នៅក្នុងពិធីប្រកាសការបង្កើតសាជីវកម្មសហប្រតិបតិ្តការរវាងក្រុមហ៊ុនភាគហ៊ុនចំណីអាហារូបត្ថម្ភ NutiFood របស់​វៀតណាមនិងសម្ព័ន្ធក្រុមហ៊ុន Asahi របស់ជប៉ុន នាថ្ងៃទី១០ ខែមករា ឆ្នាំ២០១៩ នៅទីក្រុង ហូជីមិញ តំណាងនៃក្រុមហ៊ុនទាំងពីរនេះបានអោយដឹងថា ភាគីទាំងពីរនឹងនាំផលិតផលអាហារូបត្ថម្ភសម្រាប់កុមាររបស់ជប៉ុនចូល​មកទីផ្សារវៀតណាម។

ទិដ្ឋភាពនៃពិធីប្រកាសការបង្កើតសាជីវកម្មសហប្រតិបតិ្តការរវាងក្រុមហ៊ុនភាគហ៊ុនចំណីអាហារូបត្ថម្ភ NutiFood
របស់វៀតណាមនិងសម្ព័ន្ធក្រុមហ៊ុន Asahi របស់ជប៉ុន

នាបច្ចុប្បន្ន Asahi កំពុងមានកម្មសិទ្ធិចំពោះ WAKODO ដែលជាពាណិជ្ជសញ្ញាចំណីអាហារសម្រាប់កុមារលេខ ១ នៅជប៉ុន។ ក្រៅពីនោះ កិច្ចសហប្រតិបត្តិការរវាងក្រុមហ៊ុនទាំងពីរនេះ គឺសំដៅឆ្ពោះទៅរកសាជីវកម្មមួយដោយដាក់ឈ្មោះថា Asahi-Nutifood សំដៅឆ្លៀតយកឧត្តមភាពនៃភាគីនីមួយៗ។ តាមនោះ ឧត្តមភាពរបស់ NutiFood គឺបទពិសោធន៍អាជីវកម្មដ៏យូរអង្វែងកាណាល់ ចែកចាយដែលត្រូវបានបង្កើតយ៉ាងរឹងមាំនៅទីផ្សារ​វៀត​ណាម ហើយពិសេសគឺការយល់ដឹងយ៉ាងច្បាស់អំពីស្ថានភាពអាហារូបត្ថម្ភរបស់កុមារវៀតណាម។ ចំណែកឯក្រុមហ៊ុន Asahi វិញ គឺមានឧត្តមភាពក្នុងការផលិតម្សៅទឹកដោះគោជាន់ខ្ពស់និងចំណីអាហារសម្រាប់កុមារ៕

តាម VOV5 - វិទ្យុសម្លេងវៀតណាម