ក្នុងជំនួបនេះ លោកនាយករដ្ឋមន្ត្រីបានឲ្យដឹងថា រដ្ឋាភិបាល ស្ថាប័នគ្រប់លំដាប់ថ្នាក់ និងគ្រប់វិស័យបាននិងកំពុងខិតខំប្រឹងប្រែងដោះស្រាយបញ្ហាដែលនៅសេសសល់នៃគម្រោងនិងសហគ្រាសមួយចំនួនដែលកំពុងដំណើរការយឺត គ្មានប្រសិទ្ធភាព ក្នុងវិស័យឧស្សាហកម្មនិងពាណិជ្ជកម្ម រួមទាំងរោងចក្រជី Ninh Binh ផងដែរ។ លោកនាយករដ្ឋមន្ត្រីបានស្នើឱ្យគណៈកម្មាធិការគ្រប់គ្រងដើមទុនរដ្ឋនៅសហគ្រាស សម្របសម្រួលជាមួយសម្ព័ន្ធក្រុមគីមីជាតិវៀតណាម និងក្រុមហ៊ុនចំកាត់ឯកបុគ្គលជី Ninh Binh ដើម្បីពន្លឿនការកសាងគម្រោងរៀបចំរចនាសម្ព័ន្ធរោងចក្រឡើងវិញដែលអាចធ្វើទៅបាន។
នាយករដ្ឋមន្ត្រីលោក Pham Minh Chinh បានស្នើឱ្យខេត្ត Ninh Binh រួមដៃដោះស្រាយបញ្ហានៅក្នុងរោងចក្រ ហើយបានស្នើរឲ្យសម្ព័ន្ធក្រុមហ៊ុនធ្យូងថ្ម - រ៉ែ ធានាការផ្គត់ផ្គង់ធ្យូងថ្មប្រកប ដោយស្ថិរភាពសម្រាប់រោងចក្រជី Ninh Binh ។
សូមគូសបញ្ជាក់ថា រោងចក្រជី Ninh Binh ត្រូវបានសម្ព័ន្ធក្រុមហ៊ុនគីមីជាតិ Vietnam វិនិយោគនៅខេត្ត Ninh Binh ដោយមានសមត្ថភាពផលិត Ure ចំនួន ៥៦០,០០០ តោន/ឆ្នាំ ជាមួយដើមទុនវិនិយោគសរុបចំនួន ៦៦៧លានដុល្លារ។ រោងចក្រនេះត្រូវបានដាក់ឱ្យដំណើរការចាប់ពីឆ្នាំ ២០១២ ហើយប្រឈមនឹងការលំបាកក្នុងការផលិត និងអាជីវកម្ម៕
