• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លោកនាយករដ្ឋមន្ត្រី Pham Minh Chinh អញ្ជើញដាក់ផ្កានៅវិមានលោកប្រធានហូជីមិញ និងទស្សនាសួនរុក្ខសាស្ត្រសិង្ហបុរី

ក្នុងដំណើរបំពេញទស្សនកិច្ចផ្លូវការនៅសិង្ហបុរី នាព្រឹកមិញថ្ងៃទី៩ ខែកុម្ភៈនេះ នាយករដ្ឋមន្ត្រី លោក Pham Minh Chinh និងភរិយាបានអញ្ជើញដាក់កម្រងផ្កាគោរពវិញ្ញាណក្ខន្ធលោកប្រធានហូជីមិញនៅសារមន្ទីរអរិយធម៌អាស៊ី និងបានទៅទស្សនាឧទ្យានរុក្ខសាស្ត្រសិង្ហបុរី។
លោកនាយករដ្ឋមន្ត្រី លោកជំទាវភរិយា និងគណៈប្រតិភូបានដាក់ផ្កា គោរពរំលឹកគុណូបការៈដ៏ឧត្តុង្គឧត្តមរបស់លោកប្រធានហូជីមិញ ។ (រូបថត៖ Vu Khuyen )

សារមន្ទីរអរិយធម៌អាស៊ី ដែលមានទីតាំងនៅមាត់ទន្លេសិង្ហបុរី គឺជាសារមន្ទីរតែមួយគត់នៅក្នុងតំបន់សម្រាប់បម្រើការរុករកបេតិកភណ្ឌសិល្បៈរបស់អាស៊ី; បង្ហាញពីទំនាក់ទំនងប្រវត្តិសាស្ត្ររវាងវប្បធម៌អាស៊ី និងរវាងអាស៊ី និងពិភពលោក។ នៅក្នុងសារមន្ទីរ រូបសំណាកលោកប្រធានហូជីមិញ និងមេដឹកនាំ អ្នកជំនួញអាស៊ីជាច្រើនទៀតត្រូវបានដាក់យ៉ាងឱឡារិក។ លោកនាយករដ្ឋមន្ត្រី លោកជំទាវភរិយា និងគណៈប្រតិភូបានដាក់ផ្កា គោរពរំលឹកគុណូបការៈដ៏ឧត្តុង្គឧត្តមរបស់លោកប្រធានហូជីមិញ វីរៈជនរំដោះជាតិ អ្នកវប្បធម៌ពិភពលោក។

បន្ទាប់មក លោកនាយករដ្ឋមន្រ្តី Pham Minh Chinh និងភរិយាបានទៅទស្សនាសួនរុក្ខសាស្ត្រសិង្ហបុរី ដែលជាកន្លែងតាំងបង្ហាញផ្កាអ័រគីដេត្រូពិចដ៏ធំបំផុតលើពិភពលោក ដែលមានប្រភេទផ្កាអ័រគីដេជាង ១០០០ ប្រភេទ និងអ័រគីដេកូនកាត់ចំនួន ២០០០ ប្រភេទ។ នៅទីនេះ លោកនាយករដ្ឋមន្ត្រី Pham Minh Chinh បានចូលរួមពិធី និងដាក់ឈ្មោះប្រភេទផ្កាអ័រគីដេថ្មី "Pham Le Tran Chinh" គឺជាប្រភេទផ្កាអ័រគីដេកូនកាត់ដែលមានភាពរឹងមាំ ចេញផ្កាធម្មជាតិ និងចម្រុះពណ៌៕

តាម VOV5 - វិទ្យុសំឡេង​វៀតណាម

ស៊ីរី៖ មនុស្សជាង ១.៣០០ នាក់ត្រូវស្លាប់នៅក្នុងរលកអំពើហិង្សាថ្មីបំផុត

ស៊ីរី៖ មនុស្សជាង ១.៣០០ នាក់ត្រូវស្លាប់នៅក្នុងរលកអំពើហិង្សាថ្មីបំផុត

ស្ថិតិថ្មីបំផុតរបស់អង្គការឃ្លាំមើលសិទ្ធិមនុស្សស៊ីរី (SOHR) ដែលមានមូលដ្ឋាននៅចក្រភពអង់គ្លេស បង្ហាញថា ចំនួនអ្នកស្លាប់នៅក្នុងការប៉ះទង្គិចគ្នាដែលបានកើតឡើងនៅតំបន់ឆ្នេរនៃប្រទេសស៊ីរីក្នុងរយៈពេលប៉ុន្មានថ្ងៃថ្មីៗនេះ បានកើនឡើងដល់ជាង ១.៣០០ នាក់ ក្នុងនោះមានជនស៊ីវិលចំនួន ៧៤៥ នាក់។

Top