• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ពិធីអបអរសាទរខួបលើកទី៧៨ទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម

នាយប់ថ្ងៃទី ៣១ សីហា នៅរោងល្ខោនធំហាណូយ ប្រធានរដ្ឋវៀតណាម លោក Vo Van Thuong និងលោកជំទាវ បានអញ្ជើញជាអធិបតីក្នុងពិធីអបអរសាទរខួបលើក ទី ៧៨ ទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម (ថ្ងៃទី ២ ខែ កញ្ញា ឆ្នាំ ១៩៤៥ - ថ្ងៃទី ២ ខែកញ្ញា ឆ្នាំ ២០២៣)។
លោកប្រធានរដ្ឋ  Vo Van Thuong និងភរិយា រួម​ជាមួយ​ថ្នាក់​ដឹក​នាំបក្ស រដ្ឋ ផ្សេងទៀតបានអញ្ជើញចូលរួមកម្មវិធីនេះ។ ឮរូបថត៖VNA

ថ្លែងមតិក្នុងពិធីនេះ លោកប្រធានរដ្ឋ Vo Van Thuong បានសង្កត់ធ្ងន់ថា ចាប់ តាំងពីរដូវស្លឹកឈើជ្រុះបដិវត្តន៍ឆ្នាំ ១៩៤៥ ដោយស្មារតី “គ្មានអ្វីមានតម្លៃជាងឯករាជ្យ និងសេរីភាព” នោះ ប្រជាជាតិវៀតណាមបានតស៊ូយ៉ាងអង់អាចក្លាហាន ឆ្លងកាត់សង្គ្រាមដ៏លំបាកវេទនានិងកាចសាហាវ ជាមួយនឹងពលីកម្មរបស់កុលបុត្រកុលធីតា វៀតណាមឆ្នើមៗរាប់លាននាក់ ដើម្បីរំដោះប្រជាជាតិ បង្រួបបង្រួមប្រទេសជាតិ កសាង និងការពារមាតុភូមិ។ ឈានចូលសម័យផ្លាស់ប្ដូរថ្មី ប្រជាជន
វៀតណាម ជានិច្ចកាលខិតខំប្រឹងប្រែងដើម្បីលុបបំបាត់ភាពអត់ឃ្លាន កាត់បន្ថយភាពក្រីក្រ និង ហួសសម័យ ហើយសម្រេចបានសមិទ្ធិផលសំខាន់ៗជាប្រវត្តិសាស្ត្រ។ ពីប្រទេស មួយដែលគ្មានឈ្មោះនៅលើផែនទីពិភពលោក ប៉ុន្តែនាសព្វថ្ងៃនេះ វៀតណាមបានបង្កើត ទំនាក់ទំនងការទូតជាមួយប្រទេសចំនួន ១៩២; ឈានឡើងក្លាយជាខឿនសេដ្ឋកិច្ចដ៏ស្វាហាប់ឈានមុខគេនៅអាស៊ីប៉ាស៊ីហ្វិក។ លោកប្រធានរដ្ឋបានសង្កត់ធ្ងន់ថា៖
“ក្នុងដំណើរការអនុវត្តន៍សេចក្តីប្រាថ្នាក្លាយជាប្រទេសអភិវឌ្ឍន៍ ដែលមាន ចំណូលខ្ពស់នៅឆ្នាំ២០៤៥ វៀតណាមត្រូវបន្តពង្រីកកម្លាំងនៃផែនមហាសាមគ្គីភាព របស់ប្រជាជាតិទាំងមូល ជំរុញខ្លាំងនិងគ្រប់ជ្រុងជ្រោយនូវបុព្វហេតុផ្លាស់ប្ដូរថ្មី សមាហ រណកម្មអន្តរជាតិយ៉ាងស៊ីជម្រៅ។ បន្តសុក្រិតនីតិរដ្ឋសង្គមនិយម និងសេដ្ឋកិច្ចទីផ្សារ តាមទិសសង្គមនិយម; ការពាររឹងមាំនូវអធិបតេយ្យភាព បូរណភាពដែនដីជាតិ ថែរក្សា និងពង្រីកបេតិកភណ្ឌដ៏មានតម្លៃដែលប្រជាជនវៀតណាមជំនាន់មុនៗបានខិតខំស្ថាបនា។ ក្នុងដំណើរការនោះ ប្រជាជនជានិច្ចកាលស្ថិតនៅទីតាំងកណ្ដាល ជាម្ចាស់កម្មវត្ថុ កម្លាំងចលករ និងគោលដៅនៃគោលនយោបាយអភិវឌ្ឍន៍ទាំងស្រុង”។
ពិធីអបអរសាទរខួបលើកទី៧៨ទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម - ảnh 2ពិធីអបអរសាទរទិវាបុណ្យឯករាជ្យជាតិលើកទី៧៨ បានប្រព្រឹត្តទៅយ៉ាងឱឡារិកនៅ
រោងល្ខោនធំហាណូយ។ (រូបថត៖ VOV)
លោកប្រធានរដ្ឋបានថ្លែងអំណរគុណយ៉ាងស្មោះស្ម័គ្រចំពោះបណ្ដាប្រទេស ដៃគូរ និងប្រជាជន
ជឿនលឿនលើពិភពលោកដែលបានរួមដំណើរជាមួយវៀតណាម ផ្តល់ ឲ្យវៀតណាមនូវក្តីស្រឡាញ់ ការជឿទុកចិត្ត ការចែករំលែក និងការជួយគាំទ្រដ៏មាន តម្លៃ រួមចំណែកទៅក្នុងសមិទ្ធិផលរបស់វៀតណាមក្នុងរយៈពេល ៧៨ ឆ្នាំកន្លងមក។ និយាយអំពីការប្រែប្រួលដ៏ស្មុគស្មាញ និងបញ្ហាប្រឈមរបស់ពិភពលោកសព្វថ្ងៃនេះ លោកប្រធានរដ្ឋ Vo Van Thuong បានសង្កត់ធ្ងន់ថា៖
“ដើម្បីរក្សាសន្តិភាព និងវិបុលភាពរួមសម្រាប់ប្រទេសទាំងអស់ យើងត្រូវរួបរួម គ្នា ជំរុញកិច្ចសហប្រតិបត្តិការ ពង្រឹងពហុភាគីនិយម; គោរពតាមធម្មនុញ្ញអង្គការសហ ប្រជាជាតិ និងច្បាប់អន្តរជាតិ។ វៀតណាមត្រៀមខ្លួនជាស្រេចធ្វើជាស្ពានសម្រាប់កិច្ច សហប្រតិបត្តិការ និងកិច្ចសន្ទនា ដើម្បីពង្រឹងពហុភាគីនិយម ជំរុញការដោះស្រាយ ជម្លោះដោយសន្តិវិធី តាមរយៈការសន្ទនា ដោយឈរលើមូលដ្ឋាននៃធម្មនុញ្ញអង្គការ សហប្រជាជាតិ និងច្បាប់អន្តរជាតិ។ វៀតណាមជានិច្ចកាលជាមិត្តដ៏ស្មោះត្រង់ ដៃគូ គួរឲ្យទុកចិត្ត ជាសមាជិកដែលមានទំនួលខុសត្រូវនៃសហគមន៍អន្តរជាតិ។ ខ្ញុំជឿជាក់ ថា បណ្ដាឯកអគ្គរដ្ឋទូត ភារធារី និងប្រធានតំណាងអង្គការអន្តរជាតិនឹងបន្តជាស្ពាន ជាអ្នកតំណាងគំរូនៃសុច្ឆន្ទៈ ភាពស្មោះត្រង់ ទំនុកចិត្ត ភាពស្អិតរមួត ដែលមានការ រួមវិភាគទានជាក់ស្ដែងជាច្រើន ដើម្បីជំរុញទំនាក់ទំនងសហប្រតិបត្តិការដ៏រឹងមាំរវាង វៀតណាមជាមួយ ដៃគូដទៃទៀតជុំវិញពិភពលោក”។
កាលពីយប់ថ្ងៃទី៣១ សីហា ផងដែរ នៅទីក្រុងហូជីមិញ គណៈកម្មាធិការបក្ស ទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្ស មាតុភូមិវៀតណាមទីក្រុងហូជីមិញ បានប្រារព្ធពិធីជប់លៀងដោយមានការចូលរួមពី ស្ថាប័នការទូត ស្ថានកុងស៊ុល អង្គការក្រៅរដ្ឋាភិបាល អង្គការអន្តរជាតិ និងតំណាង សហគមន៍ធុរកិច្ចនៅទីក្រុងហូជីមិញ៕

តាម​ VOV5 - វិទ្យុសម្លេងវៀតណាម

អាណិកជនវៀតណាមនៅឯបរទេស ចូលរួមអបអរសាទរបុណ្យតេតប្រពៃណី ឆ្នាំ២០២៥

អាណិកជនវៀតណាមនៅឯបរទេស ចូលរួមអបអរសាទរបុណ្យតេតប្រពៃណី ឆ្នាំ២០២៥

នាយប់ថ្ងៃទី១៨ ខែមករា ឆ្នាំ២០២៥ នៅទីក្រុងហូជីមិញ គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមទីក្រុងហូជីមិញបានរៀបចំកម្មវិធី “ជួបប្រាស្រ័យជាមួយប្រជាជនវៀតណាមនៅឯបរទេស អបអរសាទរនិទាឃរដូវឆ្នាំ ២០២៥"។ គណៈប្រតិភូអាណិកជនវៀតណាមជាង១ពាន់នាក់មកពីប្រទេស និងតំបន់ដែនដីរាប់សិបកន្លែង បានមកទីក្រុង ដើម្បីចូលរួមជំនួបនេះ។

Top