នាថ្ងៃទី ៣០ ខែមេសា ឆ្នាំ២០១៨ ប្រធានាធិបតីប្រទេស Venezuela លោក Nicolas Maduro បានសំដែងនូវការស្ងើចសរសើរចំពោះជ័យជំនះយ៉ាងត្រចេះត្រចង់របស់កងទ័ពនិងប្រជាជនវៀតណាមក្នុងយុទ្ធនាការហូជីមិញជាប្រវត្តិសាស្ត្រ ដើម្បីរំដោះភាគខាងត្បូងវៀតណាម និងបង្រួបបង្រួមប្រទេស។

 ប្រធានាធិបតី Venezuela អបអរសាទរវៀតណាមក្នុងឱកាសរំលឹកទិវាបង្រួបបង្រួមប្រទេសវៀតណាម

រដ្ឋាភិបាល Venezuela ក៏បានផ្ញើសារជូនពរដល់រដ្ឋាភិបាលនិងប្រជាជនវៀតណាម ក្នុងពិធីដ៏ឱឡារឹកនេះដែរ។
សារជូនពរនេះបានគូសបញ្ជាក់ថា  ប្រជាជន Venezuela ចែករំលែកសេចក្តីសប្បាយរីករាយជាមួយប្រជាជន វៀតណាមលើជ័យជំនះនៅនិទាឃរដូវឆ្នាំ ១៩៧៥ ដើម្បីបង្រួបបង្រួមប្រទេស។ ចាប់ពីជ័យជំនះដ៏ធំធែងនេះ វៀតណាមបានចាប់ផ្តើមឈានចូលដំណាក់កាលជំនះពុះពារលើផលវិបាករបស់សង្គ្រាម និងស្ដារសេដ្ឋកិច្ចឡើងវិញ​សំដៅកសាងរបបសង្គមនិយមប្រកបដោយជោគជ័យ។ សមស្របទៅនឹងលក្ខណៈរបស់វៀតណាម រដ្ឋាភិបាល Venezuela អះអាងអំពីការប្តេជ្ញាចិត្តរបស់ខ្លួនក្នុងការបន្តពង្រឹងទំនាក់ទំនងនយោបាយនិងបង្កើនចំណងមិត្តភាពទ្វេភាគី ដើម្បីសេចក្តីសុភមង្គលរបស់ប្រជាជននិងអធិបតេយ្យភាពនៃប្រទេសទាំងពីរ៕

តាម VOV5 - វិទ្យុសម្លេងវៀតណាម