបានឆាប់រហ័ស ប្រកបដោយសុវត្ថិភាព ប្រសិទ្ធភាពតាមលំដាប់អាទិភាព៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

អគ្គលេខាបក្ស ប្រធានរដ្ឋលោក តូ ឡឹម ទទួលជួបនាយករដ្ឋមន្ត្រីសិង្ហបុរី ប្រធានាធិបតីកូរ៉េខាងត្បូងនិងនាយកគ្រប់គ្រង IMF

អគ្គលេខាបក្ស ប្រធានរដ្ឋលោក តូ ឡឹម ទទួលជួបនាយករដ្ឋមន្ត្រីសិង្ហបុរី ប្រធានាធិបតីកូរ៉េខាងត្បូងនិងនាយកគ្រប់គ្រង IMF

នាថ្ងៃទី ១៨ ខែវិច្ឆិកា នៅក្រៅកិច្ចប្រជុំសប្តាហ៍កំពូល APEC ឆ្នាំ ២០២៦ នៅទីក្រុងសិនជិន ប្រទេសចិន អគ្គលេខាបក្ស ប្រធានរដ្ឋវៀតណាម លោក តូ ឡឹម បានអញ្ជើញទទួលជួបជាមួយនាយករដ្ឋមន្ត្រីសិង្ហបុរី លោក Lawrence Wong ប្រធានាធិបតីកូរ៉េខាងត្បូង លោក Lee Jae Myung និងនាយកគ្រប់គ្រងមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva។

Top